NZ vs AUS 1st Test : న్యూజిలాండ్తో జరుగుతున్న తొలి టెస్టులో ఆస్ట్రేలియా పటిష్ట స్థితిలో నిలిచింది. యువ ఆల్రౌండర్ కామెరూన్ గ్రీన్(174 నాటౌట్) భారీ సెంచరీతో కంగారు జట్టును ఆదుకున్నాడు. దాంతో, ఆసీస్ తొలి ఇన్నింగ్స్లో 383 పరుగులకు ఆలౌటయ్యింది. ఒకదశలో 267 పరుగులకే 9 వికెట్లు కోల్పోయిన కంగారూ జట్టు 383 రన్స్ చేసిందంటే అదంతా గ్రీన్, జోష్ హేజిల్వుడ్(22) చలవే.
వీళ్లిద్దరూ 10వ వికెట్కు రికార్డు భాగస్వామ్యంతో న్యూజిలాండ్పై చరిత్ర సృష్టించారు. రెండో రోజు తొలి సెషన్లో కివీస్ బౌలర్లకు పరీక్షపెట్టిన ఈ ఇద్దరూ 116 పరుగులు జోడించారు. దాంతో, గతంలో జేసన్ గిలెస్పీ, గ్లెన్ మెక్గ్రాత్లు 2004లో నెలకొల్పిన రికార్డు బద్ధలైంది. గిలెస్సీ, మెక్గ్రాత్లు కివీస్పై 10వ వికెట్కు 114 రన్స్ కొట్టారు.
100 partnership up between Green & Hazlewood – New Zealand couldn’t have seen this coming #NZvAUS
— ESPNcricinfo (@ESPNcricinfo) February 29, 2024
అనంతరం తొలి ఇన్నింగ్స్ ఆరంభించిన న్యూజిలాండ్ ఆదిలోనే కీలక వికెట్లు కోల్పోయింది. ఆసీస్ పేసర్ల ధాటికి 29 పరుగులకే ఐదు వికెట్లు పడడంతో టిమ్ సౌథీ సేన పీకల్లోతు కష్టాల్లో పడింది. దక్షిణాఫ్రికాపై సెంచరీల మోత మోగించిన స్టార్ ఆటగాడు కేన్ విలియమ్సన్() అనూహ్యంగా రనౌట్ అయ్యాడు. ఆ తర్వాత వచ్చిన గ్లెన్ ఫిలిఫ్స్(69 నాటౌట్), మ్యాట్ హెన్రీ(27 నాటౌట్)లు కివీస్ను ఆదుకునే ప్రయత్నం చేస్తున్నారు. ప్రస్తుతం న్యూజిలాండ్ స్కోర్.. 159/7. ఇంకా తొలి ఇన్నింగ్స్లో టిమ్ సౌథీ సేన 224 పరుగులు వెనకబడి ఉంది.