Visit:
BCCI : ఈ ఏడాది మూడు ఫార్మాట్ల‌లో ఉత్త‌మంగా రాణించిన ఆట‌గాళ్ల జాబితాను శ‌నివారం బీసీసీఐ విడుద‌ల చేసింది. బ్యాటింగ్, బౌలింగ్‌లో అద్భుత ప్ర‌ద‌ర్న‌న చేసిన క్రికెట‌ర్ల పేర్ల‌ను ప్ర‌క‌టించింది. టెస్టు క్రికెట్‌లో అద‌ర‌గొట్టిన వాళ్ల‌లో వికెట్ కిప‌ర్ రిష‌భ్ పంత్, సీనియ‌ర్ పేస‌ర్ జ‌స్ప్రీత్ బుమ్రా అగ్ర‌స్థానంలో ఉన్నారు. ఈ ఏడాది 7 టెస్టు మ్యాచ్‌లు ఆడిన పంత్ 680 ప‌రుగులు సాధించాడు. వీటిలో రెండు సెంరీలు, నాలుగు హాఫ్ సెంచ‌రీలు ఉన్నాయి. భార‌త బౌల‌ర్ల‌లో బుమ్రా ఈ ఏడాది అత్య‌ధిక వికెట్లు ప‌డ‌గొట్టాడు. ఐదుటెస్టుల్లో 20.31 సగటుతో 22 వికెట్లు తీశాడు. రెండుసార్లు ఐదు వికెట్ల ప్ర‌ద‌ర్శ‌న చేశాడు.
వ‌న్డే ఫార్మాట్‌లో.. మిడిలార్డ‌ర్ బ్యాట‌ర్ శ్రేయాస్ అయ్య‌ర్ టాప్ స్కోరర్‌గా నిలిచాడు. 17 మ్య‌చ్‌లు ఆడిన అయ్య‌ర్ 55.69 సగటుతో 724 ప‌రుగులు చేశాడు. ఇందులో 6 హాఫ్ సెంచ‌రీలు ఉన్నాయి. ఇక బౌలింగ్‌లో మొహ‌మ్మ‌ద్ సిరాజ్ ఈ ఏడాది ఆక‌ట్టుకున్నాడు. 15 మ్యాచుల్లో అత‌ను 24 వికెట్లు తీశాడు.
పొట్టి క్రికెట్‌లో.. సూర్య‌కుమార్ యాద‌వ్ ఉత్త‌మ భార‌త ఆట‌గాడిగా ఎంపిక‌య్యాడు. టీ20 వ‌ర‌ల్డ్ క‌ప్‌, న్యూజిలాండ్ సిరీస్‌లో త‌న ట్రేడ్‌మార్క్ షాట్ల‌తో విరుచుక ప‌డిన అత‌ను ఈ ఏడాది 31 మ్యాచుల్లో 1,164 ప‌రుగులు చేశాడు. ఈ ఫార్మాట్‌లో ఆకాశ‌మే హ‌ద్దుగా చెల‌రేగి ఆడిన అత‌ను 2022లో రెండు శ‌త‌కాలు, తొమ్మిది అర్థ‌శ‌త‌కాలు బాదాడు. సీనియ‌ర్ పేస‌ర్ భువ‌నేశ్వ‌ర్ బెస్ట్ బౌల‌ర్‌గా సెల‌క్ట్ అయ్యాడు. 32 టీ20ల్లో భువీ 37 వికెట్లు ప‌డ‌గొట్టాడు.
A look at #TeamIndia‘s Top Performers in Test cricket for the year 2⃣0⃣2⃣2⃣ 🫡@RishabhPant17 @Jaspritbumrah93 pic.twitter.com/YpUi2rjo3P
— BCCI (@BCCI) December 31, 2022
🏏@ShreyasIyer15 & @mdsirajofficial lead the charts for the Top Performers in ODIs in 2⃣0⃣2⃣2⃣ 🫡#TeamIndia pic.twitter.com/ZQyNsen8kP
— BCCI (@BCCI) December 31, 2022
🏏 @surya_14kumar and @BhuviOfficial are our Top Performers in T20Is for 2022 👏💪#TeamIndia pic.twitter.com/pRmzxl8TDm
— BCCI (@BCCI) December 31, 2022
