Mankading | మ‌న్క‌డింగ్ చేశాడ‌ని కోపంతో బ్యాట్ విసిరేసిన క్రికెట‌ర్.. వీడియో వైర‌ల్

Australia Domestic Cricket: ఆస్ట్రేలియా దేశవాళీ క్రికెట్‌లో ఆస‌క్తిక‌ర సంఘ‌ట‌న చోటుచేసుకుంది. బౌల‌ర్ మ‌న్క‌డింగ్ చేయ‌డంతో చిర్రెత్తుకొచ్చిన బ్యాట‌ర్ ఏం చేశాడో తెలుసా..? కోపంగా బ్యాట్‌ను విసిరేశాడు. అంతేకాదు ఆ బౌల‌ర్‌ను దూషించుకుంటూ మైద‌నాం వీడాడు. క్లారెమాంట్, న్యూ నార్‌ఫోక్ జ‌ట్లు త‌ల‌ప‌డిని మ్యాచ్‌లో ఈ సంఘ‌ట‌న జ‌రిగింది.

Mankading : ఆస్ట్రేలియా దేశవాళీ క్రికెట్‌లో ఆస‌క్తిక‌ర సంఘ‌ట‌న చోటుచేసుకుంది. బౌల‌ర్ మ‌న్క‌డింగ్ చేయ‌డంతో చిర్రెత్తుకొచ్చిన బ్యాట‌ర్ ఏం చేశాడో తెలుసా..? కోపంగా బ్యాట్‌ను విసిరేశాడు. అంతేకాదు ఆ బౌల‌ర్‌ను దూషించుకుంటూ మైద‌నాం వీడాడు. క్లారెమాంట్(Claremont), న్యూ నార్‌ఫోక్(New Norfolk) జ‌ట్లు త‌ల‌ప‌డిని మ్యాచ్‌లో ఈ సంఘ‌ట‌న జ‌రిగింది. నాన్‌స్ట్ర‌యిక్‌లో ఉన్న జ‌రోడ్ క‌యే(Jarrod Kaye) బౌల‌ర్ బంతి విస‌ర‌డానికి ముందే క్రీజు దాటాడు. అది గ‌మ‌నించిన బౌల‌ర్ వెంట‌నే మ‌న్క‌డింగ్ చేసి, ఔట్ అంటూ అంపైర్ వైపు చూశాడు. దాంతో, ఫీల్డ్ అంపైర్ వెంట‌నే ఔట్ ఇవ్వ‌కుండా థ‌ర్డ్ అంపైర్ నిర్ణ‌యానికి వ‌దిలేశాడు. థ‌ర్డ్ అంపైర్ జ‌రోడ్‌ను ఔట్‌గా ప్ర‌క‌టించాడు.

ఊహించ‌ని ప‌రిణామంతో తీవ్ర అసంతృప్తికి గురైన అత‌ను పెవిలియ‌న్ వెళ్తూ వెళ్తూ బ్యాట్‌, గ్లోవ్స్‌ను దూరంగా విసిరేశాడు. అంతేకాదు ఆ బౌల‌ర్, అంపైర్‌పై జ‌రోడ్ అస‌హ‌నం వ్య‌క్తం చేశాడు. నాన్‌స్ట్రయిక‌ర్ ర‌నౌట్ చ‌ట్ట‌బ‌ద్ద‌మేన‌ని ఐసీసీ, మ‌రిలేబోన్ క్రికెట్ క్ల‌బ్ ప‌దేప‌దే చెప్పినా ఆస్ట్రేలియ‌న్లు దాన్ని తేలిక‌గా తీసుకోవ‌డం లేదు అన‌డానికి ఇదొక ఉదాహ‌ర‌ణ‌.

మొద‌ట బ్యాటింగ్ చేసిన న్యూ నార్‌ఫోక్ 50 ఓవ‌ర్ల‌లో 7 వికెట్ల న‌ష్టానికి 263 ర‌న్స్ చేసింది. ఛేజింగ్‌లో క్ల‌రెమాంట్ జ‌ట్టు 214 ప‌రుగుల‌కే ఆలౌట్ అయింది. జ‌రోడ్ క‌య (43), రిక్ మార్టిన్ (70) మాత్ర‌మే రాణించారు. కీల‌క ఇన్నింగ్స్ ఆడుతున్న స‌మ‌యంలో మ‌న్క‌డింగ్ ద్వారా ఔట్ కావ‌డంతో జ‌రోడో తీవ్రంగా నిరాశ చెందాడు.

A Tasmanian cricketer was NOT happy after getting out via a Mankad and launched his bat, helmet and gloves into the air! 🤬🤯 pic.twitter.com/y64z4kwpE3

— Fox Cricket (@FoxCricket) March 28, 2023

బిగ్‌బాష్ లీగ్‌లోనూ..

ఈ ఏడాది బిగ్‌బాష్ లీగ్‌లో మెల్‌బోర్న్ స్టార్స్ కెప్టెన్ ఆడం జంపా మ‌న్క‌డింగ్‌కు ప్ర‌య‌త్నించి విఫ‌ల‌మ‌య్యాడు. అత‌ను బౌలింగ్ యాక్ష‌న్ పూర్త‌య్యాక బెయిల్స్‌ను గిరాటేయ‌డంతో అంపైర్ బ్యాట‌ర్‌ను నాటౌట్‌గా ప్ర‌క‌టిచించాడు. ఐపీఎల్‌లో రవిచంద్ర‌న్ అశ్విన్, బ‌ట్ల‌ర్‌ను మ‌న్క‌డింగ్ చేసి వార్త‌ల్లో నిలిచిన విష‌యం తెలిసిందే. అయితే.. అ త‌ర్వాత కూడా చాలామంది నాన్ స్ట్ర‌యిక‌ర్ రనౌట్‌కు ప్ర‌యత్నిస్తూనే ఉన్నారు.

ఇవి కూడా చ‌ద‌వండి

నేషనల్‌ టీటీ చాంపియన్‌ శ్రీజ

WPL 2023 | డ‌బ్ల్యూపీఎల్ తొలి సీజ‌న్‌.. రికార్డులు సృష్టించిన ప్లేయ‌ర్స్‌ వీళ్లే