NZ vs BAN : న్యూజిలాండ్ గడ్డపై టెస్టు, వన్డే విజయంతో చరిత్ర సృష్టించిన బంగ్లాదేశ్(Bangladesh) మరో సంచలనం నమోదు చేసింది. బుధవారం మొదలైన టీ20 సిరీస్లో కూడా నజ్ముల్ హుసేన్ శాంటో(Najmul Hussain Shanto) సేన బోణీ కొట్టింది. నేపియర్లో జరిగిన తొలి మ్యాచ్లో 5 వికెట్ల తేడాతో అద్భుత విజయం సాధించింది.
తొలుత బౌలర్లు కివీస్ను 134 పరుగులకే కట్టడి చేశారు. స్వల్ప లక్ష్య ఛేదనలో ఓపెనర్ లిట్టన్ దాస్(42 నాటౌట్) చివరిదాకా నిలబడగా.. యువ ఆల్రౌండర్ మెహిదీ హసన్(19 నాటౌట్) మెరుపు ఇన్నింగ్స్తో జట్టును గెలిపించాడు. దాంతో బంగ్లా ఆధిక్యంలోకి దూసుకెళ్లింది.
BANGLADESH HAVE THEIR MAIDEN T20I WIN OVER NZ IN NZ 👏
Litton Das, the hero as Bangladesh go 1-0 up in a nervy chase! https://t.co/WxoMaMuqks | #NZvBAN pic.twitter.com/XlYG0YoWhS
— ESPNcricinfo (@ESPNcricinfo) December 27, 2023
టాస్ ఓడి బ్యాటింగ్కు దిగిన న్యూజిలాండ్ 9 వికెట్ల నష్టానికి 134 పరుగులు కొట్టింది. ఇన్నింగ్స్ ఆరంభించిన కివీస్ బంగ్లా బౌలర్ల ధాటికి ఒక్క పరుగులకే 3 కీలక వికెట్లు కోల్పోయింది. కష్టాల్లో పడిన జట్టును జిమ్మీ నీషం(48), కెప్టెన్ మిచెల్ శాంట్నర్(23) ఆదుకున్నారు. స్టార్ బ్యాటర్లు డారిల్ మిచెల్(14), చాప్మన్(19) నిరాశపరిచారు. బంగ్లా బౌలర్లలో షొరిఫుల్ ఇస్లాం మూడు వికెట్లు తీయగా.. మెహిదీ హసన్, ముస్తాఫిజరు తలా రెండేసి వికెట్లు పడగొట్టారు.