Babar Azam : ప్రపంచంలోని అత్యుత్తమ క్రికెటర్లలో ఒకడైన పాకిస్థాన్ కెప్టెన్ బాబర్ ఆజాం(Babar Azam) ఇప్పుడు భీకర ఫామ్లో ఉన్నాడు. ఆసియా కప్(Asia Cup 2023) ఆరంభ మ్యాచ్లో నేపాల్పై రికార్డు సెంచరీ కొట్టిన అతను చిరకాల ప్రత్యర్థి టీమిండియాకు గట్టి హెచ్చరికలు పంపాడు. అంతేకాదు భారత్తో మ్యాచ్కు ముందు ఈ స్టార్ ఆటగాడు పలు ఆసక్తికర విషయాలు వెల్లడించాడు. స్టార్ స్పోర్ట్స్తో మాట్లాడిన బాబర్.. విరాట్ కోహ్లీ(Virat Kohli)ని మొదటిసారి కలవడం, అతడి సలహాలు తన కెరీర్కు ఎలా ఉపయోగపడ్డాయి అనే చెప్పుకొచ్చాడు.
‘నేను కోహ్లీని 2019 వరల్డ్ కప్లో మొదటిసారి కలిశాను. అప్పుడు అతను కెరీర్ అత్యత్తమ దశలో ఉన్నాడు. ఇప్పటికి కూడా విరాట్ అదే ఫామ్లో ఉన్నాడు. అప్పుడు నేను అతడి నుంచి చాలా నేర్చుకున్నా. కోహ్లీ నా గురించి మాట్లాడడం, నా ఆటను పొగడడం ఎంతో సంతోషంగా, గర్వంగా అనిపించింది. కోహ్లీ లాంటి గొప్ప క్రికెటర్ పొగిడితే ఎవరికైనా ఆత్మవిశ్వాసం రెండింతలు అవుతుంది అని బాబర్ తెలిపాడు. ఆ రోజు కోహ్లీని చాలా ప్రశ్నలు అడిగాను. వాటిలో నా ఆటను
Beyond rivalries and runs, lies a foundation of respect! 🤝💙@babarazam258‘s touching encounter with @imVkohli echoes the sentiment of mutual regard that cricket fosters. 🇮🇳🇵🇰 pic.twitter.com/YStrJsGDYU
— Star Sports (@StarSportsIndia) August 31, 2023
మెరుగుపర్చుకునేందుకు అవసరమైనవే ఉన్నాయి. అతను కూడా చాలా ఓపికగా బదులిచ్చాడు. విరాట్ సలహాలు నాకెంతో ఉపయోగపడ్డాయి’ అని బాబర్ చెప్పుకొచ్చాడు. సెప్టెంబర్ 2న భారత్, పాక్ తలపడనున్నాయి. ఈ మ్యాచ్లో కోహ్లీ, బాబర్పైనే అందరి కళ్లు నిలిచాయి. నిరుడు ఆస్ట్రేలియా ఆతిథ్యం ఇచ్చిన టీ20 వరల్డ్ కప్లో కోహ్లీ పాక్ బౌలర్లను ఉతికారేశాడు. ఓటమి అంచులో ఉన్న జట్టును తన అద్భుత ఇన్నింగ్స్(82 నాటౌట్)తో గెలుపు బాట పట్టించాడు.
బాబర్ ఆజాం
నేపాల్తో జరిగిన మ్యాచ్లో చెలరేగిన బాబర్ వన్డేల్లో 19వ శతకం బాదాడు. దాంతో, వెస్టిండీస్ లెజెండ్ బ్రియాన్ లారా(Brian Lara), శ్రీలంక వెటరన్ మహేల జయవర్దనే(Mahela Jayawardene), ఆస్ట్రేలియా డాషింగ్ ఓపెనర్ డేవిడ్ వార్నర్ (David Warner)తో సమానంగా నిలిచాడు. అంతేకాదు పాకిస్థాన్ తరఫున వన్డేల్లో అత్యధిక సెంచరీలు బాదిన రెండో క్రికెటర్గా గుర్తింపు సాధించాడు. ప్రస్తుతానికి సయీద్ అన్వర్(Saeed Anwar) 20 సెంచరీలతో అగ్ర స్థానంలో ఉన్నాడు. ఆసియా కప్లో రెండో వ్యక్తిగత స్కోర్ నమోదు చేశాడు.