Harihara Veera Mallu | హరిహర వీరమల్లు సందడి షురూ.. టీజర్ విడుదల
దొరల్ని కొట్టి, పేదలకు పెట్టే రాబిన్హుడ్ తరహా పాత్రలో పవన్కల్యాణ్ నటిస్తున్న చిత్రం ‘హరిహర వీరమల్లు’. ‘ధర్మంకోసం యుద్ధం’ అనేది ఉపశీర్షిక. ఇది పవన్కల్యాణ్ నటిస్తున్న తొలి జానపద చిత్రం కావడం విశేషం. జాగర్లమూడి రాధాకృష్ణ(క్రిష్) దర్శకత్వంలో ఈ చిత్రం ఇప్పటికే 75శాతం పూర్తయింది.
Harihara Veera Mallu | దొరల్ని కొట్టి, పేదలకు పెట్టే రాబిన్హుడ్ తరహా పాత్రలో పవన్కల్యాణ్ నటిస్తున్న చిత్రం ‘హరిహర వీరమల్లు’. ‘ధర్మంకోసం యుద్ధం’ అనేది ఉపశీర్షిక. ఇది పవన్కల్యాణ్ నటిస్తున్న తొలి జానపద చిత్రం కావడం విశేషం. జాగర్లమూడి రాధాకృష్ణ(క్రిష్) దర్శకత్వంలో ఈ చిత్రం ఇప్పటికే 75శాతం పూర్తయింది. కాగా, మిగతా భాగాన్ని ఈ చిత్ర నిర్మాత ఏఏం రత్నం తనయుడు, దర్శకుడు అయిన జ్యోతికృష్ణ.. క్రిష్ పర్యవేక్షణలో పూర్తిచేయనున్నట్టు గురువారం టీజర్ విడుదల సందర్భంగా మేకర్స్ ప్రకటించారు. పవన్కల్యాణ్ కెరీర్లోనే అత్యంత భారీ చిత్రంగా రూపొందుతున్న ఈ చిత్రాన్ని రెండు భాగాలుగా నిర్మిస్తున్నట్టు వారు తెలియజేశారు. తొలి భాగానికి చెందిన టీజర్ని గురువారం విడుదల చేశారు.
17వ శతాబ్దం నాటి కథగా రూపొందుతోన్న ఈ చిత్రం కోసం అప్పటి చార్మినార్, ఎర్రకోట, మచిలీపట్నం ఓడరేవు.. వంటి భారీ సెట్లను అంతర్జాతీయ స్థాయి నిర్మాణ విలువలతో నిర్మించారు. వీరమల్లుగా పవన్కల్యాణ్ సాహసాలు ఈ సినిమాలో హైలైట్గా నిలువనున్నాయని టీజర్ చెప్పకనే చెబుతున్నది. టీజర్లోని బలమైన సంభాషణలు, అద్భుతమైన విజువల్స్ సినిమాపై అంచనాలు పెంచేశాయి. మొఘల్ చక్రవర్తిగా బాబీడియోల్ నటిస్తున్న ఈ చిత్రంలో నిధి అగర్వాల్ కథానాయిక. ఈ ఏడాది చివర్లో విడుదల కానున్న ఈ చిత్రంలో నాజర్, సునీల్, రఘుబాబు, సుబ్బరాజు, నోరా పతేహి తదితరులు ఇతర తారాగణం. ఈ చిత్రానికి కెమెరా: జ్ఞానశేఖర్, వి.ఎస్.మనోజ్ పరమహంస, సంగీతం: ఎం.ఎం.కీరవాణి.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

