Adam Zampa : భారత గడ్డపై జరిగిన వన్డే ప్రపంచకప్(ODI World Cup 2023)లో అదరగొట్టిన ఆస్ట్రేలియా స్టార్ స్పిన్నర్ ఆడం జంపా(Adam Zampa) మరోసారి వార్తల్లో నిలిచాడు. మెగా టోర్నీలో ఆసీస్ విజయాల్లో కీలక పాత్ర పోషించిన జంపా.. వరల్డ్ కప్ ట్రోఫీలను పచ్చబొట్టు(Tattoo)గా వేయించుకున్నాడు.
వన్డే వరల్డ్ కప్తో పాటు టీ20 ప్రపంచ కప్ ట్రోఫీలు జంపా తన తొడపై టాటూగా వేయించుకున్నాడు. ఆస్ట్రేలియా క్రికెట్తో తన జర్నీని ఈ లెగ్ స్పిన్నర్ ఇలా ప్రదర్శించాడు. జంపా టాటూ ఫొటో ఆన్లైన్లో వైరల్ అవుతోంది. ఈ ఫొటో చూసిన అభిమానులు మిచెల్ మార్ష్(Mitchell Marsh) వరల్డ్ కప్ ట్రోఫీపై కాళ్లు పెట్టి అగౌరపరిస్తే.. నువ్వైనా అభిమానం చాటుకున్నావు అంటూ కామెంట్లు పెడుతున్నారు.
Adam Zampa with the tattoos of winning 2021 and 2023 World Cups on his thighs. pic.twitter.com/uvRo9QANFp
— Mufaddal Vohra (@mufaddal_vohra) January 12, 2024
మూడేండ్ల క్రితం దుబాయ్లో జరిగిన పొట్టి ప్రపంచ కప్లో జంపా ఇరగదీశాడు. 13 వికెట్లతో ఆసీస్ విజయాల్లో భాగమైన ఈ లెగ్ స్పిన్నర్ ఈమధ్యే ముగిసిన వన్డే ప్రపంచ కప్లోనూ అద్భుతంగా రాణించాడు. 9 మ్యాచుల్లో 23 వికెట్లతో ఆసీస్ జట్టు విజయాల్లో భాగమయ్యాడు.
ప్రపంచ కప్ ట్రోఫీతో జంపా
దాంతో, వరుసగా రెండు ఓటములతో డీలా పడిన ఆసీస్ అనూహ్యంగా పుంజుకొని ఫైనల్కు చేరింది. ఐసీసీ ఫైనల్స్లో తిరుగులేని కంగారూ జట్టు టీమిండియాను చిత్తుగా ఓడించి ఆరోసారి ట్రోఫీని ఒడిసిపట్టుకుంది. నిరుడు జూన్లో ప్రపంచ టెస్టు చాంపియన్షిప్ గదను తన్నుకుపోయిన కమిన్స్ సేన.. ఈసారి వరల్డ్ కప్ ట్రోఫీని ఎగరేసుకుపోయి భారత అభిమానుల గుండెల్ని పిండేసింది.