IND vs RSA : జొయన్నెస్బర్గ్లో జరుగుతున్న తొలి వన్డేలో భారత యువ పేసర్లు నిప్పులు చెరుగుతున్నారు. మొదట అర్ష్దీప్ సింగ్(Arshdeep Singh) సఫారీ టాపార్డర్ను కుప్పకూల్చాడు. అనంతరం అవేశ్ ఖాన్(Avesh Khan) వేట మొదలెట్టాడు. దాంతో, సఫారీ జట్టు 6 వికెట్లు కోల్పోయింది. టాస్ గెలిచి బ్యాటింగ్ తీసుకున్న దక్షిణాఫ్రికాను బౌన్స్తో అర్ష్దీప్ బెంబేలెత్తించాడు.
ఇక ఆదుకుంటాడనుకున్న కెప్టెన్ ఎడెన్ మర్క్రమ్(12)ను అవేశ్ ఖాన్ బౌల్డ్ చేశాడు. ఆ తర్వాత బంతికే వియాన్ మల్డర్(0)ను ఎల్బీగా ఔటయ్యాడు. దాంతో, 52 పరుగులకే ఆరు వికెట్లు కోల్పోయింది. ప్రస్తుతం డేవిడ్ మిల్లర్(0), పెహ్లుక్వాయో(2) క్రీజులో ఉన్నారు. 11 ఓవర్లకు స్కోర్.. 54/6.
Arshdeep is rocking at the Wanderers @StarSportsIndia
Tune in to the 1st #SAvIND ODI LIVE NOW | Star Sports Network #Cricket pic.twitter.com/Cw63MwsidY
— ESPNcricinfo (@ESPNcricinfo) December 17, 2023
తొలుత ఓపెనర్ రీజా హెండ్రిక్స్(0)ను బౌల్డ్ చేసిన ఈ లెఫ్టార్మ్ పేసర్.. ఆ తర్వాత టోని డె జొర్జి(28), వాన్ డస్సెన్(0)లను ఔట్ చేశాడు. ఆ తర్వాత అద్భుత డెలివరీతో ప్రమాదకరమైన హెన్రిచ్ క్లాసెన్(6)ను బౌల్డ్ చేశాడు. దాంతో, దక్షిణాఫ్రికా 52 పరుగులకే 4 వికెట్లు కోల్పోయి పీకల్లోతు కష్టాల్లో పడింది.