Australia Open | ఆరో సీడ్‌ను ముప్ప‌తిప్ప‌లు పెట్టిన క్వాలిఫ‌య‌ర్.. మూడో రౌండ్‌కు కాస్ప‌ర్

Australia Open : ఆస్ట్రేలియ‌న్ ఓపెన్‌లో టాప్ సీడ్లకు క్వాలిఫ‌య‌ర్స్(Qualifiers) ముచ్చెమ‌ట‌లు ప‌ట్టిస్తున్నారు. ఆఖ‌రి వ‌ర‌కూ పోరాడుతూ అబ్బుర‌ప‌రుస్తున్నారు. గురువారం జ‌రిగిన మ్యాచ్‌లో క్వాలిఫ‌య‌ర్ ల్యూక‌స్ క్లెన్...

January 18, 2024 / 12:47 PM IST

Australia Open | ఆరో సీడ్‌ను ముప్ప‌తిప్ప‌లు పెట్టిన క్వాలిఫ‌య‌ర్.. మూడో రౌండ్‌కు కాస్ప‌ర్

Australia Open : ఆస్ట్రేలియ‌న్ ఓపెన్‌లో టాప్ సీడ్లకు క్వాలిఫ‌య‌ర్స్(Qualifiers) ముచ్చెమ‌ట‌లు ప‌ట్టిస్తున్నారు. ఆఖ‌రి వ‌ర‌కూ పోరాడుతూ అబ్బుర‌ప‌రుస్తున్నారు. గురువారం జ‌రిగిన మ్యాచ్‌లో క్వాలిఫ‌య‌ర్ ల్యూక‌స్ క్లెన్(Lukas Klein) ఆరో సీడ్ అలెగ్జాండ‌ర్ జ్వెరెవ్‌(Alexander Zverev)కు చుక్క‌లు చూపించాడు.

నాలుగున్న‌ర‌ గంట‌ల పాటు సాగిన మార‌థాన్ పోరులో జ్వెరెవ్ -5, 3-6, 4-6, 7-6(5), 7-6(10-7)తో గెలుపొంది మూడో రౌండ్‌కు దూసుకెళ్లాడు. దాంతో, క్వాలిఫ‌య‌ర్స్‌పై 17వ విజ‌యం న‌మోదు చేశాడు. మ‌రో పోరులో 11వ సీడ్ కాస్ప‌ర్ రూడ్ (Casper Ruud) అద్భుత విజ‌యంతో మూడో రౌండ్‌లో ప్ర‌వేశించాడు.

Sascha books his place in the third round, defeating qualifier Lukas Klein 7-5 3-6 4-6 7-6(5) 7-6[7]

He’ll face Alex Michelsen next.#AusOpen • #AO2024 pic.twitter.com/TtjwLLqPGF

— #AusOpen (@AustralianOpen) January 18, 2024

‘ల్యూక‌స్ చాలా బాగా ఆడాడు. అత‌డి జోరు చూస్తుంటే మ్యాచ్ మ‌ధ్య‌లో నాకు ఏం చేయాలో తోచ‌లేదు. నిజ‌యతీగా చెప్పాలంటే అత‌డే గెల‌వాల్సింది. కానీ, కొన్నిసార్లు టెన్నిస్‌లో సంచ‌ల‌నాలు న‌మోద‌వుతాయి. నేను గెలిచినందుకు సంతోషంగా ఉన్నా. అయితే.. ల్యూక‌స్ ఆడుతున్న తీరుకు అత‌డి ర్యాంక్‌కు ఏ సంబంధం లేదు’ అని మ్యాచ్ అనంత‌రం జ్వెరెవ్ తెలిపాడు. త‌ర్వాతి రౌండ్‌లో జ్వెరెవ్ అమెరికా సంచ‌ల‌నం అలెక్స్ మిచెల్స‌న్‌ను ఢీకొట్ట‌నున్నాడు.

🧊 🧊 🧊 from @MaxPurcell98!
@bondisands • #staycoolunderpressure • #bondisands
@wwos • @espn • @eurosport • @wowowtennis pic.twitter.com/Xs7BrPR63m

— #AusOpen (@AustralianOpen) January 18, 2024

ఇక కాస్ప‌ర్ రూడ్ కూడా స్థానిక ఆట‌గాడు మాక్స్ పౌర్సెల్‌(Max Purcell)పై అప‌సోపాలు ప‌డి గెలిచాడు. హోరాహోరీగా సాగిన ఐదు సెట్ల పోరులో 6-3, 6-7(5), 6-3, 3-6, 7-6(10-7)తో పౌర్సెల్‌ను మ‌ట్టిక‌రిపించాడు. గ‌తంలో నాలుగో రౌండ్‌లోనే వెనుదిరిగిన రూడ్ ఈసారి ఆ అడ్డంకిని దాటుతాడా? లేదా? అనేది చూడాలి.