Abudhabi T 10 League | ఎడారి దేశంలో క్రికెట్ జాత‌ర‌.. 10 జ‌ట్ల‌తో స‌రికొత్త‌గా టోర్నీ

Abudhabi T 10 League : ఎడారి దేశంలో పొట్టి క్రికెట్ జాత‌ర‌కు మ‌రికొన్ని రోజుల్లో తెర‌లేవనుంది. యునైటెడ్ అర‌బ్ ఎమిరేట్స్ (UAE) రాజ‌ధాని అబుదాబీ వేదిక‌గా న‌వంబ‌ర్ 21వ తేదీన ప్ర‌తిష్ఠాత్మ‌క‌ టీ10 లీగ్ షురూ కానుంది. ఈసారి జ‌రుగ‌బోతున్న 8వ సీజ‌న్‌కు ఓ ప్ర‌త్యేక‌త ఉంది.

Abudhabi T 10 League : ఎడారి దేశంలో పొట్టి క్రికెట్ జాత‌ర‌కు మ‌రికొన్ని రోజుల్లో తెర‌లేవనుంది. యునైటెడ్ అర‌బ్ ఎమిరేట్స్ (UAE) రాజ‌ధాని అబుదాబీ వేదిక‌గా న‌వంబ‌ర్ 21వ తేదీన ప్ర‌తిష్ఠాత్మ‌క‌ టీ10 లీగ్ షురూ కానుంది. ఈసారి జ‌రుగ‌బోతున్న 8వ సీజ‌న్‌కు ఓ ప్ర‌త్యేక‌త ఉంది. మున‌పెన్న‌డూ లేని విధంగా టైటిల్ కోసం ఈ సీజ‌న్‌లో 10 జ‌ట్లు పోటీ ప‌డ‌నున్నాయి. దాంతో, ఈ మెగా టోర్నీ మ‌రింత ఆస‌క్తిక‌రంగా సాగుతూ.. అభిమానుల‌ను అల‌రించ‌నుంది.

అబుదాబీ టీ10 లీగ్ 8వ సీజ‌న్ మ్యాచ్‌ల షెడ్యూల్‌ను నిర్వాహ‌కులు విడుద‌ల చేశారు. టోర్నీలో భాగంగా 40 మ్యాచ్‌లను జ‌యెద్ క్రికెట్ స్టేడియం, అబుధాబీ క్రికెట్ స్పోర్ట్స్ హ‌బ్‌లో నిర్వ‌హించున్నారు. 10 ఓవ‌ర్ల ఫార్మాట్‌లో జ‌రిగే ఈ టోర్నీ కేవ‌లం 12
రోజుల్లోనే  ముగియ‌నుంది. రౌండ్ రాబిన్ ప‌ద్ధ‌తిన సాగే లీగ్ మ్యాచ్‌ల అనంతరం టాప్ – 5 జ‌ట్లు ఫైన‌ల్ బెర్తు కోసం త‌ల‌ప‌డుతాయి.

Grab your tickets now and back the Strikers! 💥 #StrikeFearlessly#AbuDhabi #AbuDhabiT10 #T10 #ADT10#CricketsFastestFormat #InAbuDhabi #Strikers #StrikeFearlessly #Tickets pic.twitter.com/zEPoLvT4xI

— New York Strikers (@NewYorkStrikers) November 8, 2024

రెండు ప్లే ఆఫ్స్ అనంత‌రం.. ఎలిమినేట‌ర్ 1, ఎలిమినేట‌ర్ 2 మ్యాచ్‌లు ఉంటాయి. ఇక క్వాలిఫ‌య‌ర్ 1, క్వాలిఫ‌య‌ర్ 2లో గెలుపొందిన జ‌ట్లు క‌ప్ కోసం అమీతుమీకి సిద్ధ‌మ‌వుతాయి. డిఫెండింగ్ చాంపియన్ న్యూయార్క్ స్ట్ర‌యిక‌ర్స్ న‌వంబ‌ర్ 22న‌ తొలి మ్యాచ్ ఆడ‌నుంది. నిరుడు ర‌న్న‌ర‌ప్ ద‌క్క‌న్ గ్లాడియేట‌ర్స్ జ‌ట్టు ఈసారి క‌ప్ ముద్దాడ‌ల‌నే ప‌ట్టుద‌ల‌తో ఉంది.

ప‌ది జ‌ట్లు ఇవే : న్యూయార్క్ స్ట్ర‌యిక‌ర్స్, ద‌క్క‌న్ గ్లాడియేట‌ర్స్, ఢిల్లీ బుల్స్, టీమ్ అబుదాబీ, నార్త‌ర్న్ వారియ‌ర్స్, మొర్రిస్‌విల్లే సాంప్ ఆర్మీ, బంగ్లా టైగర్స్, చెన్నై బ్రేవ్ జాగ్వార్స్, యూపీ న‌వాబ్స్, బోల్ట్స్ అజ్మ‌న్.

ఇవి కూడా చ‌ద‌వండి

• Srisailam | రేపు శ్రీశైలం వెళ్ల‌నున్న సీఎం చంద్ర‌బాబు.. భ‌ద్ర‌తా ఏర్పాట్లు ప‌రిశీలించిన నంద్యాల ఎస్పీ
• Rabies vaccine | వైద్య సిబ్బంది నిర్లక్ష్యం.. రేబిస్ వ్యాక్సిన్ వికటించి మహిళ మృతి
• Terrorists arrest | గ్రెనేడ్‌ దాడికి పాల్పడ్డ ముగ్గురు లష్కరే ఉగ్రవాదుల అరెస్ట్‌.. Video
• Lakshmi Parvathi | టీడీపీ పెద్దలకు కూడా హిట్లర్‌ లాంటి గతే పడుతుంది.. లక్ష్మీపార్వతి సీరియస్‌