Samsung Galaxy M56 5G | 6 జ‌న‌రేష‌న్స్ వ‌ర‌కు ఓఎస్ అప్‌డేట్స్‌.. కొత్త మిడ్‌రేంజ్ ఫోన్‌ను లాంచ్ చేసిన శాంసంగ్‌..

ప్ర‌స్తుతం ఆండ్రాయిడ్ స్మార్ట్ ఫోన్ల‌నే అధిక శాతం మంది ఉప‌యోగిస్తున్న విష‌యం తెలిసిందే. త‌క్కువ ధ‌ర‌లోనే ఆకట్టుకునే ఫీచ‌ర్లు క‌లిగిన ఫోన్ల‌ను కంపెనీలు త‌యారు చేసి అందిస్తున్నాయి. చాలా మంది మిడ్ రేంజ్ ఫోన్ల‌ను వాడేందుకు ఆస‌క్తిని చూపిస్తున్నారు.

Samsung Galaxy M56 5G | ప్ర‌స్తుతం ఆండ్రాయిడ్ స్మార్ట్ ఫోన్ల‌నే అధిక శాతం మంది ఉప‌యోగిస్తున్న విష‌యం తెలిసిందే. త‌క్కువ ధ‌ర‌లోనే ఆకట్టుకునే ఫీచ‌ర్లు క‌లిగిన ఫోన్ల‌ను కంపెనీలు త‌యారు చేసి అందిస్తున్నాయి. చాలా మంది మిడ్ రేంజ్ ఫోన్ల‌ను వాడేందుకు ఆస‌క్తిని చూపిస్తున్నారు. అయితే ఈ మార్కెట్‌లో చాలా కంపెనీలు పోటీ ప‌డి మ‌రీ ఫోన్ల‌ను అందిస్తున్నాయి. కానీ శాంసంగ్ మాత్రం ఈ విష‌యంలో కాస్త వెనుక‌బ‌డి ఉంద‌నే చెప్పాలి. ఎందుకంటే ఇత‌ర కంపెనీలు మిడ్ రేంజ్ ఫోన్లలోనే ఫ్లాగ్ షిప్ ఫోన్ల‌లో ఉండే ఫీచ‌ర్ల‌ను అందిస్తున్నాయి. దీంతో ఆ కంపెనీల‌తో శాంసంగ్ పోటీ ప‌డ‌లేక‌పోతోంది. అయిన‌ప్ప‌టికీ వినియోగ‌దారుల‌ను ఆక‌ర్షించే ప్ర‌య‌త్నం చేస్తోంది. ఈ క్ర‌మంలోనే శాంసంగ్ తన యూజ‌ర్ల‌ను ఆక‌ట్టుకునేందుకు మ‌రో మిడ్ రేంజ్ ఫోన్‌ను లాంచ్ చేసింది. గెలాక్సీ ఎం56 5జి పేరిట ఈ ఫోన్‌ను భార‌త మార్కెట్‌లో లాంచ్ చేశారు.

అద్భుత‌మైన డిస్‌ప్లే..

శాంసంగ్ రిలీజ్ చేసిన గెలాక్సీ ఎం56 5జి ఫోన్‌లో ఆక‌ట్టుకునే ఫీచ‌ర్ల‌ను అందిస్తున్నారు. ఇందులో 6.7 ఇంచుల డిస్‌ప్లేను ఏర్పాటు చేశారు. ఇది ఫుల్ హెచ్‌డీ ప్ల‌స్ రిజ‌ల్యూష‌న్‌ను క‌లిగి ఉంది. సూప‌ర్ అమోలెడ్ డిస్‌ప్లే కావ‌డం, 120 హెడ్జ్ రిఫ్రెష్ రేట్‌ను క‌లిగి ఉండ‌డంతో ఈ ఫోన్ స్క్రీన్ పై అద్భుత‌మైన దృశ్యాల‌ను వీక్షించ‌వ‌చ్చు. ఈ ఫోన్‌లో ఎగ్జినోస్ 1480 ఆక్టాకోర్‌ ప్రాసెస‌ర్‌ను ఏర్పాటు చేశారు. గ‌తంలో వ‌చ్చిన ఈ సిరీస్ ఫోన్ల క‌న్నా ఈ ఫోన్ 33 శాతం కూలింగ్‌ను ఇస్తుంది. దీంతో గేమ్స్ ఆడేట‌ప్పుడు లేదా వీడియోల‌ను వీక్షించేట‌ప్పుడు ఫోన్ హీట్‌కు గురి కాకుండా ఉంటుంది. ఈ ఫోన్‌లో వెనుక వైపు 50 మెగాపిక్స‌ల్ మెయిన్ కెమెరాను ఏర్పాటు చేశారు. దీనికి ఆప్టిక‌ల్ ఇమేజ్ స్టెబిలైజేష‌న్ ఫీచ‌ర్ ల‌భిస్తుంది. అందువ‌ల్ల ఫోన్ షేక్ అవుతున్నా ఫొటోలు, వీడియోల‌ను నాణ్యంగా తీసుకోవ‌చ్చు. దీంతోపాటు వెనుక భాగంలో మ‌రో 8 మెగాపిక్స‌ల్ అల్ట్రా వైడ్ కెమెరాను, 2 మెగాపిక్స‌ల్ మాక్రో సెన్సార్‌ను కూడా ఇచ్చారు. ముందు భాగంలో 12 మెగాపిక్స‌ల్ కెమెరాను ఇచ్చారు.

6 జ‌న‌రేష‌న్స్ వ‌ర‌కు ఓఎస్ అప్ డేట్స్‌..

ఈ ఫోన్ ఆండ్రాయిడ్ 15 ఆప‌రేటింగ్ సిస్ట‌మ్ ఆధారంగా ప‌నిచేస్తుంది. ఈ ఫోన్‌కు గాను 6 జ‌న‌రేష‌న్స్ వ‌ర‌కు ఆప‌రేటింగ్ సిస్ట‌మ్ అప్‌డేట్స్‌, సెక్యూరిటీ అప్ డేట్స్‌ను అందిస్తామ‌ని కంపెనీ తెలియ‌జేసింది. ఈ ఫోన్ గొరిల్లా గ్లాస్ విక్ట‌స్ ప్ల‌స్ ప్రొటెక్ష‌న్‌ను క‌లిగి ఉంది. అందువ‌ల్ల ఫోన్ కింద ప‌డ్డా అంత సుల‌భంగా ప‌గ‌ల‌దు. ఇందులో 5000 ఎంఏహెచ్ కెపాసిటీ ఉన్న బ్యాట‌రీని ఏర్పాటు చేశారు. దీనికి 45 వాట్ల ఫాస్ట్ చార్జింగ్ ఫీచ‌ర్‌ను అందిస్తున్నారు. సూపర్ ఫాస్ట్ చార్జ్ 2.0 ఫీచ‌ర్ కూడా ఉంది. అందువ‌ల్ల ఫోన్‌ను వేగంగా చార్జింగ్ చేసుకోవ‌చ్చు. అయితే ఈ ఫోన్‌తోపాటు బాక్సులో చార్జ‌ర్‌ను మాత్రం ఇవ్వ‌డం లేదు. ఈ ఫోన్ 8జీబీ ర్యామ్‌, 128 జీబీ స్టోరేజ్, 8జీబీ ర్యామ్‌, 256 జీబీ స్టోరేజ్ ఆప్ష‌న్ల‌లో లాంచ్ అయింది. డ్యుయ‌ల్ సిమ్‌ల‌ను వేసుకోవ‌చ్చు. మైక్రో ఎస్‌డీ కార్డు వేసుకునే స‌దుపాయం లేదు.

ధ‌ర వివ‌రాలు..

ఈ ఫోన్ ఇన్ డిస్‌ప్లే ఫింగ‌ర్ ప్రింట్ సెన్సార్‌ను క‌లిగి ఉంది. యూఎస్‌బీ టైప్ సి ఆడియోను స‌పోర్ట్ చేస్తుంది. 5జి సేవ‌ల‌ను ఉప‌యోగించుకోవ‌చ్చు. డ్యుయ‌ల్ 4జి వీవోఎల్‌టీఈ, డ్యుయ‌ల్ బ్యాండ్ వైఫై, బ్లూటూత్ 5.1, యూఎస్‌బీ టైప్ సి, ఎన్ఎఫ్‌సీ వంటి అద‌న‌పు ఫీచ‌ర్ల‌ను కూడా అందిస్తున్నారు. శాంసంగ్ గెలాక్సీ ఎం56 5జి ఫోన్ లైట్ గ్రీన్‌, బ్లాక్ క‌ల‌ర్ ఆప్ష‌న్ల‌లో లాంచ్ అయింది. ఈ ఫోన్‌కు చెందిన 8జీబీ ర్యామ్‌, 128 జీబీ స్టోరేజ్ మోడ‌ల్ ధ‌ర రూ.27,999 ఉండ‌గా, 8జీబీ ర్యామ్‌, 256 జీబీ స్టోరేజ్ మోడ‌ల్ ధ‌ర రూ.30,999గా ఉంది. అమెజాన్‌తోపాటు శాంసంగ్ ఇండియా ఆన్‌లైన్ స్టోర్‌, రిటెయిల్ స్టోర్స్‌లో ఈ ఫోన్‌ను ఏప్రిల్ 23 నుంచి విక్ర‌యించ‌నున్నారు. ఈ ఫోన్‌పై ప‌లు లాంచింగ్ ఆఫ‌ర్ల‌ను కూడా అందిస్తున్నారు. ప‌లు ఎంపిక చేసిన బ్యాంకుల‌కు చెందిన క్రెడిట్ లేదా డెబిట్ కార్డుల‌ను ఉప‌యోగించి ఈ ఫోన్‌ను కొనుగోలు చేస్తే రూ.3000 వ‌ర‌కు ఫ్లాట్ ఇన్‌స్టంట్ డిస్కౌంట్‌ను పొంద‌వ‌చ్చు.