OnePlus Nord 2 : మ‌ళ్లీ పేలిన వ‌న్‌ప్ల‌స్ నోర్డ్ 2 స్మార్ట్‌ఫోన్..

మ‌ళ్లీ పేలిన వ‌న్‌ప్ల‌స్ నోర్డ్ 2 స్మార్ట్‌ఫోన్ | వ‌న్‌ప్ల‌స్ నోర్డ్ 2 5జీ స్మార్ట్‌ఫోన్ మ‌రోసారి పేలింది. ఇప్ప‌టికే వ‌న్‌ప్ల‌స్ నోర్డ్ 2 ఫోన్లు ప‌లుసార్లు పేలిన ఘ‌ట‌న‌ల‌ను మ‌నం చూశాం. తాజాగా మ‌హారాష్ట్ర‌లో ఈ ఘ‌ట‌న జ‌రిగిన‌ట్టు ఓ ట్విట్ట‌ర్ యూజ‌ర్ పోస్ట్ చేశాడు. పేలిన ఫోన్ ఫోటోల‌ను కూడా పోస్ట్‌లో జ‌త‌ప‌రిచాడు. ఫోన్ జీన్స్ జేబులో ఉన్న స‌మ‌యంలో

November 9, 2021 / 06:03 PM IST

OnePlus Nord 2 : మ‌ళ్లీ పేలిన వ‌న్‌ప్ల‌స్ నోర్డ్ 2 స్మార్ట్‌ఫోన్..

వ‌న్‌ప్ల‌స్ నోర్డ్ 2 5జీ స్మార్ట్‌ఫోన్ మ‌రోసారి పేలింది. ఇప్ప‌టికే వ‌న్‌ప్ల‌స్ నోర్డ్ 2 ఫోన్లు ప‌లుసార్లు పేలిన ఘ‌ట‌న‌ల‌ను మ‌నం చూశాం. తాజాగా మ‌హారాష్ట్ర‌లో ఈ ఘ‌ట‌న జ‌రిగిన‌ట్టు ఓ ట్విట్ట‌ర్ యూజ‌ర్ పోస్ట్ చేశాడు. పేలిన ఫోన్ ఫోటోల‌ను కూడా పోస్ట్‌లో జ‌త‌ప‌రిచాడు. ఫోన్ జీన్స్ జేబులో ఉన్న స‌మ‌యంలో పేల‌డంతో ఆ వ్య‌క్తి తొడ ప్రాంతంలో తీవ్ర గాయాలు అయిన‌ట్టు ఆ యూజ‌ర్ ట్విట్ట‌ర్‌లో తెలిపాడు.

ట్విట్ట‌ర్‌లో పోస్ట్ చేయ‌గానే.. వ‌న్‌ప్ల‌స్ క‌స్ట‌మ‌ర్ సపోర్ట్ వెంట‌నే ట్విట్ట‌ర్‌లో స్పందించింది. దీనికి సంబంధించిన డైరెక్ట్‌గా మెసేజ్ చేసి వివ‌రాలు తెలుపాల‌ని కోరింది. ఏది ఏమైనా.. ఇలా జేబులో పెట్టుకున్న స‌మ‌యంలో కూడా ఫోన్లు ఇలా పేలిపోవ‌డంతో స్మార్ట్‌ఫోన్‌ను ఉప‌యోగించాలంటేనే కొంద‌రు యూజ‌ర్లు భ‌య‌ప‌డుతున్నారు.

వ‌న్‌ప్లస్ ఇటీవ‌లే నోర్డ్ 2 సిరీస్‌లో పాక్ మాక్ ఎడిష‌న్ ఫోన్‌ను రిలీజ్ చేసింది. గ‌త జులై నెల‌లో వ‌న్‌ప్ల‌స్ నోర్డ్ 2 5జీ ఫోన్ రిలీజ్ అయింది. వ‌న్‌ప్ల‌స్ నోర్డ్ సిరీస్ త‌ర్వాత వ‌చ్చిన సిరీస్ ఇది. నోర్డ్ 2 సిరీస్ లాంచ్ అయిన 3 నెల‌ల్లోనే ఫోన్లు పేలిన ఘ‌ట‌న‌లు చాలా జ‌రిగాయి. తాజాగా మ‌రొక‌టి జ‌రిగింది. దీనిపై అధికారికంగా వ‌న్‌ప్ల‌స్ మాత్రం ఎటువంటి ప్ర‌క‌ట‌న చేయ‌లేదు.

https://twitter.com/suhitrulz/status/1455784742083706887?s=20

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి