Greater Noida: రాత్రి నూడుల్స్ తిన్నారు.. కుటుంబంలోని అయిదుగురు మృతి

Greater Noida: గ్రేట‌ర్ నోయిడాలో తీవ్ర విషాదం చోటుచేసుకున్న‌ది. ఓ కుటుంబానికి చెందిన అయిదుగురు మృతిచెందారు. ఆ మృతుల్లో ముగ్గురు పిల్ల‌లు ఉన్నారు. బాధిత వ్య‌క్తులు రాత్రి నూడుల్స్ తిన్న‌ట్లు తెలుస్తోంది. దీంతో ఫుడ్ పాయిజ‌నింగ్ కోణంలో ద‌ర్యాప్తు చేస్తున్నారు.

నోయిడా: గ్రేట‌ర్ నోయిడా(Greater Noida)లో తీవ్ర విషాదం చోటుచేసుకున్న‌ది. ఓ కుటుంబానికి చెందిన అయిదుగురు మృతిచెందారు. ఆ మృతుల్లో ముగ్గురు పిల్ల‌లు ఉన్నారు. రబుపురా ఏరియాలో అనుమానాస్ప‌ద రీతిలో ఈ ఘ‌ట‌న జ‌రిగింది. బ‌హుశా ఫుడ్ పాయిజ‌నింగ్ వ‌ల్ల మ‌ర‌ణించిన‌ట్లు ప్రాథ‌మికంగా పోలీసులు అనుమానిస్తున్నారు. దీంతో ఫోరెన్సిక్ బృందం అక్క‌డ‌కు వ‌చ్చి ద‌ర్యాప్తు కొన‌సాగిస్తున్నారు. బాధితుల‌ను మ‌హేశ్‌, భార్య ల‌లిత‌, కుమారులు ల‌డ్డూ, శాక్‌స‌త్‌, కుమార్తె మిస్తిగా తేల్చారు. గ‌త రాత్రి ఆ ఫ్యామిలీ నూడుల్స్ తిన్న‌ట్లు బాధితుల్లో ఒక‌రి త‌ల్లి చెప్పారు. స్థానికులు కూడా ఈ విష‌యాన్ని ద్రువీక‌రించారు. కానీ ఏ కార‌ణం వ‌ల్ల వారు మ‌ర‌ణించారో ఇంకా స్ప‌ష్టంగా తెలియ‌దు. పోస్టుమార్ట‌మ్ రిపోర్టు ఆధారంగా న్యాయ‌ప‌ర‌మైన చ‌ర్య‌లు తీసుకోనున్నారు. సంఘ‌ట‌న గురించి తెలిసిన త‌ర్వాత ఆ ఇంటికి పోలీసులు, అధికారులు, అంబులెన్స్‌, ఫుడ్ సేఫ్టీ అధికారులు చేరుకున్నారు.