JioPhone Next : దివాళీకి జియోఫోన్ నెక్స్ట్ విడుద‌ల‌.. క‌న్ఫ‌మ్ చేసిన గూగుల్ సీఈవో

దివాళీకి జియోఫోన్ నెక్స్ట్ విడుద‌ల‌ | ప్ర‌పంచంలోనే అత్యం చ‌వ‌కైన స్మార్ట్‌ఫోన్ జియోఫోన్ నెక్స్ట్ ఈ దివాళీకి విడుద‌ల కాబోతోంద‌ని

October 28, 2021 / 06:39 PM IST

JioPhone Next : దివాళీకి జియోఫోన్ నెక్స్ట్ విడుద‌ల‌.. క‌న్ఫ‌మ్ చేసిన గూగుల్ సీఈవో

ప్ర‌పంచంలోనే అత్యం చ‌వ‌కైన స్మార్ట్‌ఫోన్ జియోఫోన్ నెక్స్ట్ ఈ దివాళీకి విడుద‌ల కాబోతోంద‌ని గూగుల్ సీఈవో సుంద‌ర్ పిచాయ్ స్ప‌ష్టం చేశారు. నిజానికి జియోఫోన్ నెక్స్ట్‌ను దివాళీ వ‌ర‌కు విడుద‌ల చేస్తామ‌ని జియో ఇదివ‌ర‌కే ప్ర‌క‌టించిన విష‌యం తెలిసిందే. గూగుల్‌తో టైఅప్ అయిన జియో.. ప్ర‌పంచంలోనే అత్యంత చ‌వ‌కైన స్మార్ట్‌ఫోన్‌ను అద్భుత‌మైన ఫీచ‌ర్ల‌తో త‌యారు చేసింది.

ఇటీవలే జియోఫోన్ నెక్స్ట్‌కు సంబంధించిన ఫీచ‌ర్ల‌ను కూడా జియో ప్ర‌క‌టించింది. ఈ ఫోన్‌ను కేవ‌లం రూ.3500 కే అందించ‌నున్నారు. అయితే.. నిజంగా దివాళీకి ఈ ఫోన్ విడుద‌ల అవుతుందా? లేదా? అని స్మార్ట్‌ఫోన్ ల‌వ‌ర్స్ ఎదురుచూస్తున్న త‌రుణంలో.. గూగుల్ సీఈవో సుంద‌ర్ పిచాయ్ జియోఫోన్ నెక్స్ట్‌ను దివాళీకి లాంచ్ చేస్తున్న‌ట్టు ప్ర‌క‌టించారు.

ఈ ఫోన్ ప్ర‌ధాన క‌ర్త‌వ్యం .. ఫీచ‌ర్ ఫోన్‌ను వాడుతున్న కోట్ల మంది సెల్‌ఫోన్ యూజ‌ర్లు.. ఈ స్మార్ట్‌ఫోన్‌కు మారిపోవ‌డ‌మేన‌ని సుంద‌ర్ పిచాయ్ వెల్ల‌డించారు. త‌క్కువ ధ‌ర‌కే అన్ని ఫీచ‌ర్ల‌తో భార‌త దేశ ప్ర‌జ‌ల కోసం ప్ర‌త్యేకంగా ఈ ఫోన్‌ను త‌యారు చేయ‌డం జ‌రిగింది. ఇండియాలో డిజ‌ట‌ల్ ట్రాన్స్‌ఫ‌ర్మేష‌న్‌కు ఇదే తొలి అడుగు. వ‌చ్చే 3 నుంచి 5 ఏళ్ల‌లో ఎక్కువ ధ‌ర ఉన్న స్మార్ట్‌ఫోన్ల ధ‌ర‌లు కూడా దిగి వ‌స్తాయి. అంద‌రికీ అందుబాటులో స్మార్ట్‌ఫోన్లు ఉంటాయి. ఇంగ్లీష్‌తో పాటు.. లోక‌ల్ భాష‌ల్లో కూడా ఈ ఫోన్‌ను డెవ‌ల‌ప్ చేయ‌డం వ‌ల్ల‌.. ఈఫోన్‌కు ఎక్కువ డిమాండ్ ఏర్ప‌డుతుంద‌ని.. ఆయ‌న తెలిపారు.

ఈ ఫోన్ ఆండ్రాయిడ్ ఆధారిత ప్ర‌గ‌తి ఓఎస్‌తో పనిచేస్తుంది. క్వాల్‌కామ్ చిప్‌సెట్‌, వాయిస్ అసిస్టెన్స్, రీడ్ అలౌడ్‌, ట్రాన్స్‌లేట్‌, 13 ఎంపీ రేర్ కెమెరా, ప్రీలోడెడ్ గూగుల్, జియో యాప్స్‌, రేర్ కెమెరా ఫీచ‌ర్లు ఈ ఫోన్‌లో ఉండ‌నున్నాయి.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి