SpaceX | నెక్స్ట్ అంత‌రిక్ష ప్ర‌యాణంలో ఫ్రీ వైఫై, వేడి వేడి ఆహారం: ఎలోన్ మస్క్

నెక్స్ట్ అంత‌రిక్ష ప్ర‌యాణంలో ఫ్రీ వైఫై, వేడి వేడి ఆహారం | న‌లుగురు సాధార‌ణ వ్య‌క్తుల‌ను స్పేస్ఎక్స్ కంపెనీకి చెందిన స్పేస్‌క్రాఫ్ట్ డ్రాగ‌న్ క్యాప్సూల్

September 19, 2021 / 07:28 PM IST

SpaceX | నెక్స్ట్ అంత‌రిక్ష ప్ర‌యాణంలో ఫ్రీ వైఫై, వేడి వేడి ఆహారం: ఎలోన్ మస్క్

న‌లుగురు సాధార‌ణ వ్య‌క్తుల‌ను స్పేస్ఎక్స్ కంపెనీకి చెందిన స్పేస్‌క్రాఫ్ట్ డ్రాగ‌న్ క్యాప్సూల్ ఇటీవ‌లే అంత‌రిక్షంలోకి తీసుకెళ్లిన విష‌యం తెలిసిందే. ఇన్సిపిరేష‌న్ 4 అనే మిష‌న్ పేరుతో ఈ అంత‌రిక్ష యాత్ర‌ను స్పేస్ఎక్స్ కంపెనీ లాంచ్ చేసింది. వీళ్లు అంత‌రిక్షంలో మూడు రోజులు గడిపి భూవాతావ‌ర‌ణంలోకి విజ‌య‌వంతంగా వ‌చ్చేశారు. ఫ్లోరిడా తీరానికి ద‌గ్గ‌ర్లో ఉన్న అట్లాంటిక్ వ‌ద్ద డ్రాగ‌న్ క్యాప్సుల్ లాండ్ అయింది. దీంతో.. సాధార‌ణ వ్య‌క్తుల అంత‌రిక్ష యాత్ర విజ‌య‌వంతం అయింది.

ఇక‌.. అంత‌రిక్షంలోకి వెళ్లాక‌.. డ్రాగ‌న్ క్యాప్సుల్‌లో ఉన్న ఆ న‌లుగురు వ్య‌క్తుల‌కు తొలిసారి వ‌డ్డించిన ఆహారం.. పిజ్జా. అయితే.. పిజ్జాను తిన‌డం వాళ్ల‌కు స‌ర్క‌స్ ఫీట్లు చేసిన‌ట్టుగా అయింద‌ట‌. గాల్లో ఎగురుతున్న పిజ్జాను నోట క‌రుచుకొని కొంచెం క‌ష్టంగానే తినేశార‌ట‌. అయితే.. పిజ్జా మాత్రం చాలా చ‌ల్ల‌గా ఉంద‌ట‌. వావ్.. మేము న‌మ్మ‌లేక‌పోతున్నాం. అంత‌రిక్షంలో చ‌ల్ల‌ని పిజ్జా తింటున్నాం. ఇన్సిపిరేష‌న్4 మిష‌న్‌లో ఉన్న సిబ్బందికి ఇచ్చే ఫుడ్ లిస్ట్ ఇదే అంటూ.. ఇన్సిపిరేష‌న్‌4 ట్విట్ట‌ర్ ఖాతాలో షేర్ చేయ‌గా.. సారీ.. పిజ్జా చ‌ల్ల‌గా ఉంది క‌దా. నిజానికి డ్రాగ‌న్‌లో ఫుడ్‌ను వేడి చేసుకునే ఫుడ్ వార్మ‌ర్ ఉంది. నెక్స్ట్ టైమ్ మిష‌న్‌లో వేడి వేడి ఫుడ్‌తో పాటు ఫ్రీ వైఫైని కూడా అందిస్తాం.. అని ఎలోన్ మ‌స్క్ ఆ ట్వీట్‌కు రిప్ల‌యి ఇచ్చారు.

స్టార్‌లింక్ ద్వారా డ్రాగ‌న్ క్యాప్సుల్‌లో ఇంట‌ర్నెట్ ఫెసిలిటీని మ‌స్క్ అందించ‌నున్నారు. క్లౌడ్ లేవ‌ల్‌లోకి స్పేస్ క్రాఫ్ట్ వెళ్ల‌గానే.. లేజ‌ర్ లింక్స్ లేదా కా పారాబోలిక్స్‌ను ఉప‌యోగించి.. డ్రాగ‌న్‌ను ఇంకా పైకి పంపిస్తారు.

డ్రాగ‌న్ క్యాప్సూల్‌లో వెళ్లి మూడు రోజులు అంత‌రిక్షంలో గ‌డిపిన‌.. ఆ న‌లుగురు వ్య‌క్తుల‌కు పిజ్జాతో పాటు శాండ్‌విచ్‌, వెజ్జీ ప్లాట‌ర్‌, బాగెల్స్‌, మెడిటెర్రేనియ‌న్ లాంబ్‌, పాస్తా, మీట్ బాల్స్‌, రోస్టెడ్ ఏద‌మ‌మె, స‌లామీ, బ‌కాన్‌, చెద్ద‌ర్‌, బీఫ్‌, ట‌ర్కీ జెర్కీ, టార్టిల్లాస్, టీ, కాఫీతో పాటు స్నాక్ ఐటెమ్స్ కూడా ప్రొవైడ్ చేశారు.