Cows toilet : మనుషుల మాదిరిగా టాయిలెట్‌ వాడుతున్న ఆవులు

Cows toilet : నుషుల మాదిరిగా జంతువులు కూడా యూరినేట్‌ కోసం టాయిలెట్‌ వినియోగించడం.. వినడానికి వింతగా ఉన్నా ఇది నిజం. మూత్ర విసర్జన కోసం అక్కడి ఆవులు టాయిలెట్‌ను వాడుతున్నాయి...

September 16, 2021 / 01:47 PM IST

Cows toilet : మనుషుల మాదిరిగా టాయిలెట్‌ వాడుతున్న ఆవులు

బెర్లిన్‌ : మనుషుల మాదిరిగా జంతువులు కూడా యూరినేట్‌ కోసం టాయిలెట్‌ వినియోగించడం.. వినడానికి వింతగా ఉన్నా ఇది నిజం. మూత్ర విసర్జన కోసం అక్కడి ఆవులు టాయిలెట్‌ను వాడుతున్నాయి. ఎక్కడపడితే అక్కడ మూత్ర విసర్జన కారణంగా కాలుష్యం పెరిగిపోతున్నందున.. దాన్ని నివారించేందుకు ఆవులకు (Cows toilet) జర్మనీ శాస్త్రవేత్తలు శిక్షణ ఇచ్చారు. వారు ఏర్పాటు చేసిన మూత్రశాలలోకే వెళ్లి మూత్రవిసర్జన చేస్తున్నాయి. ఇది వాతావరణానికి ఎంతో ప్రయోజకరమని శాస్త్రవేత్తలు చెప్తున్నారు. ఈ అధ్యయనాన్ని జర్మనీలోని ఫార్మ్‌ ఎనిమల్ బయాలజీ రీసెర్చ్‌ ఇనిస్టిట్యూట్‌ చేపట్టింది.

గ్రీన్‌హౌజ్‌ గ్యాస్ కరెంట్ బయాలజీలో ప్రచురించిన పరిశోధన ప్రకారం, బహిరంగ ప్రదేశాల్లో జంతువుల విసర్జనను నిరోధించడం వలన అమ్మోనియాను పెరుగకుండా నిరోధించవచ్చు. అమ్మోనియా నేల సారవంతంపై ప్రతికూల ప్రభావం చూపుతుంది. సూక్ష్మజీవుల సహాయంతో అమ్మోనియాను నైట్రస్ ఆక్సైడ్‌గా మార్చవచ్చు. కార్బన్ డయాక్సైడ్, మీథేన్ తర్వాత ఇది మూడవ అతి ముఖ్యమైన గ్రీన్‌హౌజ్‌ వాయువు. గ్రీన్ హౌజ్‌ వాయువులు ప్రధానంగా వాతావరణంలోని ఉష్ణోగ్రత పెరుగడానికి కారణమవుతుంటాయి. అమ్మోనియాను నిరోధించేందుకు ఆవుల కోసం ప్రత్యేక టాయిలెట్‌ను రూపొందించారు. ఆవు వ్యర్థాల నుంచి అమ్మోనియాను సేకరించి నేరుగా పర్యావరణంలోకి వ్యాపించకుండా నిరోధించవచ్చంటున్నారు పరిశోధకులు.

పశువుల్లో ముఖ్యంగా ఆవు మన నుంచి త్వరగా నేర్చుకునే గుణాలను కలిగి ఉంటున్నందున తొలుత వాటి కోసం మూత్రశాల శిక్షణ అందించినట్లు పరిశోధకుడు జేన్‌ లాంగ్‌బీన్‌ వెల్లడించారు. తమ శిక్షణ కారణంగా బయట మూత్రవిసర్జన చేయకుండా ఆవులు నేర్చుకోగలిగాయని, కొన్ని వారాల శిక్షణ అనంతరం 16 ఆవుల్లో 11 ప్రత్యేకంగా తయారుచేసిన ‘మూలు’ టాయిలెట్‌ను వినియోగించుకోగలిగాయని ఆయన తెలిపారు.