Iran vs US | ఒక్క గ్రాము యురేనియం కూడా మా దేశం నుంచి బ‌య‌టికి వెళ్ల‌దు : ఇరాన్‌

Iran vs US | పశ్చిమాసియా (West Asia) లో ఘర్షణలు ముగించేలా పాకిస్థాన్ (Pakistan).. అమెరికా-ఇరాన్ (USA-Iran) మధ్య రాయబారం కొనసాగిస్తున్న‌ది. అయితే సంధిపై ముందుకు వెళ్లే క్రమంలో తమ షరతులను పాకిస్థాన్‌ ఆర్మీ చీఫ్ (Pakistan Army Chief) ఆసిమ్‌ మునీర్‌ (Asim Munir) కు ఇరాన్‌ స్పష్టంగా తెలియ‌జేసింది.

Iran vs US : పశ్చిమాసియా (West Asia) లో ఘర్షణలు ముగించేలా పాకిస్థాన్ (Pakistan).. అమెరికా-ఇరాన్ (USA-Iran) మధ్య రాయబారం కొనసాగిస్తున్న‌ది. అయితే సంధిపై ముందుకు వెళ్లే క్రమంలో తమ షరతులను పాకిస్థాన్‌ ఆర్మీ చీఫ్ (Pakistan Army Chief) ఆసిమ్‌ మునీర్‌ (Asim Munir) కు ఇరాన్‌ స్పష్టంగా తెలియ‌జేసింది. తాము శుద్ధిచేసిన యురేనియాన్ని (Enriched uranium) వేరే దేశానికి తరలించే ప్రసక్తే లేదని తేల్చిచెప్పింది.

శుద్ధి చేసిన యురేనియంలో ఒక్క గ్రాము కూడా ఇరాన్ నుంచి బయటకు వెళ్లదని ఇరాన్‌ జాతీయ భద్రతామండలి కార్యదర్శి మొహసెన్ రెజాయీ సోష‌ల్ మీడియాలో పోస్టు చేశారు. త‌మ‌కు నమ్మకం కుదిరేలా అమెరికా చర్యలు తీసుకునే వరకు ఎలాంటి చర్చలు ఉండవ‌ని పేర్కొన్నారు. ఇరాన్ విధించిన అన్ని షరతులను నెరవేర్చడంతోనే ఆ చర్చల ప్రక్రియ ప్రారంభం కావాలని అభిప్రాయం వ్య‌క్తంచేశారు. మధ్యవర్తిత్వం కోసం ఇరాన్ వెళ్లిన జనరల్‌ మునీర్‌కు కూడా మొహసెన్ ఇదే విషయాన్ని స్పష్టంచేశారు.

హర్మూజ్ జలసంధి విషయంలో ఎలాంటి గందరగోళ వైఖరి లేదని, అమెరికా త‌మ‌ షరతులు అంగీకరించేంత వరకు హర్మూజ్ మూసే ఉంటుందని ఇరాన్ విదేశాంగ మంత్రి అబ్బాస్ అరాగ్చీ ఓ ఇంట‌ర్వ్యూలో చెప్పారు. గత హామీలను అమెరికా గౌరవించేవరకు కొత్తగా చర్చలు ఏమీ ఉండవని తేల్చిచెప్పారు.