Visit:
మర్పల్లి, నవంబర్‌ 30 : మండలంలోని కోటమర్పల్లి గ్రామానికి చెందిన బీజేపీ నాయకుడు శ్రీనివాస్‌రెడ్డి ఆయన అనుచరులతో కలిసి ఆదివారం బీఆర్‌ఎస్‌ జిల్లా అధ్యక్షుడు, మాజీ ఎమ్మెల్యే ఆనంద్‌ సమక్షంలో బీఆర్‌ఎస్‌లో చేరారు. బీఆర్‌ఎస్‌తోనే అన్ని వర్గాల సంక్షేమంతో పాటు అభివృద్ధి జరుగుతుందని ఆనంద్‌ అన్నారు. కార్యక్రమంలో బీఆర్‌ఎస్‌ మండల అధ్యక్షుడు శ్రీకాంత్‌రెడ్డి, మాజీ వైస్‌ ఎంపీపీ అంజయ్యగౌడ్‌, మాజీ సర్పంచ్‌ విజయలక్ష్మి, నాయకుడు రఘుపతిరెడ్డి ఉన్నారు.
బీఆర్‌ఎస్‌ విజయభేరి ఖాయం
పరిగి : స్థానిక సంస్థల ఎన్నికల్లో బీఆర్‌ఎస్‌ పార్టీ విజయభేరి మోగిస్తుందని పరిగి మాజీ ఎమ్మెల్యే కొప్పుల మహేశ్‌రెడ్డి ధీమా వ్యక్తం చేశారు. ఆదివారం పరిగిలో పరిగి, పూడూరు మండలాల్లోని వివిధ గ్రామాలకు చెందిన బీఎస్పీ, కాంగ్రెస్‌ పార్టీ కార్యకర్తలు, యువకులు 160 మంది మంచన్‌పల్లి ఆనంద్‌, సింగం ఆధ్వర్యంలో మాజీ ఎమ్మెల్యే సమక్షంలో బీఆర్‌ఎస్‌ పార్టీలో చేరారు. వారందరికీ ఆయన కండువాలు కప్పి ఆహ్వానించారు. ఈ సందర్భంగా మాట్లాడుతూ.. రెండేళ్ల కాంగ్రెస్‌ పాలనతో ప్రజలు విసుగెత్తారని, ప్రజలు మరోసారి బీఆర్‌ఎస్‌ పాలనను కోరుకుంటున్నారని చెప్పారు. కాంగ్రెస్‌తోపాటు ఇతర పార్టీల నాయకులు బీఆర్‌ఎస్‌లో చేరుతున్నారని, మూడేళ్ల అధికారం వదులుకొని ప్రతిపక్ష బీఆర్‌ఎస్‌లో చేరడం ద్వారా తమ రాజకీయ భవిష్యత్తు చూసుకుంటున్నారన్నారు. రాబోయేది బీఆర్‌ఎస్‌ ప్రభుత్వమేనని, ఇప్పటి నుంచి ప్రతి ఎన్నికల్లో కాంగ్రెస్‌ను ఓడించేందుకు ప్రజలు సిద్ధంగా ఉన్నారని పేర్కొన్నారు. స్థానిక ఎన్నికల్లో పరిగి నియోజకవర్గంలో మెజారిటీ స్థానాల్లో బీఆర్‌ఎస్‌ అభ్యర్థులు గెలుపొందడం ఖాయమన్నారు.
గ్రామాల పరిస్థితి అస్తవ్యస్తం
కులకచర్ల : గ్రామాల్లో గత బీఆర్‌ఎస్‌ ప్రభుత్వం చేసిన అభివృద్ధి మాత్రమే కంటికి కనిపిస్తుదని, కాంగ్రెస్‌ ప్రభుత్వం వచ్చిన తరువాత గ్రామాల పరిస్థితి అస్తవ్యస్తంగా తయారైందని పరిగి మాజీ ఎమ్మెల్యే కొప్పుల మహేశ్‌రెడ్డి అన్నారు. బీఆర్‌ఎస్‌ పార్టీ ముఖ్యకార్యకర్తల సమావేశంలో ఆయన స్థానిక ఎన్నికల్లో అనుసరించాల్సిన వ్యూహాలను వివరించారు. ఈ సందర్భంగా మాట్లాడుతూ.. కాంగ్రెస్‌ ప్రభుత్వం వచ్చిన తరువాత గ్రామాల్లో పంచాయతీల పరిస్థితి అగమ్యగోచరంగా తయారైందన్నారు.
గత బీఆర్‌ఎస్‌ ప్రభుత్వం చేసిన అభివృద్ధి మాత్రమే కనబడుతున్నదని తెలిపారు. ప్రత్యేక అధికారుల పాలనలో పంచాయతీల్లో సమస్యలు నెలకొన్నాయన్నారు. స్థానిక ఎన్నికల్లో ప్రతి కార్యకర్త బీఆర్‌ఎస్‌ పార్టీ సర్పంచ్‌, వార్డు సభ్యుల గెలుపు కోసం కృషిచేయాలని సూచించారు. కార్యక్రమంలో బీఆర్‌ఎస్‌ పార్టీ చౌడాపూర్‌ మండల అధ్యక్షుడు సుధాకర్‌రెడ్డి, బీఆర్‌ఎస్‌ పార్టీ చౌడాపూర్‌ గ్రామ అధ్యక్షుడు కృష్ణయ్య, చౌడాపూర్‌ మాజీ ఉపసర్పంచ్‌ శివకుమార్‌, చౌడాపూర్‌ మండలానికి చెందిన పలువురు బీఆర్‌ఎస్‌ నాయకులు, కార్యకర్తలున్నారు. బీఆర్‌ఎస్‌ పార్టీ చౌడాపూర్‌ మండల అధ్యక్షుడు సత్తినేని సుధాకర్‌రెడ్డి ఆధ్వర్యంలో చేరిన కాంగ్రెస్‌ నాయకులకు మహేశ్‌రెడ్డి గులాబీ కండువాలను పార్టీలోకి ఆహ్వానించారు. బీఆర్‌ఎస్‌ పార్టీలో చేరినవారిలో ఎరుకలి రాంచంద్రయ్య, ఎరుకలి జంగయ్య, కె.జంగయ్య, జెట్టి నర్సింహులు ఉన్నారు.
పడకేసిన పాలన
కడ్తాల్‌ : కాంగ్రెస్‌ ప్రభుత్వం చేపడుతున్న ప్రజా వ్యతిరేక విధానాలు, స్థానిక నాయకుల తీరుతో విసుగు చెందిన ఆ పార్టీ నాయకులు, కార్యకర్తలు బీఆర్‌ఎస్‌ పార్టీలో చేరుతున్నారని మాజీ ఎమ్మెల్యే జైపాల్‌యాదవ్‌ అన్నారు. ఆదివారం మండల కేంద్రంలో ఏర్పాటు చేసిన కార్యక్రమంలో కడ్తాల్‌ గ్రామపంచాయతీలోని గుర్లకుంట తండాకు చెందిన కాంగ్రెస్‌ పార్టీ సీనియర్‌ నాయకుడు రవినాయక్‌తోపాటు మోహన్‌నాయక్‌, శ్రీనూనాయక్‌, మున్యానాయక్‌, లష్కర్‌నాయక్‌, రాందాసు, రంజిత్‌, అనిల్‌, శివ, రాజు, వెంకట్రాము, లక్ష్మణ్‌, కృష్ణతోపాటు మరో 30 మంది కాంగ్రెస్‌ కార్యకర్తలు జైపాల్‌యాదవ్‌ సమక్షంలో బీఆర్‌ఎస్‌లో చేరారు. పార్టీలో చేరిన వారందరికీ గులాబీ కండువా కప్పి పార్టీలోకి ఆహ్వానించారు.
ఈ సందర్భంగా ఆయన మాట్లాడుతూ.. కాంగ్రెస్‌ హయాంలో గ్రామాల్లో పాలన పడకేసిందని విమర్శించారు. రెండేళ్ల కాంగ్రెస్‌ పాలనలో గ్రామాల్లో జరిగిన అభివృద్ధి శూన్యమని ఆరోపించారు. పదేళ్ల బీఆర్‌ఎస్‌ పాలనలో జరిగిన అభివృద్ధి పనులే గ్రామాల్లో కనిపిస్తున్నాయన్నారు. కాంగ్రెస్‌ ప్రభుత్వ వైఫల్యాలను ప్రజల్లోకి తీసుకెళ్లాలని పిలుపునిచ్చారు. స్థానిక సంస్థల ఎన్నికల్లో కాంగ్రెస్‌కు తగిన గుణపాఠం చెప్పడానికి ప్రజలు సిద్ధంగా ఉన్నారని పేర్కొన్నారు. కార్యక్రమంలో బీఆర్‌ఎస్‌ మండలాధ్యక్షుడు పరమేశ్‌, డీసీసీబీ డైరెక్టర్‌ వెంకటేశ్‌గుప్తా, మాజీ జడ్పీటీసీ దశరథ్‌నాయక్‌, మాజీ వైస్‌ ఎంపీపీ ఆనంద్‌, సర్పంచ్‌ల సంఘం రాష్ట్ర అధ్యక్షుడు లక్ష్మీనర్సింహారెడ్డి, బీఆర్‌ఎస్‌ గ్రామాధ్యక్షుడు రామకృష్ణ, నాయకులున్నారు.
కేసీఆర్‌ నాయకత్వమే రాష్ర్టానికి శ్రీరామ రక్ష
నందిగామ : తెలంగాణకు కేసీఆర్‌ నాయకత్వమే శ్రీరామరక్ష అని షాద్‌నగర్‌ మాజీ ఎమ్మెల్యే అంజయ్యయాదవ్‌ అన్నారు. మండలంలోని చేగూరు గ్రామానికి చెందిన పలువురు కాంగ్రెస్‌ పార్టీ నాయకులు, అదేవిధంగా మల్లేశ్‌గౌడ్‌ తన అనుచరులతో కలిసి ఆదివారం అంజయ్యయాదవ్‌ సమక్షంలో బీఆర్‌ఎస్‌లో చేరారు. ఈ సందర్భంగా మాజీ ఎమ్మెల్యే మాట్లాడుతూ.. తెలంగాణ రాష్ర్టాన్ని సాధించిన కేసీఆర్‌తోనే రాష్ట్రం అన్ని రంగాల్లో అభివృద్ధి చెందిందని, కాంగ్రెస్‌ పార్టీ అధికారంలోకి వచ్చాక అన్ని రంగాల్లో విధ్వంసం జరిగిందని, అన్ని వర్గాల ప్రజలు ఇబ్బందులు పడుతున్నారన్నారు. పార్టీలో చేరినవారిలో చంద్రమౌళి, నరేశ్‌గౌడ్‌, వేణు, సుమన్‌, శ్రీకాంత్‌గౌడ్‌, వెంకటేశ్‌గౌడ్‌, శ్రీను, అభి, దినేశ్‌, జంగయ్య, కార్తీక్‌, యాదిగిరి, రమేశ్‌, ప్రవీణ్‌, శివ, వెంకట్‌స్వామి ఉన్నారు. కార్యక్రమంలో మాజీ జడ్పీ వైస్‌ చైర్మన్‌ గణేశ్‌, పార్టీ మండలాధ్యక్షుడు పద్మారెడ్డి, చేగూరు పీఏసీఎస్‌ మాజీ చైర్మన్‌ విఠల్‌, మాజీ సర్పంచ్‌ కుమార్‌ తదితరులున్నారు.
