Labourers Protest | మాకు జీతాలు ఇవ్వడం లేదు.. రంగారెడ్డి జిల్లా దవాఖానలో కార్మికుల ఆందోళన

Labourers Protest | నెలలు గడుస్తున్నా వేతనాలు అందక తీవ్ర ఆర్థిక ఇబ్బందులు ఎదుర్కొంటున్నామని, కుటుంబాలను పోషించడం కష్టంగా మారిందని కొండాపూర్‌లోని రంగారెడ్డి జిల్లా ప్రభుత్వ దవాఖానలో పనిచేస్తున్న కాంట్రాక్ట్ కార్మికులు ఆవేదన వ్యక్తం చేశారు. ప్రభుత్వం నుంచి నిధులు విడుదలైనా కాంట్రాక్టర్ నిర్లక్ష్యంతో జీతాల చెల్లింపులో జాప్యం జరుగుతోందని ఆరోపించారు.

July 7, 2026 / 06:04 PM IST

Labourers Protest | మాకు జీతాలు ఇవ్వడం లేదు.. రంగారెడ్డి జిల్లా దవాఖానలో కార్మికుల ఆందోళన

Labourers Protest | కొండాపూర్, జూలై 7: జీతాలు సకాలంలో చెల్లించడం లేదంటూ కొండాపూర్‌లోని రంగారెడ్డి జిల్లా ప్రభుత్వ దవాఖానలో పనిచేస్తున్న కాంట్రాక్ట్ కార్మికులు మంగళవారం ఆందోళనకు దిగారు. రోగుల సంరక్షణ, సెక్యూరిటీ, శానిటేషన్ విభాగాల్లో విధులు నిర్వహిస్తున్న కార్మికులు దవాఖాన ప్రాంగణంలో గంటపాటు నిరసన చేపట్టి తమ సమస్యలను అధికారుల దృష్టికి తీసుకెళ్లారు.

నెలలు గడుస్తున్నా వేతనాలు అందక తీవ్ర ఆర్థిక ఇబ్బందులు ఎదుర్కొంటున్నామని, కుటుంబాలను పోషించడం కష్టంగా మారిందని కార్మికులు ఆవేదన వ్యక్తం చేశారు. ప్రభుత్వం నుంచి నిధులు విడుదలైనా కాంట్రాక్టర్ నిర్లక్ష్యంతో జీతాల చెల్లింపులో జాప్యం జరుగుతోందని ఆరోపించారు. కాంట్రాక్టర్‌పై ఉన్నతాధికారులు వెంటనే చర్యలు తీసుకుని ప్రతి నెలా సకాలంలో వేతనాలు చెల్లించేలా చూడాలని కార్మికులు డిమాండ్ చేశారు.

అలాగే ప్రభుత్వం ప్రకటించిన రూ.26 వేల కనీస వేతనాన్ని తక్షణమే అమలు చేసి, కార్మికులకు న్యాయం చేయాలని వేడుకున్నారు. సమస్యలు పరిష్కరించకపోతే ఆందోళనలను మరింత ఉధృతం చేస్తామని కార్మికులు హెచ్చరించారు.