Elon Musk | ట్రిలియ‌నీర్ హోదా కోల్పోయిన ఎలాన్ మ‌స్క్‌.. 1.4 ట్రిలియ‌న్ డాల‌ర్స్ నుంచి 992-997 బిలియ‌న్ డాల‌ర్ల‌కు సంప‌ద‌..!

Elon Musk | ప్రపంచ కుబేరుడు, స్పేస్‌ఎక్స్‌ అధినేత ఎలాన్ మస్క్ (Elon Musk) త‌న ట్రిలియ‌నీర్ హోదా (Trillionairhood) ను కోల్పోయాడు. ప్రపంచంలోనే ట్రిలియనీర్‌ హోదాను దక్కించుకొన్న మొదటి వ్యక్తిగా గుర్తింపు పొందిన మ‌స్క్ సంప‌ద.. ఇటీవ‌లి కాలంలో భారీగా త‌రిగిపోయింది. స్పేస్‌ఎక్స్‌ షేర్ల (Spacex shres) ధరలు పడిపోవడంతో ఆయ‌న సంపద తగ్గింది. దాంతో ట్రిలియనీర్‌ హోదాను కోల్పోయారు.

Elon Musk : ప్రపంచ కుబేరుడు, స్పేస్‌ఎక్స్‌ అధినేత ఎలాన్ మస్క్ (Elon Musk) త‌న ట్రిలియ‌నీర్ హోదా (Trillionairhood) ను కోల్పోయాడు. ప్రపంచంలోనే ట్రిలియనీర్‌ హోదాను దక్కించుకొన్న మొదటి వ్యక్తిగా గుర్తింపు పొందిన మ‌స్క్ సంప‌ద.. ఇటీవ‌లి కాలంలో భారీగా త‌రిగిపోయింది. స్పేస్‌ఎక్స్‌ షేర్ల (Spacex shres) ధరలు పడిపోవడంతో ఆయ‌న సంపద తగ్గింది. దాంతో ట్రిలియనీర్‌ హోదాను కోల్పోయారు.

జూలై ప్రారంభంలో స్పేస్ ఎక్స్ షేర్ల ధ‌ర‌లు 30 శాతం పడిపోయాయి. దాంతో అప్పటివరకు 1.4 ట్రిలియన్‌ డాలర్లుగా ఉన్న మస్క్‌ సంపద 992-997 బిలియన్‌ డాలర్లకు పడిపోయింది. ఈ షేర్లు స్టాక్‌ మార్కెట్‌లోకి వచ్చినప్పుడు క్రేజ్‌ ఉండగా ఇప్పుడు తగ్గుతోంది. కృత్రిమ మేధస్సు (Artificial Intelligence) రంగంలో లక్ష్యాలను సాధించేందుకు ఇన్వెస్ట్‌మెంట్ గ్రేడ్ బాండ్లను విక్రయించనున్నట్లు మస్క్ ప్రకటించడంతో మార్కెట్లో అమ్మకాల ఒత్తిడి పెరిగింది.

ఫ‌లితంగా స్పేస్‌ఎక్స్ షేర్ ధర వరుస సెషన్లలో భారీగా క్షీణించింది. గరిష్ఠస్థాయిలో ఉన్న షేర్ మళ్లీ 150 డాలర్ల పరిధికి పడిపోయి లిస్టింగ్ ధర దగ్గరికి చేరుకుంది. ఇదే సమయంలో జూన్ 23న టెస్లా షేర్ కూడా ఒకే రోజులో 6 శాతం వరకు క్షీణించింది. టెస్లాలో కూడా మస్క్‌కు భారీ వాటా ఉండటంతో ఆయన సంపదపై ప్రత్యక్ష ప్రభావం పడింది.