వయోవృద్ధులకు ఇంటివద్దే కొవిడ్‌ టీకాలు

సైదాబాద్‌, ఆగస్టు 5 : తెలంగాణ రాష్ట్రఆరోగ్యశాఖ, సీనియర్‌ సిటిజన్స్​‍ సర్వీస్ ట్రస్ట్‌ సంస్థ సమన్వయంతో మొదటిసారిగా 70ఏళ్లు పైబడిన సీనియర్‌ సిటిజన్స్​‍కు ఇంటివద్దే కొవిడ్‌ వ్యాక్సిన్‌ కార్యక్రమాన్ని గురువారం ఐఎస్ సదన్‌ డివిజన్‌ పరిధిలోని సుబ్రహ్మణ్యంనగర్‌కాలనీలో నిర్వహించారు. మాదన్నపేట ప్రాథమిక ఆరోగ్యకేంద్రం అధికారి డాక్టర్‌ గీత పాల్గొని వ్యాక్సినేషన్‌ ప్రక్రియను పరిశీలించారు. ఈ సందర్భంగా ఆమె మాట్లాడుతూ కొవిడ్‌ వ్యాక్సిన్‌ను ప్రతి ఒక్కరూ తీసుకోవాలని సూచించారు. వయోవృద్దులకోసం ఇంటివద్దకే వచ్చి కోవిడ్‌ టీకాలు వేయటంప‌ట్ల‌ హార్షం వ్యక్తం చేశారు. ఈ కార్యక్రమంలో సుబ్రహ్మణ్యం కాలనీ సంక్షేమ సంఘం ప్రతినిధులు ఓఎస్వీడీ ప్రసాద్‌, సాయిబాబా ఆలయ కమిటీ చైర్మన్‌ నెరేళ్ల ప్రసాదరావు, కార్యదర్శి శేషగిరిరావు, సభ్యులు వైఎస్ఆర్‌ మూర్తి, వైద్య సిబ్బంది సరిత తదితరులు పాల్గొన్నారు.