ఉత్తమ కాలేజీతోనే ఉన్నత ఉద్యోగం

నాణ్యతా పరమైన ఇంజినీర్లుగా ఎదగాలి
అంతర్జాతీయ ప్రమాణాలతో కేఎల్‌ డీమ్డ్‌ యూనివర్సిటీ ముందుకు..
కేఎల్‌ డీమ్డ్‌ యూనివర్సిటీ డైరెక్టర్‌ శ్రీనివాస్‌రావు
నమస్తే తెలంగాణ, కేఎల్‌ డీమ్డ్‌ యూనివర్సిటీ ఆధ్వర్యంలో కుంట్లూర్‌లో ఇంటర్‌ విద్యార్థులకు కెరీర్‌ గైడెన్స్‌పై అవగాహన సదస్సు
సరైన విద్యతోనే కెరీర్‌ ముందుకు : నమస్తే తెలంగాణ అడ్వైర్టెజ్‌మెంట్‌ జీఎం సురేందర్‌రావు
పెద్దఅంబర్‌పేట, ఫిబ్రవరి 21 : ఉన్నత ఉద్యోగావకాశాలకు ఉత్తమ కాలేజీ ఎంపిక ఎంతో కీలకమని, ప్రతి ఏటా రెండు తెలుగు రాష్ర్టాల్లో సుమారు రెండు లక్షల మంది విద్యార్థులు ఇంజినీరింగ్‌ విద్యను పూర్తి చేసి, బయటికి వెళ్తున్నారని కేఎల్‌ యూనివర్సిటీ డైరెక్టర్‌ డాక్టర్‌ జె శ్రీనివాస్‌రావు అన్నారు. సోమవారం పెద్దఅంబర్‌పేట మున్సిపాలిటీ పరిధిలోని కుంట్లూర్‌ నారాయణ బాలికల జూనియర్‌ కళాశాల ఆవరణలో నమస్తే తెలంగాణ, కేఎల్‌ డీమ్డ్‌ యూనివర్సిటీ ఆధ్వర్యంలో ఇంటర్‌ తర్వాత తీసుకోవాల్సిన కోర్సులు, ఉద్యోగ అవకాశాలు, రుణ సదుపాయాలపై విద్యార్థులకు అవగాహన కల్పించారు. నమస్తే తెలంగాణ అడ్వైర్టెజ్‌మెంట్‌ జీఎం సురేందర్‌రావు మాట్లాడుతూ సరైన విద్యతోనే కెరీర్‌ ముందుకు సాగుతుందన్నారు.

ప్రతి విద్యార్థి సరైన మార్గంలో నడిచేందుకు ఇంటర్మీడియట్‌ చదువును సరైన వేదికగా ఎంచుకోవాలని, ప్రతి ఏడాది తెలుగు రెండు రాష్ర్టాల్లో కలిపి సుమారు రెండు లక్షల మంది విద్యార్థులు ఇంజినీరింగ్‌ విద్యను అభ్యసించి బయటికి వెళుతున్నారని కేఎల్‌ యూనివర్సిటీ డైరెక్టర్‌ డాక్టర్‌ జె.శ్రీనివాస్‌రావు అన్నారు. మున్సిపాల్టీ పరిధిలోని కుంట్లూరు నారాయణ బాలికల జూనియకర్‌ కళాశాల ఆవరణలో నమస్తే తెలంగాణ, కేఎల్‌ డీమ్డ్‌ యూనివర్సిటీ ఆధ్వర్యంలో ఇంటర్‌ తర్వాత కోర్సుల ఎంపిక, ఉద్యోగ అవకాశాలు, రుణ సదుపాయాలపై సోమవారం అవగాహన కల్పించారు.

క్వాలిఫైడ్‌ ఇంజినీర్లుగా ఎదుగాలి
ఇంజినీరింగ్‌ విద్యను అభ్యసించిన రెండు లక్షల విద్యార్థుల్లో కేవలం 30 శాతం వరకే విద్యార్థులు సరైన విధంగా ముందుకు వెళుతున్నారని, మిగతా విద్యార్థులు రూ.10, 15 వేలకే పని చేస్తున్నారని డైరెక్టర్‌ శ్రీనివాస్‌రావు అన్నారు. నాలుగు సంవత్సరాలు చదివిన ఇంజినీరింగ్‌ విద్యకు కేవలం రూ.15వేలతో కాలం వెళ్లదీసే పరిస్థితి వచ్చిందన్నారు. విద్యార్థులు ఈ సమయంలోనే సరైన నిర్ణయం, సరైన కళాశాలలు, వేదికలు సరిచూసుకోవాలన్నారు. గుంపులో గోవిందలాగా విద్యార్థులు ఉండకుండా భవిష్యత్‌ తరాలకు ఉపయోగపడేలా ముందుకు వెళ్లాలని సూచించారు. సర్టిఫైడ్‌ ఇంజినీర్లుగా కాకుండా క్వాలిఫైడ్‌ ఇంజినీర్లుగా విద్యార్థులు ఎదుగాలని పేర్కొన్నారు. కళాశాలల ఎంపికలోనే విద్యార్థి జీవితం ముడిపడి ఉంటుందని వివరించారు. ముఖ్యంగా విద్యార్థినులు సరైన విధంగా విద్యను అభ్యసిస్తే తన తల్లిదండ్రులు, తనకు, తన పిల్లలకు ఉపయోగపడేలా ముందుకు వెళ్లవచ్చన్నారు.

కళాశాలల ఎంపికతోనే కొలువులకు బాటలు..
కళాశాలల ఎంపికలోనే కొలువులకు మార్గం ఏర్పడుతుందన్నారు. చాలామందికి నైపుణ్యం లేక జీవితంలో రాణించలేకపోతున్నారని డైరెక్టర్‌ డాక్టర్‌ శ్రీనివాస్‌రావు అన్నారు. కేఎల్‌ యూనివర్సిటీలో నిర్వహించే ప్రోగ్రాంలతో ఇంజినీరింగ్‌ చివరి సంవత్సరం విద్యార్థులు మంచి ప్యాకేజీలతో ఉద్యోగాలు సాధిస్తున్నారని పేర్కొన్నారు. కేఎల్‌ యూనివర్సిటీ అంతర్జాతీయ ప్రమాణాలతో మౌలిక వసతులను కల్పిస్తున్నదని, విద్యార్థులకు పైసా ఖర్చు లేకుండా డిగ్రీ కోర్సులు పూర్తి చేసేందుకు ప్రోత్సాహం అందిస్తున్నదని తెలిపారు. విద్యార్థులకు మెరిట్‌ పరీక్ష నిర్వహించి ప్రతిభ చూపిన విద్యార్థులకు పది నుంచి వంద శాతం ఫీజుల్లో రాయితీ కల్పిస్తుందని చెప్పారు.

దేశంలోని 1000 యూనివర్సిటీల్లో 35వ స్థానం
దేశంలోని 1000 యూనివర్సిటీల్లో కేఎల్‌ యూనివర్సిటీ 35వ స్థానంలో ఉందని, ప్లేస్‌మెంట్‌లలో భాగంగా పెద్దపెద్ద కంపెనీలతో ఇంటర్వ్యూలు నిర్వహిస్తున్నదని శ్రీనివాస్‌రావు పేర్కొన్నారు. పేరు ప్రఖ్యాతలు కలిగిన సాఫ్ట్‌వేర్‌ కంపెనీలలో 52 లక్షల వరకు వార్షిక వేతనంతో ఉద్యోగాలు సాధించిన ఘనత కేఎల్‌ యూనివర్సిటీకే దక్కిందన్నారు. ఒక కోర్సులో డిగ్రీ చేస్తూ మరొక డిగ్రీలో చదివేలా డ్యూయల్‌ కోర్సులకు అవకాశం ఉందన్నారు. ఆర్థిక స్థోమత లేని విద్యార్థులకు విద్యాలక్ష్మి పథకాన్ని సద్వినియోగం చేసుకోవచ్చన్నారు. వచ్చే విద్యా సంవత్సరానికి అడ్మిషన్లను స్వీకరిస్తున్నామని, ఈ నెలాఖరులోగా దరఖాస్తు చేసుకోవచ్చన్నారు. ఇతర వివరాలకు కేఎల్‌ డీమ్డ్‌ యూనివర్సిటీ 7997995697లో సంప్రదించవచ్చని వివరించారు.

చదువుకు పేదరికం అడ్డురాదు..
నమస్తే తెలంగాణ అడ్వైర్టెజ్‌మెంట్‌ జీఎం సురేందర్‌రావు మాట్లాడుతూ.. చదువుకు పేదరికం అడ్డురాదని, చదువుకునే సమయం జీవితంలో ముఖ్యమైందని వివరించారు. విద్యార్థులు సరైన విధంగా ఇంటర్మీడియట్‌లో ఉంటే అనంతరం ఉన్నత చదువుల్లో రాణించేందుకు అవకాశం ఉందన్నారు. ప్రతి విద్యార్థికి ఇంటర్మీడియట్‌ టర్నింగ్‌ పాయింట్‌ అవుతుందని పేర్కొన్నారు. చదువులో తమ ప్రయాణాలను ఎటువైపు కొనసాగించాలనే అంశాలను తెలిపే ఇటువంటి కేరీర్‌ గైడెన్స్‌ విద్యార్థులకు అవసరమన్నారు. పేదరికంలో ఉన్న విద్యార్థులకు నమస్తే తెలంగాణ తమ వంతు కృషి చేస్తుందని తెలిపారు. కేఎల్‌ డీమ్డ్‌ యూనివర్సిటీవారు కూడా విద్యార్థులకు సరైన అవగాహన కల్పించేందుకు ఇటువంటి కేరీర్‌ గైడెన్స్‌లు అందజేస్తున్నందుకు ధన్యవాదాలు తెలిపారు. కార్యక్రమంలో నారాయణ కళాశాల ప్రిన్సిపాల్స్‌ అనిత, సులోచన, సుమలత ఉన్నారు.

కేరీర్‌ గైడెన్స్‌ బాగుంది : శ్రీలత
కేఎల్‌ డీమ్డ్‌ యూనివర్సిటీ, నమస్తే తెలంగాణ ఆధ్వర్యంలో నిర్వహించిన లక్ష్యం-2022 కార్యక్రమం ఎంతగానో బాగుంది. కెరీర్‌ గైడెన్స్‌పై మాకు వివరించిన విషయాలన్నీ జీవితంలో ఎంతగానో ఉపయోగపడుతాయి. ఇంటర్‌ అనంతరం ఎటువైపు వెళ్లాలనే మీమాంసకు తెరపడింది. ఉన్నత శిఖరాలకు వెళ్లాలంటే మంచి కళాశాలలను ఎంపిక చేసుకోవాలని, ప్రస్తుత పరిస్థితుల్లో కళాశాలల ఎంపిక కీలకమైందన్నారు. పోటీ ప్రపంచంలో ముందుకు వెళ్లాలంటే కళాశాలల ఎంపిక తప్పనిసరిగా మారింది.