The Paradise | ‘ది ప్యారడైజ్’కు భారీ క్రేజ్.. 24 గంటల్లోనే 3.21 లక్షలకు పైగా టికెట్ల విక్రయం

The Paradise | నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో తెరకెక్కిన ‘ది ప్యారడైజ్’ కోసం ప్రేక్షకులు ఎప్పటి నుంచో ఆసక్తిగా ఎదురుచూస్తున్నారు. ‘దసరా’ తర్వాత నాని, శ్రీకాంత్ ఓదెల కలిసి చేస్తున్న సినిమా కావడంతో ఈ చిత్రంపై మొదటి నుంచే భారీ అంచనాలు నెలకొన్నాయి. ఇప్పుడు ఆ నిరీక్షణకు తెరపడింది.

The Paradise | నేచురల్ స్టార్ నాని, దర్శకుడు శ్రీకాంత్ ఓదెల కాంబినేషన్‌లో తెరకెక్కిన ‘ది ప్యారడైజ్’ కోసం ప్రేక్షకులు ఎప్పటి నుంచో ఆసక్తిగా ఎదురుచూస్తున్నారు. ‘దసరా’ తర్వాత నాని, శ్రీకాంత్ ఓదెల కలిసి చేస్తున్న సినిమా కావడంతో ఈ చిత్రంపై మొదటి నుంచే భారీ అంచనాలు నెలకొన్నాయి. ఇప్పుడు ఆ నిరీక్షణకు తెరపడింది. ‘ది ప్యారడైజ్’ ప్రపంచవ్యాప్తంగా విడుదలకు సిద్ధమైంది. తెలుగు రాష్ట్రాల్లో ఈ సినిమా ప్రీమియర్లు ఈరోజు రాత్రి నుంచే ప్రారంభం కానుండటంతో అభిమానుల్లో సందడి నెలకొంది. విడుదలకు ముందే ఈ సినిమాకు ఉన్న క్రేజ్ అడ్వాన్స్ బుకింగ్స్‌లో స్పష్టంగా కనిపిస్తోంది. ముఖ్యంగా గత 24 గంటల్లో బుక్‌మైషో ద్వారా ‘ది ప్యారడైజ్’కు ఏకంగా 3.21 లక్షలకు పైగా టికెట్లు అమ్ముడైనట్లు సమాచారం. ఇప్పటివరకు ఈ సినిమాకు నమోదైన అత్యధిక టికెట్ విక్రయాలు ఇవేనని తెలుస్తోంది. విడుదల సమయం దగ్గరపడుతున్న కొద్దీ బుకింగ్స్ వేగం మరింత పెరుగుతుండటం చిత్ర బృందంలో ఉత్సాహాన్ని పెంచుతోంది.

ఇప్పటికే సినిమా గురించి ప్రేక్షకుల్లో, అభిమానుల్లో భారీ ఆసక్తి నెలకొంది. నాని గత చిత్రాలతో పోలిస్తే ‘ది ప్యారడైజ్’లో ఆయన పాత్ర పూర్తిగా భిన్నమైన మాస్ అవతారంలో కనిపించబోతున్నారనే ప్రచారం మొదటి నుంచీ సినిమాపై అంచనాలను పెంచింది. మరోవైపు శ్రీకాంత్ ఓదెల ‘దసరా’తో తనదైన ముద్ర వేయడంతో ఈసారి ఆయన ఎలాంటి కథను, ఎలాంటి ప్రపంచాన్ని ప్రేక్షకుల ముందుకు తీసుకువచ్చారనే విషయంపై కూడా ఆసక్తి నెలకొంది. సినిమా విడుదలకు ముందు పాటలు కూడా మంచి రెస్పాన్స్ అందుకున్నాయి. అనిరుధ్ రవిచందర్ సంగీతం అందించిన ఈ చిత్రంలోని పాటలు, నేపథ్య సంగీతం సినిమాకు మరింత బలంగా నిలుస్తాయని అభిమానులు భావిస్తున్నారు. ముఖ్యంగా ‘ఆయా షేర్’, ‘ఏశనగుల’ వంటి పాటలు విడుదలకు ముందే ప్రేక్షకుల దృష్టిని ఆకర్షించాయి. సినిమాలోని యాక్షన్, భావోద్వేగ సన్నివేశాలకు అనిరుధ్ సంగీతం కీలకంగా ఉంటుందని చిత్ర బృందం నమ్మకంగా ఉంది.

‘ది ప్యారడైజ్’లో నానికి జోడీగా కయాదు లోహర్ నటిస్తోంది. సీనియర్ నటుడు మోహన్ బాబు కీలక పాత్రలో కనిపించనుండగా, రాఘవ్ జుయల్, సోనాలి కులకర్ణి తదితరులు కూడా ముఖ్యమైన పాత్రలు పోషించారు. ముఖ్యంగా రాఘవ్ జుయల్ ఈ సినిమాలో ప్రతినాయక ఛాయలున్న పాత్రలో కనిపించనున్న నేపథ్యంలో ఆయన పాత్రపై కూడా ఆసక్తి నెలకొంది. ఈ చిత్రాన్ని ఎస్‌ఎల్‌వీ సినిమాస్‌ బ్యానర్‌పై సుధాకర్ చెరుకూరి నిర్మించారు. భారీ స్థాయిలో రూపొందిన ఈ సినిమాను ప్రపంచవ్యాప్తంగా ప్రేక్షకుల ముందుకు తీసుకువస్తున్నారు. థియేటర్లలోకి రాకముందే అడ్వాన్స్ బుకింగ్స్‌లో కనిపిస్తున్న స్పందనను చూస్తుంటే తొలి రోజు వసూళ్లపై భారీ అంచనాలు ఏర్పడ్డాయి. అయితే అడ్వాన్స్ బుకింగ్స్‌లో కనిపించిన ఉత్సాహం తొలి రోజు వసూళ్లుగా ఎంత మేరకు మారుతుందనేది ఇప్పుడు ఆసక్తికరంగా మారింది.