ఆదివారం 05 జూలై 2020
Rajanna-siricilla - Jan 12, 2020 , 03:48:04

టీఆర్‌ఎస్‌కే మా సంపూర్ణ మద్దతు

 టీఆర్‌ఎస్‌కే మా సంపూర్ణ మద్దతు


సిరిసిల్ల టౌన్‌: అనేక సంక్షేమ పథకాల అమలుతో చేనేత కార్మికుల జీవితాల్లో విప్లవాత్మక మార్పులు తీసుకొస్తూ, ఉరిసిల్లను ‘సిరి’సిల్లగా మార్చిన టీఆర్‌ఎస్‌ పార్టీకే మున్సిపల్‌ ఎన్నికల్లో తమ సంపూర్ణ మద్దతిస్తామని పద్మశాలీ సంఘం సిరిసిల్ల పట్టణ అధ్యక్షుడు గోలి వెంకటరమణ ప్రకటించారు. ఈ మేరకు సంఘ సభ్యులతో కలిసి ఏకగ్రీవంగా తీర్మానించారు. హైదరాబాద్‌లోని ప్రగతిభవన్‌లో మంత్రి కేటీఆర్‌ను వారు శనివారం కలిసి తీర్మాణ కాపీని అందజేశారు. ఈ సందర్భంగా పద్మశాలీ సంఘం సిరిసిల్ల పట్టణ అధ్యక్షుడు గోలి వెంకటరమణ మాట్లాడుతూ.. స్వరాష్ట్రంలో కేటీఆర్‌ మంత్రిగా బాధ్యతలు చేపట్టిన తరువాత నేత కార్మికుల జీవితాల్లో నూతన వెలుగులు నింపారని కొనియాడారు. బతుకమ్మ చీరెలు, పాఠశాలల యూనిఫారాలు, క్రిస్మస్‌, రంజాన్‌ దుస్తుల తయారీ ఆర్డర్లతో కార్మికులకు చేతినిండా పని కల్పించారని వివరించారు. మంత్రి కేటీఆర్‌కు ప్రత్యేక కృతజ్ఞతలు తెలిపారు. కార్యక్రమంలో టీఆర్‌ఎస్‌ పార్టీ రాష్ట్ర సహాయ కార్యదర్శి గూడూరి ప్రవీన్‌, పట్టణాధ్యక్షుడు జిందం చక్రపాణి, సెస్‌ వైస్‌ చైర్మన్‌ లగిశెట్టి శ్రీనివాస్‌, అర్బన్‌ బ్యాంక్‌ చైర్మన్‌ గాజుల నారాయణ, బొల్లి రాంమోహన్‌, మండల సత్యం, సామల దేవదాస్‌ పాల్గొన్నారు.


logo