మంత్రులకు సలహాదారులా?

ప్రభుత్వ సలహాదారులు, సీఎం సలహాదారుల గురించి విన్నాం, కానీ కాంగ్రెస్‌ ప్రభుత్వంలో మంత్రులు కూడా సలహాదారులను నియమించుకోవడం కొత్త విషయమే. ఐటీశాఖ మంత్రి శ్రీధర్‌బాబు తన ఐటీ సలహాదారునిగా సాయికృష్ణ అనే అతన్ని తాజాగా నియమించుకున్నారు.

ప్రభుత్వ సలహాదారులు, సీఎం సలహాదారుల గురించి విన్నాం, కానీ కాంగ్రెస్‌ ప్రభుత్వంలో మంత్రులు కూడా సలహాదారులను నియమించుకోవడం కొత్త విషయమే. ఐటీశాఖ మంత్రి శ్రీధర్‌బాబు తన ఐటీ సలహాదారునిగా సాయికృష్ణ అనే అతన్ని తాజాగా నియమించుకున్నారు. ఇదే బాటలో ఇతర మంత్రులు కూడా సలహాదారులను నియమించుకునే అవకాశం లేకపోలేదు. అయితే కొసమెరుపు ఏమంటే, సీఎం రేవంత్‌రెడ్డి గతంలో పీసీసీ అధ్యక్షుని హోదాలో ప్రభుత్వ సలహాదారుల పేరిట ప్రజాధనం వృథా చేస్తున్నారని హైకోర్టులో కేసు వేసిన విషయం మరిచిపోయారా? అన్నది అసలు సంగతి.

లంచంలోనూ సెంటిమెంట్‌…

ఎవరి నమ్మకం వారిది. దీన్నే సెంటిమెంట్‌ అంటాం. అయితే లంచం తీసుకోవడంలోనూ సెంటిమెంట్‌ ఉంటుందని నిరూపించారు రెవిన్యూ ఉద్యోగి ఒకరు. భద్రాద్రి కొత్తగూడెం జిల్లా చర్ల డిప్యూటీ తహశీల్దార్‌ భరణిబాబు ఓ రైతు నుంచి 20 వేలు లంచం తీసుకుంటూ తాజాగా ఏసీబీకి పట్టుబడ్డారు. లంచాలు తీసుకోవడం అనేది రెవిన్యూ శాఖలో సర్వ సాధారణ విషయమే. కానీ, ఆరేండ్ల కిందట 2018లో భరణిబాబు బూర్గంపాడులో పని చేస్తున్నప్పుడు ఓ డబుల్‌ బెడ్‌రూమ్‌ లబ్ధిదారుని నుంచి రూ.20 వేలు లంచం తీసుకుంటూ ఏసీబీకి పట్టుబడ్డారు. అప్పుడు… ఇప్పుడు సరిగ్గా రూ.20 వేలు మాత్రమే లంచం తీసుకోవడం ఏమిటనీ ఏసీబీ అధికారులు ప్రశ్నిసే, అది తన సెంటిమెంట్‌ అన్నారట పాపం.

డామిట్‌ కథ అడ్డం తిరిగింది

బొద్దింకల టేస్టే వేరు !

– వెల్జాల