Visit:
‘అన్నా ఏమైందే.. అప్పటిసంది జూస్తున్న, నీది నువ్వే గులుగుతున్నవ్‌… మూలగ్గూసోని మూల్గుతున్నవ్‌, ఓసారి చేతులు కట్టుకుంటున్నవ్‌, ఓసారి ఇడుస్తున్నవ్‌, ఓ మల్కేమో జేబుల్ల చేతులు వెట్టుకొని అటీటు తిరుగుతున్నవ్‌. అదేదో సిన్మాల ప్రకాశ్‌రాజ్‌ లెఫ్ట్‌ రైట్‌ కొట్టినట్టు… ఎవరో బాయేముడ్‌, దైనేముడ్‌ చెప్పినట్టు… ఏం సంగతే?’
‘ఇగో, ఇటిను బైసాబ్‌ నాకు ఉత్తగ బీపీ లేపకు. నాదస్సలే బీజేపీ పార్టీ. నాయి మొహమాటానికి సారీ ముమ్మాటికీ రైటిస్ట్‌ భావాలే. కావట్టి నీను కచ్చితంగా రైటుకే వోతగని లెఫ్ట్‌కు నేనెందుకు వోతబై, ఉత్తగా నన్ను డిస్టర్బ్‌ చేస్తవ్‌. నేనస్సల్కే మంట్రమీదున్న’.
‘అగ్గొ.. గీ రాజకీయంల ఏదైనా సాజ్జమే అన్న.. మొన్నటిదాన్క (నాయి లెఫ్ట్‌ భావాలు, నీను లెఫ్టిస్టున)ని బల్లగుద్ది మరీ జెప్పిన ఓ నికార్సయిన లెఫ్టిస్టు ఎక్కడ కిందవడిపోతనోనని భావాలన్నీ మార్సుకొని రైటిస్టుగా మారిండుగానే.. భావాలు మారినా హావభావాలు మాత్రం మార్తలెవ్వు, అది వేరే విషయం. దానికి నువ్వేమంటవ్‌?’
‘ఇగ్గొ.. బైసాబ్‌ ఆయ్న గోడు నాకెందుకు? మేం నలుగరం ఎంపీలం. మాకు ముగ్గురు ఎమ్మెల్యేలున్నరు, ఇంకో అరువై మంది నాతో టచ్చులున్నరు. సో నెస్ట్‌ నేనే పీఎం, సారీ నెస్ట్‌ నేనే సీఎం. అందుకే ఆయ్నను కోరికల, కమిటీ సారీ చేరికల కమిటీ అధ్యక్షున్ని జేసినం’.
‘అన్నా… గోడు అనంగనే నాకు మునుగోడు గుర్తుకొ చ్చిందే. అక్కడ మీరు మునుగుతరా, తేలుతరా? ఇంకో డౌట్‌, నువ్వు ఊ అంటే, ఆ అంటే ఎమ్మెల్యేలు టచ్చులున్నరంటున్నవ్‌ నిజంగ నీతోని ఎంతమంది ఎమ్మెల్యేలు టచ్చులున్నరు జెర జెప్పే. అవ్వతోడు నీనెవ్వల్కి జెప్ప’.
‘బైసాబ్‌ నిన్ను నమ్మిన కావట్టి జెప్తున్న,
మళ్లెవ్వల్తోని అనద్దు. మా ముగ్గురు ఎమ్మెల్యేలున్నరుగానే… వాళ్లు అసెంబ్లీకి వోయినప్పుడు ఆటోమెటిక్‌గా అందరు ఎమ్మెల్యేలు వాళ్లకు టచ్చయితరు.
మా ఎమ్మెల్యేలు ఎట్లాగూ రోజు నాతోని టచ్చులో ఉంటరు. సో వాళ్లు వీళ్లకు టచ్చయి, వీళ్లు నాకు టచ్చయితే నాతో టచ్చులున్నట్టేగానే’.
‘అవ్వర బాంచన్‌. ఇదా నీ సీక్రెట్‌. నువ్వద్దే, నీతోని ఎమ్మెల్యేలు టచ్చులున్నట్టే లెక్క. కోపంగున్నా అంటున్నవ్‌, ఎందుకంతగనం కోపమొస్తున్నదే? దౌడలాడిచ్చుకుంట అటీటు తిరుగుతుంటే నేనేమో మీ పార్టీ అధికారంలకు రావాల్నని మంత్రాలు జేస్తున్నవనుకున్న’.
‘నువ్వు గమ్మతున్నవన్న. నేనెందుకు మంత్రాల్‌ జేస్త నే, చేస్తే, గీస్తే గా కాంగ్రెసోళ్లు జేస్తరు. ఇదీ అస్సల్‌ ముచ్చట. టీఆరెస్సోళ్ల అంతు సూద్దామని మా షా సాబ్‌ రాష్టానికొచ్చిండు. ముందుగాల్ల దేవుని దీవెనార్తి కోసం ఆయ్నను గుళ్లెకు తోల్కపోయిన’.
‘ఎలచ్చన్లున్నప్పుడు గుళ్లు, దేవుళ్లు యాదికొచ్చుడు మీ పార్టీ ఆచారమే గదనే దానికెందుకు ఆగమైతున్నవ్‌?’.
‘ఇగ్గొ విలేకరన్నా… పెద్దమనిషి ఆ మజ్జన సలాక లెక్కనే ఉండె గని, ఈ ఏడెనిమిదేండ్ల నుంచి కొంచెం బొర్ర వెట్టిండు. మా కార్యకర్తలంటే ఆయ్నకు నమ్మకం తక్కువ. ముందలుంటే ఎవ్వలన్న కా జేయగల్లా అని, గుళ్లెకు వొయ్యేముందు బూట్లు మూలకిడిసిండు. అయితే ఆయ్నకు అంగొస్తలేదని మూలకున్న బూట్లు తీసి ముందలేసిన. అప్పటికి బాహుబలి సిన్మాల కట్టప్ప లెక్క నెత్తి మీద కాళ్లు వెట్టుకొని తొడుగుదామనుకున్న. కానీ, షాజీ సందియ్యలే. దానికి ఓ పెద్ద నేనేదో దొంగతనం జేసినట్లు ఈ నెటిజన్లు నా మీద పొద్దువోతర్రు’.
‘ఈ నెటిజన్లకేమన్న పనుంటే మంచిగుండన్న. వాళ్లేమనుకుంటే నీకేందే… నువ్వు అట్లనే చెప్పులు, బూట్లు మోసుకుంట ఉండె. అన్ల మాత్రం అస్సల్‌ తగ్గొద్దు. నెటి జన్లకు గట్టి జవాబు జెప్పాల్నంటే షా మల్లోపారి అచ్చిన ప్పుడు బూట్లు నెత్తిమీద వెట్టుకొని ఆయ్న ఎంబడే తిరు గే. ఈ నెటిజన్లు ఏం జేత్తరో సూద్దాం. దెబ్బకు తలికాయ తిర్గాలె వాళ్లకు’.
‘మస్తు జెప్పినవే విలేకరన్న. నేన్‌ మాత్రం అన్ల తగ్గేదే ల్యా.. జై హింద్‌, జై భారత్‌’.
గడ్డం సతీష్‌, 99590 59041
