Funny Video: పిజ్జా కోసం పిల్లి వేడుకోలు.. అడుక్కునే తీరు చూస్తే నవ్వు ఆపుకోలేరు

సాధారణంగా కుక్క, పిల్లి వంటి పెంపుడు జంతువుల చేష్టలు చాలా ఆసక్తిగా ఉంటాయి. పిజ్జా కోసం ఒక పిల్లి దీనంగా అడుక్కునే తీరు నవ్వులు పూయించింది. పిల్లుల ఇన్‌స్టాగ్రామ్‌లో పోస్ట్‌ చేసిన ఈ వీడియో వైరల్‌ అయ్యింది. ఒక వ్యక్తి చేతిలోని పిజ్జా చూసి ఒక నల్ల పిల్లి పిల్లకు నోరూతుంది. దీంతో ఆ పిజ్జాను తనకు ఇవ్వమని ప్రాధేయపడుతుంది. ముందరి కాళ్లతో పలుమార్లు నమస్కరించి ఆ వ్యక్తిని వేడుకుంటుంది.

కాగా, ఈ వీడియోను ఆ పిల్లి తరపునే క్యాప్షన్ చేశారు. అందులో ఇలా ఉంది. ‘అందరికీ నమస్కారం! కొత్త ఫాలోయింగ్‌లందరికీ ధన్యవాదాలు. కొత్త వ్యక్తులందరికీ నన్ను పరిచయం చేసుకోవడానికి ఈ సమయాన్ని వెచ్చించాలని అనుకున్నాను. నా పేరు వాడ్స్‌వర్త్, అకా వాడీ. నాకు అడుక్కోవడం చాలా ఇష్టం. జాక్స్, కట్లర్, మిస్టరీ అనే ముగ్గురు తోబుట్టువులు నాకు ఉన్నారు’ అని ఆ పోస్ట్‌లో పేర్కొన్నారు.

మరోవైపు ఈ వీడియోను ఇన్‌స్టాగ్రామ్‌లో పోస్ట్‌ చేసిన తొలి రోజు నుంచే సోషల్‌ మీడియాలో తెగ వైరల్‌ అయ్యింది. ఇప్పటి వరకు 14 లక్షల మందికిపైగా దీనిని వీక్షించారు. పలువురు తమ పెంపుడు పిల్లుల ఫొటోలను జత చేసి కామెంట్లు చేశారు.