Nizamabad | సీఎం పర్యటన నేపథ్యంలో పటిష్టమైన బందోబస్తు.. పోలీస్ కమిషనర్ సాయి చైతన్య ఆదేశాలు

నిజామాబాద్ జిల్లాలో శుక్రవారం ముఖ్యమంత్రి రేవంత్ రెడ్డి పర్యటన సందర్భంగా 600 పోలీసు సిబ్బంది తో పటిష్టమైన బందోబస్తు చర్యలు చేపట్టారు. సిబ్బంది తమకు కేటాయించిన డ్యూటీ పాయింట్ నుండి ఎక్కడికి వెళ్లొద్దని పోలీస్ కమిషనర్ సాయి చైతన్య ఆదేశించారు.

• సిబ్బంది విధులను సక్రమంగా నిర్వహించాలి
• డ్యూటీ స్థలం విడిచి ఎక్కడికి వెళ్లొద్దని ఆదేశాలు

ఈ సందర్భంగా పోలీస్ కమిషనర్ మాట్లాడుతూ సిబ్బందికి ఎలాంటి సమాచారం తెలిసినా త్వరితగతిన తమపై స్థాయి అధికారులకు తెలియజేయాలని ఆదేశించారు. అనునిత్యం సిబ్బంది అలర్ట్ గా ఉండాలని అన్నారు. ఈ కార్యక్రమంలో అదనపు డీసీపీ (అడ్మిన్) బస్వా రెడ్డితో పాటు నిజామాబాద్, ఆర్మూర్, బోధన్, సీసీఎస్, సీటీసీ, ట్రాఫిక్ ఏసీపీలు రాజా వెంకటరెడ్డి, వెంకట్ రెడ్డి, శ్రీనివాస్, నాగేంద్ర చారి, రాజశేఖర్, మస్తాన్ అలీ, వివిధ సర్కిల్ ల ఇన్స్పెక్టర్లు, ఎస్సైలు తదితరులు పాల్గొన్నారు.