ఏకగ్రీవాల జోరు

స్థానిక సంస్థల ఎన్నికల్లో ఏకగ్రీవాల జోరు కొనసాగుతున్నది. కొన్నిచోట్ల అభ్యర్థులు స్వచ్ఛందంగా తప్పుకోగా, మరికొన్ని చోట్ల నేతల ఒత్తిడితో నామినేషన్లు ఉపసంహరించుకున్నట్లు తెలిసింది.

నమస్తే యంత్రాంగం, డిసెంబర్‌ 6: స్థానిక సంస్థల ఎన్నికల్లో ఏకగ్రీవాల జోరు కొనసాగుతున్నది. కొన్నిచోట్ల అభ్యర్థులు స్వచ్ఛందంగా తప్పుకోగా, మరికొన్ని చోట్ల నేతల ఒత్తిడితో నామినేషన్లు ఉపసంహరించుకున్నట్లు తెలిసింది.

• మాక్లూర్‌ మండలంలో 28 జీపీలు ఉంటే, 7 చోట్ల పోటీ లేకుండా పోయింది. కొత్తపల్లి, అమ్రాద్‌ తండా, మెట్‌పల్లి, ముత్యపల్లి, మాదాపూర్‌, గంగరమంద, సింగంపల్లి సర్పంచ్‌ ఎన్నికలు ఏకగ్రీవమయ్యాయని అధికారులు ప్రకటించారు.
• ధర్పల్లి మండలంలో 6 సర్పంచ్‌ స్థానాలు ఏకగ్రీవమయ్యాయి. మోదిన్‌సాబ్‌ తండా, మద్దుల్‌ తండాలను మాత్రమే ఏకగ్రీవమైనట్లు అధికారికంగా ప్రకటించారు. సీతాయిపేట్‌, నడిమి తండా, గుడి తండా, ఇందిరానగర్‌ తండా సర్పంచ్‌ స్థానాలు ఏకగ్రీవమైనప్పటికీ, కలెక్టర్‌ నుంచి ఎన్‌వోసీ వచ్చాక అధికారికంగా ప్రకటించనున్నారు.
• సిరికొండ మండలంలో 6, డిచ్‌పల్లి, ఇందల్వాయి, జక్రాన్‌పల్లి మండలాల్లో 3 చొప్పున, మోపాల్‌ మండలంలో ఒకటి చొప్పున ఏకగ్రీవమయ్యాయి.
• నాగిరెడ్డిపేట మండలంలో 6 సర్పంచ్‌, 103 వార్డు స్థానాలు ఏకగ్రీవమయ్యాయని ఎన్నికల అధికారి ప్రవీణ్‌కుమార్‌ తెలిపారు.
• లింగంపేట మండలం లింగంపల్లి పాలకవర్గం ఏకగ్రీవమైంది.
• నిజాంసాగర్‌ మండలంలోని మల్లూర్‌ తండా సర్పంచ్‌తో పాటు 8 వార్డు స్థానాలను ఏకగ్రీవంగా ఎన్నుకున్నారు.