జీజీహెచ్‌లో ట్రాన్స్‌జెండర్లకు ప్రత్యేక సేవలు
రాష్ట్రంలో హైదరాబాద్‌ తర్వాత నిజామాబాద్‌ జిల్లా ప్రభుత్వ దవాఖానలో ట్రాన్స్‌జెండర్లకు ఓపీ సేవలు అందుబాటులోకి వచ్చాయని జిల్లా ప్రధాన న్యాయమూర్తి సునీత కుంచాల అన్నారు. జీజీహెచ్‌లో గురువారం ఓపీ సేవలను ప్రారంభించిన అనంతరం ఆమె మాట్లాడారు.
- ప్రారంభించిన జిల్లా జడ్జి సునీత కుంచాల
ఖలీల్‌వాడి, మే 23: రాష్ట్రంలో హైదరాబాద్‌ తర్వాత నిజామాబాద్‌ జిల్లా ప్రభుత్వ దవాఖానలో ట్రాన్స్‌జెండర్లకు ఓపీ సేవలు అందుబాటులోకి వచ్చాయని జిల్లా ప్రధాన న్యాయమూర్తి సునీత కుంచాల అన్నారు. జీజీహెచ్‌లో గురువారం ఓపీ సేవలను ప్రారంభించిన అనంతరం ఆమె మాట్లాడారు. ట్రాన్స్‌జెండర్లు ఆరోగ్య సమస్యలను ఏ దవాఖానలో చూపించుకోవాలో తెలియక అనేక సమస్యలు ఎదుర్కొంటున్నారని వారి కోసమే ఈ ఓపీ సెంటర్‌ను ప్రారంభించారన్నారు. జిల్లా దవాఖాన సూపరింటెండెంట్‌ డాక్టర్‌ ప్రతిమారాజ్‌ సంవత్సరంపాటు ఈ క్లినిక్‌ కోసం ఎంతో కష్టపడి పనిచేశారని, ఆమె కష్టానికి ఫలితం దక్కిందన్నారు. ట్రాన్స్‌జెండర్లు, వారి కుటుంబ సభ్యులకు కూడా ప్రత్యేకమైన ఓపీ వైద్య సేవలందుతాయన్నారు. ఈ ఓపీ సేవలు జాన్‌ హాప్కిన్స్‌ విశ్వవిద్యాలయం అమెరికా, వైజీఆర్‌ సంరక్షణ, డీఎస్‌ఎల్‌ఏ సమన్వయంతో నిర్వహిస్తున్నట్లు తెలిపారు. కార్యక్రమంలో అడిషనల్‌ డీసీపీ కోటేశ్వర్‌రావు, ట్రెయినీ ఐపీఎస్‌ శేషాద్రిరెడ్డి, స్నేహ, టీఐ ప్రాజెక్టు స్టాఫ్‌, ట్రాన్స్‌జెండర్లు, దవాఖాన సిబ్బంది పాల్గొన్నారు.
Read Today's Latest Nizamabad News in Telugu and Telugu News
- Follow Us :
-
