ప్రయాణికులకు ఆర్టీసీ సంక్రాంతి కానుక

సంక్రాంతికి సొంతూళ్లకు వెళ్లేవారికి రాష్ట్ర రోడ్డు రవాణా సంస్థ శుభవార్త చెప్పింది. పండుగ కోసం రానుపోనూ ఒకేసారి టికెట్లు బుకింగ్‌ చేసుకుంటే.. తిరుగు ప్రయాణంపై 10 శాతం రాయితీ కల్పిస్తున్నట్లు జిల్లా రీజినల్‌ మేనేజర్‌ ఉష తెలిపారు.

• సొంతూళ్లకు వెళ్లే వారికి స్పెషల్‌ ఆఫర్‌
• రానుపోనూ ఒకేసారి టికెట్లు బుక్‌ చేసుకుంటే ఒక టికెట్‌పై 10 శాతం రాయితీ

ఖలీల్‌వాడి, డిసెంబర్‌ 27: సంక్రాంతికి సొంతూళ్లకు వెళ్లేవారికి రాష్ట్ర రోడ్డు రవాణా సంస్థ శుభవార్త చెప్పింది. పండుగ కోసం రానుపోనూ ఒకేసారి టికెట్లు బుకింగ్‌ చేసుకుంటే.. తిరుగు ప్రయాణంపై 10 శాతం రాయితీ కల్పిస్తున్నట్లు జిల్లా రీజినల్‌ మేనేజర్‌ ఉష తెలిపారు. ఈ మేరకు ఆమె మంగళవారం ఒక ప్రకటన విడుదల చేశారు. డీలక్స్‌, సూపర్‌ లగ్జరీ, రాజధాని, గరుడప్లస్‌ బస్సుల్లో అడ్వాన్స్‌డ్‌ రిజర్వేషన్‌ బుకింగ్‌కు ఈ రాయితీ వర్తిస్తుందని తెలిపారు. వచ్చే ఏడాది జనవరి 31 వరకు ఈ రాయితీ అమలులో ఉంటుందని పేర్కొన్నారు. సంక్రాంతి పర్వదినం సందర్భంగా ప్రజలకు ఆర్థిక భారం తగ్గించేందుకు 10 శాతం రాయితీని ప్రకటించాలని సంస్థ నిర్ణయించినట్లు తెలిపారు. ఈ రాయితీ సదుపాయాన్ని ఉమ్మడి నిజామాబాద్‌ జిల్లా ప్రజలు సద్వినియోగం చేసుకోవాలని సూచించారు. సురక్షితంగా సుఖవంతమైన ప్రయాణంతో తమ గమ్యస్థానాలకు చేరుకోవాలని కోరారు. ముందస్తు రిజర్వేషన్లకు www.tsrtc online.in ను సంప్రదించాలని సూచించారు.