Mother’s milk | అమ్మ పాలు అమృతం.. బోధన్ సీడీపీవో పద్మ

అమ్మ పాలు అమృతమని ఐసీడీఎస్ బోధన్ ప్రాజెక్ట్ సీడీపీవో పద్మ అన్నారు. తల్లిపాల వారోత్సవాల్లో భాగంగా గురువారం కోటగిరి మండల కేంద్రంలోని జరిన కాలనీ అంగన్వాడీ కేంద్రంలో తల్లిపాల వారోత్సవాలను నిర్వహించారు.

Mother’s milk | కోటగిరి, ఆగస్టు 7 : అమ్మ పాలు అమృతమని ఐసీడీఎస్ బోధన్ ప్రాజెక్ట్ సీడీపీవో పద్మ అన్నారు. తల్లిపాల వారోత్సవాల్లో భాగంగా గురువారం కోటగిరి మండల కేంద్రంలోని జరిన కాలనీ అంగన్వాడీ కేంద్రంలో తల్లిపాల వారోత్సవాలను నిర్వహించారు. ఈ కార్యక్రమానికి ముఖ్యఅతిథిగా సీడీపీవో పద్మ పాల్గొని తల్లి పాల ఆవశ్యకతపై అవగాహన కల్పించారు. పిల్లలకు ఆరు నెలలు వచ్చేవరకు తల్లిపాలే పట్టాలని సూచించారు. బిడ్డకు తల్లి పాలు పట్టడం ద్వారా తల్లి బిడ్డలకు కలిగే ప్రయోజనాలను వివరించారు.

ఈ సందర్భంగా గర్భిణులకు సామూహిక సీమంతాలు నిర్వహించారు. పుట్టిన ఆరు, ఏడు మాసాల చిన్నారులకు అన్న ప్రసన్న కార్యక్రమాన్ని నిర్వహించారు. మూడు సంవత్సరాలు నిండిన పిల్లలకు అక్షరాభ్యాసం చేయించారు. ఈ కార్యక్రమంలో ఐసీడీఎస్‌ కోటగిరి, పోతంగల్ మండలాల సూపర్ వైజర్లు కొమురవ్వ, గోపి లక్ష్మి, అంగన్వాడీ టీచర్లు కళావతి, కృష్ణకుమారి, విజయలక్ష్మి, సావిత్రి, జమున గంగామణి, ఏఎన్ఎం మంజుల, ఆశ అనురాధ, గర్భిణులు, బాలింతలు తదితరులు పాల్గొన్నారు.