వన్‌టైం సెటిల్‌మెంట్‌..

వచ్చే నవంబర్‌లో డీసీబీసీ శతాబ్ది ఉత్సవాలు నిర్వహించనున్నట్లు చైర్మన్‌ పోచారం భాస్కర్‌రెడ్డి తెలిపారు. సహకార సం ఘాల అభివృద్ధికి కృషి చేయాలని కోరారు. నిజామాబాద్‌ జిల్లా సహకార కేంద్ర బ్యాంకు శతాబ్ది ఉత్సవాల సందర్భంగా సోమ వారం ఏర్పాటు చేసిన మహాజన సభలో ఆయన పాల్గొన్నారు

దీర్ఘకాలిక రుణ బకాయిదారులకు అవకాశం
ఆగస్టు 31 వరకు అవకాశం
డీసీసీబీ వార్షిక మహాజన సభలో చైర్మన్‌ పోచారం భాస్కర్‌రెడ్డి
నవంబర్‌లో శతాబ్ది ఉత్సవాలు

ఇందూరు, జూన్‌ 27: వచ్చే నవంబర్‌లో డీసీబీసీ శతాబ్ది ఉత్సవాలు నిర్వహించనున్నట్లు చైర్మన్‌ పోచారం భాస్కర్‌రెడ్డి తెలిపారు. సహకార సం ఘాల అభివృద్ధికి కృషి చేయాలని కోరారు. నిజామాబాద్‌ జిల్లా సహకార కేంద్ర బ్యాంకు శతాబ్ది ఉత్సవాల సందర్భంగా సోమ వారం ఏర్పాటు చేసిన మహాజన సభలో ఆయన పాల్గొన్నారు. కేక్‌ కట్‌ చేసి పాలకవర్గ సభ్యులు, సొసైటీ అధ్యక్షులు, జిల్లా రైతాంగం, బ్యాంకు సిబ్బందికి శుభాకాంక్షలు తెలిపారు. అనంతరం పాలకవర్గ సభ్యులతో చర్చించి నవంబర్‌లో శతాబ్ది ఉత్సవాలను ఘనంగా నిర్వహించాలని నిర్ణయం తీసుకున్నారు. శతాబ్ది ఉత్సవాల సందర్భంగా బ్యాంకు, సొసైటీల ద్వారా పొందిన దీర్ఘకాలిక రుణబకాయిదారులకు శుభవార్త తెలిపారు. పాలకవర్గ సభ్యులతో కలిసి ఏకకాల రుణ పరిష్కారాన్ని ఓటీఎస్‌(వన్‌టైమ్‌ సెటిల్‌మెంట్‌) ప్రకటించారు. ఈ స్కీమ్‌ జూన్‌ 27 నుంచి ఆగస్టు 31 వర కు అమలులో ఉంటుంది. కార్యక్రమంలో డీసీసీబీ వైస్‌చైర్మన్‌ రమేశ్‌రెడ్డి, ఐడీసీఎంఎస్‌ చైర్మన్‌ సాంబారి మోహన్‌, డీసీసీబీ డైరెక్టర్లు, ఐడీసీఎంఎస్‌ డైరెక్టర్లు, డీసీవో సింహాచలం, కామారెడ్డి డీసీ వో వసంత, బ్యాంకు సీఈవో గజానంద్‌, ఉమ్మడి జిల్లాలోని పీఏసీఎస్‌ చైర్మన్లు పాల్గొన్నారు.

‘ఓటీఎస్‌’కు సంబంధించి వివరాలు
విండోల ద్వారా పొందిన రుణాలకు..

• మార్చి 31, 2022 నాటికి రుణ కాలపరిమితి ముగిసిన వాటికి వర్తిస్తుంది.
• బ్యాంకు ద్వారా మంజూరు చేయబడి సహకార సంఘాల ద్వారా బట్వాడా చేసి ఉండాలి.
• స్వల్పకాలిక పంట రుణాలకు (క్రాప్‌లోన్స్‌) వర్తించదు.
• అపరాధ వడ్డీలో 100 శాతం రాయితీ..
• వాయిదా మీరిన వడ్డీలో 20 శాతం రాయితీ

 

బ్యాంకు ద్వారా పొందిన రుణాలకు..

• మార్చి 31, 2022 నాటికి రుణకాలపరిమితి ముగిసిన వాటికి వర్తిస్తుంది.
• రుణాలు బ్యాంకు ద్వారా బట్వాడా చేసి ఉండాలి.
• బ్యాంకు బ్రాంచి ద్వారా బట్వాడా చేయబడిన ఎన్‌ఎఫ్‌ఎస్‌, ఎస్‌హెచ్‌జీ, జెఎల్‌జీ, మార్డ్‌గేజ్‌ రుణాల్లో మార్చి 31, 2022 వరకు కాలపరిమితి ముగిసి ప్రస్తుతం బాకీ ఉన్న రుణాలకు మాత్రమే వర్తిస్తుంది.
• వాణిజ్య రుణాలకు ఈ స్కీమ్‌ వర్తించదు.
• చెల్లించాల్సిన వడ్డీ మొత్తంలో 22 శాతం రాయితీ కల్పిస్తారు.
• ఈ స్కీమ్‌ కింద లబ్ధి పొందగోరు రుణగ్రహీతలు దరఖాస్తుతో పాటు చెల్లించాల్సిన రుణంలో 20 శాతం చెల్లించాల్సి ఉంటుంది.
• మిగిలిన మొత్తం నెలలోపు లేదా ఆగస్టు 31, 2022 లోపు ఏది ముందు అయితే ఆ లోగా చెల్లించాలి.
• గడువు లోపల ఓటీఎస్‌లో చెల్లించాల్సిన మొత్తం చెల్లించని పక్షంలో ఓటీఎస్‌ వర్తించదు.
• ఓటీఎస్‌లో చెల్లించాల్సిన మొత్తం సహకార బ్యాంకు బ్రాంచ్‌ల్లో మాత్రమే చెల్లించాలి.