Nizamabad | ఎస్‌ఎస్‌ఆర్‌లో అంబరాన్నంటిన బతుకమ్మ సంబరాలు

నిజామాబాద్ జిల్లా కేంద్రంలోని ఎస్ఎస్ఆర్ కళాశాలలో బతుకమ్మ సంబరాలు ఘనంగా నిర్వహించారు. కళాశాల ఆవరణంలో శనివారం పెద్ద ఎత్తున బతుకమ్మలను తీసుకువచ్చి బతుకమ్మ పాటలతో సంబరాలు నిర్వహించారు.

Nizamabad | ఖలీల్ వాడి అక్టోబర్ 10 : నిజామాబాద్ జిల్లా కేంద్రంలోని ఎస్ఎస్ఆర్ కళాశాలలో బతుకమ్మ సంబరాలు ఘనంగా నిర్వహించారు. కళాశాల ఆవరణంలో శనివారం పెద్ద ఎత్తున బతుకమ్మలను తీసుకువచ్చి బతుకమ్మ పాటలతో సంబరాలు నిర్వహించారు.

విద్యార్థులు తంగేడు పువ్వు వివిధ రకాల పూలతో బతుకమ్మలను పేర్చి సంస్కృతి సాంప్రదాయాలకు అద్దం పట్టే విధంగా ముగ్గులు వేసి అందులో బతుకమ్మలను పెట్టి విద్యార్థినులు ఉపాధ్యాయులు అందరూ కలిసి బతుకమ్మ వేడుకలను ఘనంగా నిర్వహించారు. బతుకమ్మ పాటలతో విద్యార్థులు ఆనంద ఉత్సవంలో మునిగిపోయారు. ఈ కార్యక్రమంలో ఎస్ఎస్ఆర్ విద్యాసంస్థల అధినేత మారయ్య గౌడ్, కరస్పాండెంట్ హరిత గౌడ్, డైరెక్టర్ హర్షిత్ గౌడ్, ప్రిన్సిపాల్ రాజేందర్ గౌడ్, అరుణ్, ఉపాధ్యాయులు డాక్టర్ తక్షశిల వేణుగోపాల్ అధ్యాపక బృందం తదితరులు పాల్గొన్నారు.