మనకు కేసీఆరే బాద్షా.. అమిత్ షానో, ఇంకో షానో తెలంగాణ ప్రజలకు అవసరం లేదు
ఢిల్లీకి సంచులు మోయడంలో, ఢిల్లీ చుట్టూ చకర్లు కొట్టడంలో ముఖ్యమంత్రి రేవంత్రెడ్డికి పదికి పది మారులు ఇవ్వొచ్చని బీఆర్ఎస్ వరింగ్ ప్రెసిడెంట్ కే తారక రామారావు ఎద్దేవా చేశారు. రాష్ట్ర ప్రజలకు ఇచ్చిన హామీల అమల్లో మాత్రం ఆయనకు ఎలాంటి మారు లు ఇవ్వలేమని అన్నారు.
- 500 ఏండ్లయినా స్వరాష్ట్ర సాధకుడిగా ప్రజల గుండెల్లో కేసీఆర్
- రేవంత్రెడ్డి వన్టైమ్ వండర్.. రాహుల్కు ఏటీఎంలా మారారు
- 2028తో ఆ ఏటీఎం కార్డు గడువు ముగియడం పక్కా: కేటీఆర్
- ఢిల్లీకి సంచులు మోయడంలో, అధిష్ఠానం చుట్టూ చక్కర్లలో రేవంత్కు పదికి పది మార్కులు
- వెయ్యి రోజులైనా 420 హామీల అమలు లేదు
- కేసులు, కమిషన్లతో కాంగ్రెస్ స ర్కార్ కాలక్షేపం
- 4.5 లక్షల కోట్ల అప్పు తీసుకొచ్చి నిర్మించిదేంది?
- కాంగ్రెస్ అవినీతిని సొంత పార్టీ నేతలే చెప్తున్నరు
- ఏబీపీ సదరన్ రైజింగ్ సమ్మిట్లో కేటీఆర్
హైదరాబాద్, నవంబర్ 20 (నమస్తే తెలంగాణ) : ఢిల్లీకి సంచులు మోయడంలో, ఢిల్లీ చుట్టూ చకర్లు కొట్టడంలో ముఖ్యమంత్రి రేవంత్రెడ్డికి పదికి పది మారులు ఇవ్వొచ్చని బీఆర్ఎస్ వరింగ్ ప్రెసిడెంట్ కే తారక రామారావు ఎద్దేవా చేశారు. రాష్ట్ర ప్రజలకు ఇచ్చిన హామీల అమల్లో మాత్రం ఆయనకు ఎలాంటి మారు లు ఇవ్వలేమని అన్నారు. హైదరాబాద్లో శుక్రవారం జరిగిన ఏబీపీ సదరన్ రైజింగ్ సమ్మిట్లో పాల్గొన్న కేటీఆర్.. తెలంగాణ రాజకీయాలు, కాంగ్రెస్ ప్రభుత్వ పాలన,పెట్టుబడులు, ఉద్యోగాలు, అవినీతి తదితర అంశాలపై మాట్లాడారు. 2015లో ఎమ్మెల్యేల కొనుగోలు (లంచం) చేయడానికి ప్రయత్నించిన కేసులో ఫోరెన్సిక్, డాక్యుమెంటరీ ఆధారాలు ఉన్నాయని, ఆ కేసు ఇంకా సుప్రీంకోర్టు పరిధిలో ఉన్నదని కేటీఆర్ గుర్తుచేశారు. అప్పట్లో ఎమ్మెల్యేకు సంచులు తీసుకెళ్లే స్థాయి నుంచి ఇప్పుడు ఢిల్లీ వరకు సంచులు తీసుకెళ్లే స్థాయికి ఎదిగారని విమర్శించారు. రాహుల్గాంధీకి రెండు ఏటీఎం కార్డులు ఉన్నాయని, ఒకటి రేవంత్రెడ్డి, మరొకటి డీకే శివకుమార్ అని వ్యాఖ్యానించారు. ఈ రెండు ఏటీఎం కార్డుల గడువు 2028లో ముగుస్తుందని చెప్పారు.
అడ్డగోలు హామీలతో అధికారంలోకి కాంగ్రెస్
ఎన్నికల సమయంలో 420 హామీలు, 13 డిక్లరేషన్లు, ఆరు గ్యారెంటీల పేరుతో అడ్డగోలుగా హామీలు ఇచ్చిన కాంగ్రెస్.. అధికారంలోకి వచ్చి వెయ్యి రోజులు దాటినా వాటి అమలుపై సమాధానం చెప్పడం లేదని కేటీఆర్ విమర్శించారు. ప్రతిపక్ష నాయకులను తిట్టడం, కొత్త కేసులు పెట్టడం, కొత్త కమిషన్లు వేయడం తప్ప చేసిందేమీ లేదని ధ్వజమెత్తారు. ఆటో డ్రైవర్లను, మహిళలను, ఉద్యోగులను, నిరుద్యోగులను అడిగితే ప్రభుత్వంపై ప్రజల అభిప్రాయం తెలుస్తుందని పేరొన్నారు. తెలంగాణలో కరువు పరిస్థితులు కాంగ్రెస్ ప్రభుత్వ వైఫల్యాల ఫలితమని విమర్శించారు. ఇది ఎల్ నినో ప్రభావం కాదు.. ఎల్ కాంగో ప్రభావం అని వ్యంగ్యంగా వ్యాఖ్యానించారు. ప్రజల సమస్యలను పట్టించుకోవాల్సిన ముఖ్యమంత్రి తన గడ్డం గురించి మాట్లాడటమే పెద్ద సమస్యగా భావిస్తున్నారని ఎద్దేవా చేశారు. రేవంత్రెడ్డి ఎప్పుడైనా కేసీఆర్తో తనను పోల్చుకోవాలనుకుంటే మాటలతో కాకుండా చేతలతో నిరూపించుకోవాలని సూచించారు.
భారత్ సమ్మిట్ పేరుతో నిర్వహించింది వాస్తవానికి కాంగ్రెస్ సమ్మిట్. దేశంలో రాజకీయంగా ఉపాధి లేని నాయకులను ఒకచోట చేర్చి, రాహుల్గాంధీని ప్రమోట్ చేసుకోవడమే ఈ సదస్సు ప్రధాన ఉద్దేశంగా కనిపించింది. అంత ఆసక్తి ఉంటే సొంత నిధులతో సమ్మిట్ పెట్టుకోవాలి. ప్రజాధనం ఖర్చు చేస్తరా. నిరుడు రూ.70 కోట్లు, ఈసారి రూ.100 కోట్లు ఖర్చుచేశారు. ఈ సదస్సు వల్ల రాష్ర్టానికి ఏం లాభమో ప్రభుత్వం చెప్పాలి.
– కేటీఆర్

సర్కార్పై కాంగ్రెస్ ఎమ్మెల్యేలే అవినీతి ఆరోపణలు
రాష్ట్రంలో అవినీతి, కమీషన్ల వ్యవహారాలపై స్వయంగా కాంగ్రెస్ ఎమ్మెల్యేలే ఆరోపణలు చేస్తున్నారని కేటీఆర్ చెప్పారు. ముఖ్యమంత్రి రేవంత్రెడ్డి పాలనలో రూ.5 లక్షల కోట్ల నుంచి రూ.10 లక్షల కోట్ల వరకు దోపిడీ జరిగిందని కాంగ్రెస్ ఎమ్మెల్యే కోమటిరెడ్డి రాజగోపాల్రెడ్డి ఆరోపించారని, ప్రభుత్వంలో ఏ పని జరుగాలన్నా 15 నుంచి 20 శాతం కమీషన్లు ఇవ్వాల్సి వస్తున్నదని మరో ఎమ్మెల్యే అనిరుధ్రెడ్డి మాట్లాడారని గుర్తుచేశారు. కాంగ్రెస్ నేతలే ప్రభుత్వ అవినీతిపై మాట్లాడుతున్నా ముఖ్యమంత్రి సమాధానం చెప్పడం లేదని పేర్కొన్నారు. రాజకీయ ఒత్తిళ్లు, బ్లాక్ మెయిలింగ్, వసూళ్లకు హైడ్రా ఉపయోగపడుతున్నదని విమర్శించారు. పేదల తాతాలిక ఇండ్లు, గుడిసెలను కూల్చివేస్తూ వారి జీవనోపాధిని దెబ్బతీస్తున్నారని మండిపడ్డారు. రాష్ట్రంలో నేరాలు, అవినీతి పెరుగుతున్నాయని, ప్రజల సమస్యల పరిషారంపై ప్రభుత్వం దృష్టి పెట్టడం లేదని విమర్శించారు.
పెట్టుబడుల ఫలితాలు ఎక్కడ?
దావోస్, అమెరికా, జపాన్ పర్యటనల ద్వారా రూ.లక్షల కోట్ల పెట్టుబడులు తీసుకొచ్చామని ప్రభుత్వం ప్రకటిస్తున్నా.. వాటి ఫలితాలు ఎకడా కనిపించడం లేదని కేటీఆర్ ఆరోపించారు. 2026- 27 బడ్జెట్ ప్రసంగంలో హైదరాబాద్ టెక్నాలజీ రంగంలో ఉద్యోగాల సంఖ్య తగ్గినట్టు ప్రభుత్వం స్వయంగా పేరొన్నదని గుర్తుచేశారు. 2023లో 9.46 లక్షలుగా ఉన్న ఉద్యోగాలు 2026-27 నాటికి 9.39 లక్షలకు తగ్గాయని, అంటే సుమారు ఏడు వేల ఉద్యోగాలు తగ్గిపోయాయని వివరించారు. లక్షల కోట్ల పెట్టుబడులు తీసుకొచ్చామని చెప్తున్న కాంగ్రెస్ సర్కారు.. వాస్తవంగా ఎంత పెట్టుబడి వచ్చింది? ఎకడ పరిశ్రమలు ప్రారంభమయ్యాయి? ఎన్ని ఉద్యోగాలు కల్పించారు? అనే వివరాలతో శ్వేతపత్రం విడుదల చేయాలని డిమాండ్ చేశారు.
రేవంత్రెడ్డి ఒక వన్టైమ్ వండర్ లీడర్. రాహుల్గాంధీకి రేవంత్రెడ్డి ఏటీఎంగా మారారు. 2028 డిసెంబర్ నాటికి ఆ ఏటీఎం గడువు ముగుస్తుంది. 2028లో బీఆర్ఎస్ తిరిగి అధికారంలోకి వస్తుంది. తెలంగాణకు కేసీఆరే బాద్షా. ప్రజల గుండెల్లో కేసీఆర్ శాశ్వతంగా ఉంటరు.
– కేటీఆర్
రూ.4.5 లక్షల కోట్ల అప్పుతో ఏం నిర్మించారు?
బీఆర్ఎస్ పదేండ్ల పాలనలో చేసిన అప్పులు రూ.4.70 లక్షల కోట్లు మాత్రమేనని కేటీఆర్ పేరొన్నారు. ఆ నిధులతోనే రైతుబంధు పథకానికి సుమారు రూ.73 వేల కోట్లు ఖర్చు చేశామని, రూ.90 వేల కోట్లతో కాళేశ్వరం ప్రాజెక్టు నిర్మించామని వివరించారు. సుమారు 32 జిల్లాల్లో ఆధునిక కలెక్టరేట్ భవనాలు నిర్మించామని, హైదరాబాద్ లో దాదాపు 42 ఫె్లైఓవర్లు నిర్మించామని తెలిపారు. గత పదేళ్లలో అప్పులు చేసి కూడా రాష్ట్రానికి అనేక అభివృద్ధి కార్యక్రమాలు అందించామని చెప్పారు. మరోవైపు రేవంత్రెడ్డి ప్రభుత్వం మూడేళ్లలోనే రూ.4.5 లక్షల కోట్ల అప్పులు చేసిందని కేటీఆర్ ఆరోపించారు. ఆ డబ్బుతో ఏ కొత్త పథకాలు తీసుకొచ్చారు? ఏ మౌలిక సదుపాయాల ప్రాజెక్టులు నిర్మించారు? అని నిలదీశారు. గత మూడేండ్ల్లలో కాంగ్రెస్ ప్రభుత్వం ప్రారంభించిన ఒక కొత్త పథకాన్ని, నిర్మించిన ఒక ప్రధాన ప్రాజెక్టును చూపించాలని సవాల్ విసిరారు. బీఆర్ఎస్ పాలనలో చేసిన అప్పులతో అభివృద్ధి కార్యక్రమాలు చేపడితే, కాంగ్రెస్ ప్రభుత్వం చేసిన అప్పులకు ప్రజలకు కనిపించే ఫలితాలు ఏమిటని ప్రశ్నించారు.
మోదీ రూ.15 లక్షలు వేశారా?
ప్రతి పేదవాడి ఖాతాలో రూ.15 లక్షలు వేస్తామని, రెండు కోట్ల మంది యువతకు ఉద్యోగాలు కల్పిస్తామని హామీ ఇచ్చిన ప్రధాని నరేంద్ర మోదీ.. దేశంలో ఒక్క పేదవాడి ఖాతాలో అయినా డబ్బులు వేశారా? అని కేటీఆర్ ప్రశ్నించారు. రేవంత్రెడ్డి రైతులకు రూ.15 వేల ఆర్థిక సాయం, అధికారంలోకి వచ్చిన మొదటి ఏడాదిలోనే రెండు లక్షల ఉద్యోగాలు కల్పిస్తామని హామీ ఇచ్చారని గుర్తుచేశారు. హామీల అమలులో ఇద్దరూ ఒకే తీరుగా వ్యవహరిస్తున్నారని విమర్శించారు. రేవంత్రెడ్డి తెలంగాణను రైజింగ్ చేయడం లేదని, పూర్తిగా మెస్ చేస్తున్నారని విమర్శించారు. తెలంగాణ ఉద్యమం, రాష్ట్ర సాధన, పదేండ్ల అభివృద్ధిలో కేసీఆర్ పాత్రను ప్రజలు మరచిపోలేరని పేరొన్నారు. కేసీఆర్తో పోల్చుకోవాలంటే మాటలతో కాకుండా అభివృద్ధి, సంక్షేమ కార్యక్రమాల ద్వారా నిరూపించుకోవాలని సూచించారు. తెలంగాణ ప్రజల గుండెల్లో కేసీఆర్ చిరస్థాయిగా ఉంటారని, తెలంగాణకు బాద్షా కేసీఆర్ అని పునరుద్ఘాటించారు. 2028లో బీఆర్ఎస్ తిరిగి అధికారంలోకి వస్తుందని ధీమా వ్యక్తం చేశారు.
Read Today's Latest Telangana News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

