చద్మల్‌ తండాలో నకిలీ నోట్ల కలకలం

కామారెడ్డి జిల్లా గాంధారి మండలంలోని చద్మల్‌ తండాలో ఐదు వందల రూపాయల నకిలీ నోట్లు వెలుగు చూసిన ఘటన ఆలస్యంగా వెలుగు చూసింది. చద్మల్‌ తండాలో ప్రతి సంవత్సరం సంక్రాంతి పండుగ రోజున లక్ష్మమ్మ ఆలయ వార్షికోత్సవాన్ని నిర్వహిస్తారు. ఈ సందర్భంగా ఆలయ అభివృద్ధి కోసం ఆలయ కమిటీ ఆధ్వర్యంలో విరాళాలు సేకరిస్తారు. ఉత్సవాల సందర్భంగా భక్తులు సమర్పించిన కానుకలు, డబ్బులను తండాలో అవసరం ఉన్న వారికి వడ్డీకి ఇస్తారు.

• జాతరలో చెలామణి చేసినట్లు అనుమానాలు

గాంధారి, జనవరి 19: కామారెడ్డి జిల్లా గాంధారి మండలంలోని చద్మల్‌ తండాలో ఐదు వందల రూపాయల నకిలీ నోట్లు వెలుగు చూసిన ఘటన ఆలస్యంగా వెలుగు చూసింది. చద్మల్‌ తండాలో ప్రతి సంవత్సరం సంక్రాంతి పండుగ రోజున లక్ష్మమ్మ ఆలయ వార్షికోత్సవాన్ని నిర్వహిస్తారు. ఈ సందర్భంగా ఆలయ అభివృద్ధి కోసం ఆలయ కమిటీ ఆధ్వర్యంలో విరాళాలు సేకరిస్తారు. ఉత్సవాల సందర్భంగా భక్తులు సమర్పించిన కానుకలు, డబ్బులను తండాలో అవసరం ఉన్న వారికి వడ్డీకి ఇస్తారు. ఆలయానికి సంబంధించిన డబ్బులు సుమారు కోటి రూపాయల వరకు ఉన్నట్లు తెలిసింది.

ఈ బాధ్యతను ఆలయ కమిటీలోని ఓ వ్యక్తి చూసుకుంటాడు. వడ్డీ డబ్బులను జాతర సమయంలో వసూలు చేసి, జాతర ముగిసిన అనంతరం తిరిగి వడ్డీకి ఇస్తారు. గతంలో డబ్బులు తీసుకున్న వారు ఈ ఏడాది జాతరకు ఇచ్చినట్లు తెలిసింది. ఈసారి లక్ష్మమ్మ ఆలయ వార్షికోత్సవం ముగిసిన అనంతరం డబ్బులను కొందరు తీసుకోగా.. అందులో నకిలీ నోట్లు వచ్చాయని తెలిసింది. ప్రతి యాభై వేల రూపాయల నోట్ల కట్టలో మూడు, నాలుగు నకిలీ నోట్లు ఉన్నట్లు సమాచారం. ఈ విషయమై పలువురు బాధితులు స్థానిక పోలీసులకు ఫిర్యాదు చేసినట్లు తెలిసింది. పోలీసులు తండాకు చెందిన పలువురిని అదుపులోకి తీసుకొని విచారిస్తున్నట్లు సమాచారం.