ప్రేమ వేధింపులకు యువతి బలి ?

సూర్యాపేట జిల్లాలో విషాదకర ఘటన చోటుచేసుకుంది. ఆత్మకూర్.ఎస్‌ మండలం ఏపూరు గ్రామం బోడ తండాకు చెందిన బోడ ప్రణీత (17) అనే యువతి విద్యుత్ ట్రాన్స్‌ఫార్మర్ వద్ద మృతి చెందింది. మాన్య తండాకు చెందిన నరేశ్‌ అనే యువకుడి వేధింపులు..

– సూర్యాపేట జిల్లా ఆత్మ‌కూర్‌.ఎస్ మండ‌లం బోడ‌తండాలో ఘ‌ట‌న‌

ఆత్మ‌కూర్‌.ఎస్‌, అక్టోబ‌ర్ 23 : సూర్యాపేట జిల్లాలో విషాదకర ఘటన చోటుచేసుకుంది. ఆత్మకూర్.ఎస్‌ మండలం ఏపూరు గ్రామం బోడ తండాకు చెందిన బోడ ప్రణీత (17) అనే యువతి విద్యుత్ ట్రాన్స్‌ఫార్మర్ వద్ద మృతి చెందింది. మాన్య తండాకు చెందిన నరేశ్‌ అనే యువకుడి వేధింపులు భరించలేకనే తమ కుమార్తె చనిపోయింద‌ని యువతి తల్లిదండ్రులు ఆరోపిస్తున్నారు. తమ కుమార్తెను నరేశ్‌ అనే వ్యక్తి వేధింపులకు గురిచేసి ట్రాన్స్‌ఫార్మర్ పైకి నెట్టి చంపాడని తల్లిదండ్రులు ఆరోపించడం కలకలం రేపుతోంది. యువ‌తి హైద‌రాబాద్‌లో ఇంట‌ర్మీడియ‌ట్ ద్వితీయ సంవ‌త్స‌రం చ‌దువుతోంది. ద‌స‌రా సెల‌వుల్లో ఇంటికి వ‌చ్చి ఇలా అనుమానాస్ప‌దరీతిలో మృతిచెందింది. ఈ ఘటనకు సంబంధించి అసలు ఏం జరిగింది? యువతి మృతికి వేధింపులే కారణమా? లేక మరేదైనా కారణమా? అనే విషయాలు పోలీసుల దర్యాప్తులో తేలాల్సి ఉంది.