Watch: దసరా నాడు కొత్త కారు కొనుగోలు చేసిన వ్యక్తి.. తర్వాత ఏం జరిగిందంటే?

man drives new car | దసరా పండుగ సందర్భంగా ఒక వ్యక్తి కొత్త కారును కొనుగోలు చేశాడు. ఎంతో ఆనందంతో షోరూమ్‌ నుంచి ఇంటికి తీసుకెళ్లేందుకు ప్రయత్నించాడు. అయితే ఆ వ్యక్తి నడిపిన ఆ కొత్త వాహనం అదుపుతప్పింది. షోరూమ్‌ నుంచి రోడ్డుపైకి దూసుకెళ్లింది.

బెంగళూరు: దసరా పండుగ సందర్భంగా ఒక వ్యక్తి కొత్త కారును కొనుగోలు చేశాడు. ఎంతో ఆనందంతో షోరూమ్‌ నుంచి ఇంటికి తీసుకెళ్లేందుకు ప్రయత్నించాడు. అయితే ఆ వ్యక్తి నడిపిన ఆ కొత్త వాహనం అదుపుతప్పింది. షోరూమ్‌ నుంచి రోడ్డుపైకి దూసుకెళ్లింది. బైక్‌పై వెళ్తున్న ఇద్దరు వ్యక్తులను ఢీకొట్టింది. ఈ వీడియో క్లిప్‌ సోషల్‌ మీడియాలో వైరల్‌ అయ్యింది. (man drives new car) కర్ణాటకలోని శివమొగ్గ జిల్లాలో ఈ సంఘటన జరిగింది. సాగర్‌ టౌన్‌కు చెందిన ఒక వ్యక్తి కొత్త వాహనాన్ని కొనుగోలు చేశాడు. మంగళవారం దసరా పండుగ సందర్భంగా షోరూమ్‌ నుంచి దానిని డెలివరీ తీసుకున్నాడు. ఆ వ్యక్తి ఎంతో సంతోషంతో కొత్త కారు నడిపి తన ఇంటికి తీసుకెళ్లేందుకు ప్రయత్నించాడు.

కాగా, ఆ వ్యక్తి నడిపిన ఆ కొత్త వాహనం అదుపుతప్పింది. షోరూమ్‌కు ఎదురుగా ఉన్న రైలింగ్‌ను ఢీకొట్టింది. రోడ్డుపైకి వేగంగా దూసుకెళ్లింది. బైక్‌పై వెళ్తున్న ఇద్దరు వ్యక్తులను ఆ వాహనం ఢీకొట్టింది. ఈ ప్రమాదంలో ఆ ఇద్దరు వ్యక్తులు తీవ్రంగా గాయపడ్డారు. వారిని ఆసుపత్రికి తరలించి చికిత్స అందిస్తున్నారు.

ఈ సమాచారం తెలుసుకున్న పోలీసులు ఆ వ్యక్తిపై కేసు నమోదు చేసి దర్యాప్తు చేస్తున్నారు. ఆ షోరూమ్‌ ప్రాంతంలోని సీసీటీవీలో రికార్డైన ఈ షాకింగ్‌ వీడియో క్లిప్‌ సోషల్‌ మీడియాలో వైరల్‌ అయ్యింది.

🚨 A newly delivered car on Dasara lost control near a Maruti showroom in Sagar and hit a bike. The rider and pillion rider were seriously injured and hospitalised. CCTV captured the incident; Sagar Town Police have registered a case and started an investigation.
#Shivamogga #Karnataka

— Pulse of the People (@CitizenPulseX) October 20, 2026