Virat Kohli: దివ్యాంగుడిని ప‌ట్టించుకోని కోహ్లీ, అనుష్కా.. వీడియో

Virat Kohli: విరుష్కా జంట ప్ర‌వ‌ర్త‌న‌పై తీవ్ర విమ‌ర్శ‌లు వ‌స్తున్నాయి. ముంబై విమానాశ్ర‌యంలో ఓ దివ్యాంగుడిని ఆ జంట ప‌ట్టించుకోలేదు. ఫోటో దిగేందుకు ఆ కుర్రాడు ప్ర‌య‌త్నించ‌గా, ఆ స్టార్ క‌పుల్ అత‌న్ని విస్మ‌రించింది. ఆ ఘ‌ట‌న‌కు చెందిన వీడియో వైర‌ల్ అవుతున్న‌ది.

ముంబై: విరాట్ కోహ్లీ(Virat Kohli), అనుష్కా శ‌ర్మ దంప‌తుల‌పై ఆన్‌లైన్‌లో విమ‌ర్శ‌లు గుప్పుమంటున్నాయి. ముంబై విమానావ్ర‌యంలో ఓ దివ్యాంగుడిని ప‌ట్టించుకోని వీడియో వైర‌ల్ కావ‌డంతో ఆ స్టార్ క‌పుల్ వైఖ‌రిని అంద‌రూ త‌ప్పుప‌డుతున్నారు. ఆ జంట చాలా మొర‌టుగా, ఏ మాత్రం ద‌య‌లేని రీతిలో ప్ర‌వ‌ర్తించిన‌ట్లు ఆరోప‌ణ‌లు వ‌స్తున్నాయి. వివ‌రాల్లోకి వెళ్తే.

వృందావ‌న్‌లోని ప్రేమానంద మ‌హారాజ్ ఆశ్ర‌మ‌యాన్ని సంద‌ర్శించిన త‌ర్వాత కోహ్లీ జంట ముంబై చేరుకున్న‌ది. ఎయిర్‌పోర్ట్ ట‌ర్మిన‌ల్ నుంచి బ‌య‌ట‌కు వ‌స్తున్న స‌మ‌యంలో.. ఓ దివ్యాంగ అభిమాని త‌న వ‌ద్ద మొబైల్‌తో ఆ జంట‌ను ఆశ్ర‌యించాడు. స్టార్ క‌పుల్‌తో ఫోటో దిగేందుకు ఆ యువ‌కుడు ప్ర‌య‌త్నించాడు. కానీ విరుష్కా జంట ఆ దివ్యాంగుడిని ప‌ట్టించుకోలేదు. అత‌న్ని ప‌క్క‌కు నెట్టివేస్తూ కోహ్లీ వెళ్లి కారులో కూర్చున్నాడు. ఆ వెనుక అనుష్కా శ‌ర్మ కూడా అలాగే చేసింది. అక్క‌డ‌కు చేరుకున్న సెక్యూర్టీ సిబ్బంది.. ఆ దివ్యాంగ కుర్రాడిని ప‌క్క‌కు జ‌రిపింది.

ఈ ఘ‌ట‌న‌కు చెందిన ఓ వీడియో క్లిప్ ప్ర‌స్తుతం ఆన్‌లైన్‌లో వైర‌ల్ అవుతున్న‌ది. ఆ టాప్ జంట‌పై నెటిజ‌న్లు తీవ్ర విమ‌ర్శ‌లు చేస్తున్నారు. ఫోటోకు వచ్చిన ఓ దివ్యాంగుడిని విస్మ‌రించ‌డం స‌రికాదు అని కొంద‌ర‌న్నారు. ప్రేమానంద్ మ‌హారాజ్‌ను క‌లిసిన త‌ర్వాత కూడా ఇంత అహంకారం ప్ర‌ద‌ర్శించ‌డం ఎంత వ‌ర‌కు స‌మంజ‌సం అని ఓ అభిమాని కామెంట్ చేశారు. దివ్యాంగుడిని నెట్టివేయ‌డం బాధ‌క‌ర‌మ‌ని మ‌రో వ్య‌క్తి అన్నారు. కోహ్లీ ప‌ట్ల త‌న‌కు ఉన్న గౌర‌వం పోయిన‌ట్లు మ‌రో వ్య‌క్తి చెప్పాడు. ఇంత అహంకారం మెస్సీకి కూడా లేద‌ని మ‌రో వ్య‌క్తి కామెంట్ చేశాడు.

 

View this post on Instagram

 

A post shared by Voompla (@voompla)