అమెరికా అసోసియేట్ అటార్నీ జనరల్‌గా వనితా గుప్తా

వనితా గుప్తా |

వాషింగ్టన్‌ : అమెరికా అసోసియేట్‌ అటార్నీ జనరల్‌గా వనితా గుప్తా నియామకమయ్యారు. ఈ పదవి చేపట్టనున్న శ్వేతజాతియేతర, తొలి భారత సంతతి మహిళగా నిలిచారు. అసోసియేట్‌ అటార్నీ జనరల్‌గా వనితా గుప్తా నియామకాన్ని ధ్రువీకరించేందుకు యూఎస్‌ సెనేట్‌లో ఓటింగ్‌ నిర్వహించగా 51 ఓట్లు సాధించారు. వంద మంది సభ్యులున్న సెనేట్‌లో రిపబ్లికన్‌, డెమొక్రాట్‌ పార్టీలకు చెరో 50 మంది సభ్యులున్నారు. టై అయితే ఓటు వేసేందుకు అమెరికా ఉపాధ్యక్షురాలు కమలా హారిస్‌ సైతం ఓటింగ్‌కు హాజరయ్యారు. న్యాయవిభాగ నామినీగా వనితను అధ్యక్షుడు బైడెన్‌ వనితను ఎంపిక చేశారు.

ఈ మేరకు సెనెట్‌లో ఓటింగ్‌ జరగ్గా.. రిపబ్లికన్ నేత, సెనెటర్ లీసా మర్కోస్కీ మద్దతు పలకగా 51-49 స్వల్ప ఆధిక్యంతో వనిత విజయం సాధించారు. అసోసియేట్‌ అటార్నీ జనరల్‌గా వనితా గుప్తా విజయం సాధించినందుకు అమెరికా అధ్యక్షుడు జో బైడెన్‌ అభినందనలు తెలిపారు. వనిత మొదట ఎన్‍ఏఏసీపీ లీగల్‍ డిఫెన్స్ ఫండ్‍లో తన వృత్తి జీవితాన్ని ప్రారంభించారు. ఆ తరువాత అమెరికన్‍ సివిల్‍ లిబర్టీస్‍ యూనియన్‍లో విధులు నిర్వర్తించారు. అనంతరం ఒరాక్‍ ఒబామా అధ్యక్షుడిగా ఉన్న సమయంలో న్యాయ శాఖలోని పౌర హక్కుల విభాగానికి నాయకత్వం వహించారు.

ఇవి కూడా చదవండి..

ఇండియాలో స్పుత్నిక్ వి వ్యాక్సిన్ ధ‌ర రూ.750!

ఆంజనేయుడు ఆంధ్రుడే

దంచికొట్టిన ఎండ‌లు.. అత్యంత వేడి సంవ‌త్స‌రం 2020

రాజ‌న్న ఆల‌యంలో అంగ‌రంగ వైభ‌వంగా రాములోరి క‌ల్యాణం

రాబోయే నాలుగు రోజుల్లో తెలంగాణలో వానలు

వాతావరణ సంక్షోభంపై నేడు వర్చువల్‌ సమ్మిట్‌.. ప్రసంగించనున్న మోదీ

బెంగాల్‌లో ఆరో విడుత పోలింగ్‌ షురూ..

నేడు భారత్‌కు మరో నాలుగు రాఫెల్‌ యుద్ధ విమానాలు