మూడు నెలల్లో మూడో ముప్పు!

Third wave likely | ఒక్క రోజులోనే యూకేలో లక్షకుపైగా, అమెరికాలో 4లక్షలకు పైగా ఒమిక్రాన్‌ కేసులు నమోదయ్యాయి. భారత్‌లోనూ గడిచిన రెండు వారాల్లో కేసుల సంఖ్య పెరిగింది. ఒకవేళ యూకే తరహాలో మన దేశంలోనూ ఒమిక్రాన్‌ వ్యాప్తి చెందితే రోజుకు 14 లక్షల కేసులు నమోదు కావొచ్చని

• ప్రతి ముగ్గురిలో ఇద్దరు ఇదే నమ్ముతున్నారు
• దేశవ్యాప్తంగా లోకల్‌ సర్కిల్స్‌ తాజా సర్వే

హైదరాబాద్‌, జనవరి 1: ఒక్క రోజులోనే యూకేలో లక్షకుపైగా, అమెరికాలో 4లక్షలకు పైగా ఒమిక్రాన్‌ కేసులు నమోదయ్యాయి. భారత్‌లోనూ గడిచిన రెండు వారాల్లో కేసుల సంఖ్య పెరిగింది. ఒకవేళ యూకే తరహాలో మన దేశంలోనూ ఒమిక్రాన్‌ వ్యాప్తి చెందితే రోజుకు 14 లక్షల కేసులు నమోదు కావొచ్చని ఇటీవల నీతిఆయోగ్‌ హెచ్చరించింది. ఇలాంటి పరిస్థితుల్లో రానున్న మూడు నెలల్లోపు కొవిడ్‌ మూడోవేవ్‌ వస్తుందని ప్రతి ముగ్గురిలో ఇద్దరు భారతీయులు విశ్వసిస్తున్నారు. దేశవ్యాప్తంగా ఈ అంశంపై సర్వే చేసిన లోకల్‌ సర్కిల్స్‌ సంస్థ వివరాలను వెల్లడించింది. ఇదే సమయంలో గ్రామీణ ప్రాంతాల్లో ప్రైమరీ, కమ్యూనిటీ హెల్త్‌ సెంటర్లు ఏర్పాటు చేయాలని 87 శాతం మంది, పంచాయతీ కార్యాలయాలను ఐసొలేషన్‌ సెంటర్లుగా మార్చాలని 79 శాతం మంది, ఒమిక్రాన్‌ పిల్లలపై ప్రభావం చూపే ప్రమాదం ఉన్నందున పిల్లల ఆరోగ్య సంరక్షణ చర్యలకు నిధులు విడుదల చేయాలని 81 శాతం మంది అభిప్రాయపడ్డారు.

సర్వేలో అడిగిన ప్రశ్నలు, వాటి సమాధానాలు ఇలా..

• ఇతర దేశాల్లో ఒమిక్రాన్‌ వేగంగా వ్యాపిస్తున్నది. ఇలాంటి పరిస్థితుల్లో రానున్న మూడు నెలల్లో దేశంలో థర్డ్‌ వేవ్‌ వస్తుందనుకొంటున్నారా?
• వచ్చే అవకాశం చాలా ఎక్కువ 28 శాతం
• వచ్చే అవకాశం ఎక్కువ 43 శాతం
• వచ్చే అవకాశం తక్కువ 17 శాతం
• అవకాశం చాలా తక్కువ 5 శాతం
• అస్సలు రాకపోవచ్చు 4 శాతం
• చెప్పలేం 3 శాతం

• 2018-19 గణాంకాల ప్రకారం దేశంలో గ్రామీణ ప్రాంతాల్లో ఆరోగ్య సంరక్షణలో కీలకపాత్ర పోషించే ప్రైమరీ, కమ్యూనిటీ హెల్త్‌ సెంటర్లు సరిపడా లేవు. ఇలాంటి పరిస్థితుల్లో మూడో వేవ్‌ను ఎదుర్కొనేందుకు ప్రభుత్వం ఎలా సన్నద్ధం కావాలనుకుంటున్నారు?
• ప్రాధాన్యత ఆధారంగా కొత్తవి నిర్మించాలి: 42 శాతం
• ఇప్పటికే ఆలస్యం అయ్యింది. ప్రస్తుతానికి తాత్కాలిక సెంటర్లు ఏర్పాటు చేసి డాక్టర్లు, సర్సులను అందుబాటులో ఉంచాలి: 45 శాతం
• పాజిటివ్‌ వచ్చిన వారిని హెల్త్‌ సెంటర్లు ఉన్న దగ్గరికే షిప్ట్‌ చేయడం మంచిది : 10శాతం
• ఏం చెప్పలేం : 3శాతం
• పంచాయతీ కార్యాలయాలను ఐసోలేషన్‌ సెంటర్లుగా మార్చాలని కేంద్ర ప్రభుత్వం నిర్ణయించింది. దీన్ని మీరు అంగీకరిస్తారా..
• అంగీకరిస్తాం : 79 శాతం
• అలా చేయొద్దు : 9 శాతం
• చెప్పలేం: 12 శాతం

• పిల్లలు ఒమిక్రాన్‌ బారిన పడే అవకాశం ఉందనే అభిప్రాయాలు వ్యక్తం అవుతున్నాయి. ఈ పరిస్థితుల్లో కేంద్ర, రాష్ట్ర ప్రభుత్వాలు పిల్లల ఆరోగ్య సంరక్షణ, ఆరోగ్య సిబ్బంది నియామకానికి నిధులు మంజూరు చేయాలా?
• అత్యవసరంగా నిధులు ఇవ్వాలి: 59 శాతం
• అవును కొంత మేరకు అత్యవసరమే: 23 శాతం
• ఇప్పుడే దీని గురించి ఆలోచించాల్సిన అవసరం లేదు, తరువాత చూడొచ్చు: 11 శాతం
• అసలు దీని గురించి ఆలోచించాల్సిన అవసరమే లేదు: 4 శాతం
• చెప్పలేం: 3 శాతం