చంప‌త్‌రాయ్‌ను తొల‌గించాల్సిందే : స్వామి స్వ‌రూపానంద స‌ర‌స్వ‌తి

అయోధ్య శ్రీ‌రామ జ‌న్మ‌భూమి ట్ర‌స్ట్ ప్ర‌ధాన కార్య‌ద‌ర్శి ప‌ద‌వి నుంచి చంప‌త్‌రాయ్‌ను తొల‌గించాల‌ని శంక‌రాచార్య స్వ‌రూపానంద స‌ర‌స్వ‌తి ప్ర‌ధాని మోదీని డిమాండ్ చేశారు. ఆయ‌న‌ను తొల‌గించ‌డం ద్వారా ట్ర‌స్ట్‌ను అవినీతిర‌హితంగా త‌యారుచేయ‌వ‌చ్చ‌ని సూచించారు

June 16, 2021 / 05:39 PM IST

చంప‌త్‌రాయ్‌ను తొల‌గించాల్సిందే : స్వామి స్వ‌రూపానంద స‌ర‌స్వ‌తి

చింద్వారా : అయోధ్య శ్రీ‌రామ జ‌న్మ‌భూమి ట్ర‌స్ట్ ప్ర‌ధాన కార్య‌ద‌ర్శి ప‌ద‌వి నుంచి చంప‌త్‌రాయ్‌ను తొల‌గించాల‌ని శంక‌రాచార్య స్వ‌రూపానంద స‌ర‌స్వ‌తి ప్ర‌ధాని మోదీని డిమాండ్ చేశారు. ఆయ‌న‌ను తొల‌గించ‌డం ద్వారా ట్ర‌స్ట్‌ను అవినీతిర‌హితంగా త‌యారుచేయ‌వ‌చ్చ‌ని సూచించారు. శ్రీ రామ జ‌న్మ‌భూమి మందిర్ నిర్మాణ్‌ ట్రస్ట్‌పై భూ కుంభకోణం ఆరోపణలు వచ్చిన నేప‌థ్యంలో శంకరాచార్య స్వామి స్వరూపానంద సరస్వతి ప్రకటన ప్రాధాన్య‌త సంత‌రించుకున్న‌ది. నర్సింగ్‌పూర్ జిల్లాలోని జ్యేతేశ్వర్ వద్ద పరమహంసి గంగా ఆశ్రమంలో ద్విపీఠాధీశ్వర్ జగత్‌గురు మీడియాతో మాట్లాడారు. అయోధ్యలో ఆలయ నిర్మాణంలో నిమగ్నమైన ట్రస్ట్ పేరుతో ఆర్‌ఎస్‌ఎస్, బీజేపీలను లక్ష్యంగా చేసుకుని మాట్లాడారు.

ప్రభుత్వం అయోధ్య‌లో ఆల‌య నిర్మాణం కోసం ట్రస్ట్‌ ఏర్పాటు చేసిందని, అయితే ఇందులో అవినీతిపరులను చేర్చింద‌ని శంకరాచార్య విమ‌ర్శించారు. ట్ర‌స్ట్ ప్ర‌ధాన కార్య‌ద‌ర్శిగా ఉన్న చంపత్ రాయ్ ఎవరు? ఇది వ‌ర‌కు ఎవరికీ తెలియదు, కాని అతడిని తీసుకొచ్చి రామ్ మందిర్ ట్రస్ట్‌లో చేర్చి ఆధిప‌త్యం చ‌లాయించేలా చేశార‌ని దుయ్య‌బ‌ట్టారు. మోడీ ప్రభుత్వం అని నేరుగా చెప్ప‌కుండా.. పార్లమెంటులో వారి సంఖ్య 2 ఉన్నప్పుడు ఆవు వధ నిషేధంపై సుదీర్ఘ పోరాటం జరిగిందని, పార్లమెంటులో వారి సంఖ్య 200 దాటినప్పుడు వారు ఆవు వధ అనే నినాదాన్ని మరచిపోయారని శంకరాచార్యులు ఆరోపించారు. ఆల‌యం పునాదిరాయి పూజ కార్య‌క్ర‌మాలు చేప‌ట్టే స‌మ‌యంలో కూడా శుభ స‌మ‌యాన్నివిస్మ‌రించార‌ని, చాలా దుర‌దృష్ట‌క‌ర‌మ‌ని స్వ‌రూపానంద స‌ర‌స్వ‌తి చెప్పారు. ఆనాడు నిర‌స‌న వ్య‌క్తం చేసిన‌ప్ప‌టికీ ఎవ‌రూ పెద్ద‌గా ప‌ట్టించుకోలేదు. పూజాకార్య‌క్ర‌మాల తేదీని మార్చ‌లేదు.