Kodangal | కొడంగల్‌లో కేజీబీవీ భవనంపై నుంచి పడి విద్యార్థినికి తీవ్ర గాయాలు.. సమాచారాన్ని గోప్యంగా ఉంచిన అధికారులు

Kodangal | సీఎం రేవంత్‌ రెడ్డి సొంత నియోజకవర్గం కొడంగల్‌లో కేజీబీవీ భవనంపై నుంచి పడి విద్యార్థినికి తీవ్ర గాయాలయ్యాయి.

మహబూబ్‌నగర్‌ : సీఎం రేవంత్‌ రెడ్డి ( CM Revanth Reddy ) సొంత నియోజకవర్గం కొడంగల్‌లో కేజీబీవీ ( KGBV ) భవనంపై నుంచి పడి విద్యార్థినికి తీవ్ర గాయాలయ్యాయి. కోస్గి మండలం తోగపూర్ గ్రామానికి చెందిన గాయత్రి ( Gayatri ) స్థానిక కేజీబీవీ కళాశాలలో ఇంటర్ సెకండ్‌ ఇయర్ చదువుతుంది.

శుక్రవారం సాయంత్రం ఆమె భవనంపై నుంచి పడి కాలు విరిగిపోవడం తో పాటు ఆమెకు తీవ్రంగా గాయాలు అయ్యాయి. వెంటనే ఆమెను స్థానిక ఆసుపత్రిలో ప్రథమ చికిత్స అనంతరం మెరుగైన వైద్యం కోసం హైదరాబాద్‌ నిమ్స్‌ ఆసుపత్రికి తరలించారు. కాగా సంబంధిత అధికారులు ఈ విషయాన్ని గోప్యంగా ఉంచడం పట్ల పలు అనుమానాలు వ్యక్త మవుతున్నాయి. మేడపై ఆరెసుకున్న బట్టలు తీసుకోవడానికి వెళ్లి ఎండ తీవ్రతకు కళ్లు తిరిగి పడినట్లు ఉపాధ్యాయులు, విద్యార్థులు తెలిపారు. ప్రస్తుతం విద్యార్థి పరిస్థితి విషమంగానే ఉన్నట్లు సమాచారం.