Pony Verma | రాజకీయల వల్లే ప్రకాశ్రాజ్ని సినిమాల నుంచి తొలగించారు: పోని వర్మ
Prakash Raj | ప్రముఖ నటుడు ప్రకాశ్రాజ్ తన రాజకీయ, సామాజిక అభిప్రాయాలను నిర్భయంగా వ్యక్తపరచడం వల్ల తన సినీ కెరీర్పై తీవ్రమైన ప్రతికూల ప్రభావం పడిందని ఆయన భార్య, ప్రముఖ కొరియోగ్రాఫర్ పోనీ వర్మ తాజాగా వెల్లడించారు.
Prakash Raj | ప్రముఖ నటుడు ప్రకాశ్రాజ్ తన రాజకీయ, సామాజిక అభిప్రాయాలను నిర్భయంగా వ్యక్తపరచడం వల్ల తన సినీ కెరీర్పై తీవ్రమైన ప్రతికూల ప్రభావం పడిందని ఆయన భార్య, ప్రముఖ కొరియోగ్రాఫర్ పోనీ వర్మ తాజాగా వెల్లడించారు. దేశంలో జరిగే పలు సామాజిక పరిణామాలు, ప్రభుత్వ విధానాలపై ప్రకాశ్రాజ్ ఎప్పుడూ ముందుండి ప్రశ్నలు సంధిస్తుంటారు. ముఖ్యంగా సోషల్ మీడియా వేదికగా ‘జస్ట్ ఆస్కింగ్’ అనే హ్యాష్ట్యాగ్తో ఆయన చేసే పోస్టులు నిత్యం చర్చనీయాంశం అవుతుంటాయి. అయితే ఈ విధంగా తన మనసులోని మాటను కుండబద్దలు కొట్టినట్లు చెప్పడం వల్లే ఆయన ఎన్నో అవకాశాలను కోల్పోవాల్సి వచ్చిందని పోనీ వర్మ పేర్కొన్నారు.
ఓ యూట్యూబ్ ఛానల్కు ఇచ్చిన ఇంటర్వ్యూలో పోనీ వర్మ ఈ విషయాలను పంచుకున్నారు. మొదట్లో ప్రకాశ్రాజ్ రాజకీయాలపై మాట్లాడే విధానం తనను ఎంతో భయపెట్టేదని ఆమె గుర్తుచేసుకున్నారు. ముఖ్యంగా జర్నలిస్ట్ గౌరీ లంకేశ్ హత్య ఘటన ప్రకాశ్రాజ్ను మానసికంగా తీవ్రంగా కలచివేసిందని తెలిపారు. ఆ సంఘటన తర్వాతే ఆయనలో ఆలోచనా విధానం పూర్తిగా మారిపోయిందని, ఇలా భయపడుతూ బతకడం ఎందుకు? అని ఆయన ప్రశ్నించుకున్నారని చెప్పారు. ఆ క్షణం నుంచే సామాజిక మాధ్యమాల ద్వారా సమాజంలో జరుగుతున్న తప్పులను ప్రశ్నించడం మొదలుపెట్టారని ఆమె వివరించారు.
అయితే ఈ సామాజిక స్పృహ ఆయన సినీ కెరీర్కు మాత్రం భారీ మూల్యాన్నే తెచ్చిపెట్టిందని పోనీ వర్మ ఆవేదన వ్యక్తం చేశారు. ఆయన బహిరంగంగా గళం విప్పడం వల్ల పలు సినిమా అవకాశాలు, బ్రాండ్ ఎండార్స్మెంట్లు, ప్రకటనల ప్రాజెక్టులు చేజారిపోయాయని చెప్పారు. కొందరు దర్శక-నిర్మాతలు ఆయనకు ఇప్పటికే అడ్వాన్స్లు కూడా ఇచ్చారని, కానీ రాజకీయ ఒత్తిళ్ల కారణంగా ఆ తర్వాత సినిమాల నుంచి ఆయనను తొలగించిన సందర్భాలు కూడా ఉన్నాయని ఆమె సంచలన నిజాలను వెల్లడించారు.
వృత్తిపరంగా ఆయన ఎంతో నష్టపోయినప్పటికీ, ప్రకాశ్రాజ్ మాత్రం తన సిద్ధాంతాల నుంచి ఎప్పుడూ వెనక్కి తగ్గేది లేదని స్పష్టం చేశారు. తన మనస్సాక్షికి ఏది తప్పుగా అనిపిస్తుందో, దానిని ఎప్పటికీ అంగీకరించకూడదని ఆయన గట్టి నిర్ణయం తీసుకున్నారని పోనీ వర్మ పేర్కొన్నారు. ఆర్థికంగా, కెరీర్ పరంగా ఎన్నో నష్టాలు ఎదురైనా తన నమ్మకాల కోసం ఆయన రాజీపడకుండా ముందుకు సాగుతున్న తీరును ఆమె ఈ సందర్భంగా ప్రస్తావించారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

