Visit:
RTC Bus | ఇచ్చోడ : ప్రయాణికులతో వెళ్తున్న ఆర్టీసీ బస్సులో నుంచి హఠాత్తుగా పొగలు బయటకు వచ్చాయి. అయితే డ్రైవర్ సకాలంలో స్పందించడంతో పెను ప్రమాదం తప్పింది. ఆర్టీసీ బస్సు ఆదిలాబాద్ నుంచి నిర్మల్ వెళ్తున్న సమయంలో ఈ ఘటన జరిగింది. ఆదిలాబాద్ నుంచి నిర్మల్ వెళ్తున్న ఆర్టీసీ బస్సుఇచ్చోడ మండలం డోంగర్గావ్ సమీపంలోకి రాగానే ఇంజిన్లో నుంచి పొగలు వచ్చాయి.
ఈ విషయాన్నిగమనించిన డ్రైవర్ వెంటనే అప్రమత్తమై బస్సును రోడ్డు పక్కన నిలిపివేశారు. బస్సులో నుంచి ఒక్కసారిగా పొగలు రావడంతో ప్రయాణికులు భయాందోళనకు గురయ్యారు. వెంటనే ప్రయాణికులంతా బస్సులో నుంచి కిందకు పరుగులు తీశారు. డ్రైవర్ వెంటనే స్పందించడంతో ఎవరికీ ఎలాంటి ప్రమాదం జరుగలేదు. దీంతో అందరూ ఊపిరి పీల్చుకున్నారు. ఘటనాస్థలానికి చేరుకున్న ఆర్టీసీ మెకానిక్ టీం పొగలు రావడానికి కారణమేంటనే దానిని పరిశీలిస్తున్నారు.
