Water Tankers | సిద్దిపేట జిల్లాలో ట్యాంకర్లతో పొలం పారిస్తున్న రైతన్న.. వీడియో

Water Tankers | సాగునీటి సమస్య, కరెంట్ కోతలతో ఎండిపోతున్న పంటలను కాపాడడానికి రాష్ట్రవ్యాప్తంగా చాలా ప్రాంతాల్లో రైతులు ఎలాంటి పాట్లు పడుతున్నారో మరోసారి కండ్లకు కట్టినట్టు చూపించే వీడియో బయటకు వచ్చింది.

October 26, 2026 / 02:57 PM IST

Water Tankers | సిద్దిపేట జిల్లాలో ట్యాంకర్లతో పొలం పారిస్తున్న రైతన్న.. వీడియో

Water Tankers | ఓ వైపు ఎల్‌నినో ప్రభావం, మరోవైపు కరెంట్‌ కోతలు, ఇంకోవైపు సాగు నీరు అందక రాష్ట్రవ్యాప్తంగా చాలా ప్రాంతాల్లో పంట పొలాలు ఎండిపోతుండటంతో రైతులు దిక్కుతోచని స్థితిలోకి వెళ్లిపోతున్నారు. ఎంతో కష్టపడి వేసిన వరి పంట పొట్టచేతకొచ్చే దశలో ఎండిపోతుండటంతో ప్రభుత్వం నుంచి ఎలాంటి భరోసా లేకపోవడంతో చేసేదేమీ లేక జనరేటర్ల సాయంతో వరిని పారిస్తూ కాపాడుకునేందుకు తీవ్ర ప్రయత్నాలు చేస్తున్నారు.

ఇప్పటికే కొందరు రైతులు నీళ్లు లేక ఎండిపోయిన పంట పొలాలను పశువులకు మేతగా వదిలేసి కన్నీరుమున్నీరవుతుండగా.. మరికొందరేమో వరిని తగలబెడుతున్నారు. సాగునీటి సమస్య, కరెంట్ కోతలతో ఎండిపోతున్న పంటలను కాపాడడానికి రైతులు ఎలాంటి పాట్లు పడుతున్నారో మరోసారి కండ్లకు కట్టినట్టు చూపించే వీడియో బయటకు వచ్చింది.

సిద్దిపేట జిల్లా గజ్వేల్ పట్టణ శివారులో రైతు స్వామి ఎండిపోతున్న తన వరి పంటను కాపాడుకునేందుకు ట్యాంకర్ ద్వారా నీటిని తెప్పించి పొలంలో పారిస్తున్నారు. రెండు ట్యాంకర్ల నీటితో పొలాన్ని నీరు పారిస్తున్న వీడియో రైతుల పరిస్థితి ఎలా ఉందో చెప్పకనే చెబుతోంది.

సాగునీటి సమస్య, కరెంట్ కోతలతో ఎండిపోతున్న పంటలను కాపాడడానికి రైతుల విశ్వప్రయత్నాలు

సిద్దిపేట జిల్లా గజ్వేల్ పట్టణ శివారులో ఎండిపోతున్న పంటను కాపాడుకునేందుకు ట్యాంకర్ ద్వారా నీటిని తెప్పించి పొలంలో పారిస్తున్న రైతు స్వామి https://t.co/TENrrMIDAC

— Telugu Scribe (@TeluguScribe) October 26, 2026