ఎస్పీ నేత అజంఖాన్ ఆరోగ్య ప‌రిస్థితి విష‌మం

సమాజ్‌వాదీ పార్టీ నాయకుడు అజం ఖాన్ ఆరోగ్య ప‌రిస్థితి విష‌మంగా త‌యారైంది. ప్ర‌స్తుతం ఆయ‌న ల‌క్నోలోని మేదంత ద‌వాఖాన‌లో చికిత్స పొందుతున్నాడు. ప‌రిస్థితి విష‌మంగా ఉండ‌టంతో వైద్యులు ఆయ‌న‌కు ఆక్సిజన్ సపోర్ట్‌లో ఉంచారు.

May 29, 2021 / 06:40 PM IST

ఎస్పీ నేత అజంఖాన్ ఆరోగ్య ప‌రిస్థితి విష‌మం

లక్నో: సమాజ్‌వాదీ పార్టీ నాయకుడు అజం ఖాన్ ఆరోగ్య ప‌రిస్థితి విష‌మంగా త‌యారైంది. ప్ర‌స్తుతం ఆయ‌న ల‌క్నోలోని మేదంత ద‌వాఖాన‌లో చికిత్స పొందుతున్నాడు. ప‌రిస్థితి విష‌మంగా ఉండ‌టంతో వైద్యులు ఆయ‌న‌కు ఆక్సిజన్ సపోర్ట్‌లో ఉంచారు.

“సమాజ్‌వాదీ పార్టీ నాయకుడు అజం ఖాన్ పరిస్థితి క్లిష్టంగా త‌యారైంది. అతను ఆక్సిజన్ మద్దతుతో ఉన్నాడు” అని లక్నోలోని మేదంత ద‌వాఖాన యాజ‌మాన్యం ఒక ప్ర‌క‌ట‌న‌లో తెలిపింది. ఈనెల‌ 9 న ఆరోగ్య స‌మ‌స్య‌లు త‌లెత్త‌డంతో చికిత్స అందించేందుకు అజంఖాన్‌ను సీతాపూర్ జైలు నుంచి లక్నోలోని మేదంత ద‌వాఖాన‌కు తరలించారు. అజంఖాన్‌కు కరోనావైరస్ సోకిన‌ట్లుగా గుర్తించి చికిత్స అందిస్తున్నారు.

ఏప్రిల్ 30 న అజంఖాన్‌తో పాటు ఆయ‌న కుమారుడు కూడా క‌రోనా పాజిటివ్‌గా తేలారు. మే 9 న అజామ్ ఖాన్ ఆరోగ్యం హఠాత్తుగా క్షీణించింది. కుమారుడితో కలిసి లక్నో ద‌వాఖాన‌కు వెళ్లిన అజాం ఖాన్‌.. ప్ర‌స్తుతం ఆక్సిజ‌న్ స‌పోర్ట్‌లో ఉన్నారు. అజం ఖాన్ గత ఏడాది ఫిబ్రవరి నుంచి సీతాపూర్ జైలులో ఉన్నారు. అతని కొడుకు కూడా సీతాపూర్ జైలులోనే ఉంటున్నాడు.