Police Raids | అక్రమ ఇసుక రవాణాపై పోలీసుల మెరుపు దాడులు .. నాలుగు టిప్పర్లు సీజ్

Police Raids | మండలంలో ఎలాంటి అనుమతులు లేకుండా ఇసుక తరలిస్తున్న వాహనాలపై తెల్లవారుజామున పోలీసులు మెరుపు దాడులు నిర్వహించి నాలుగు టిప్పర్లను పట్టుకున్నారు.

మాగనూరు : మండలంలో ఎలాంటి అనుమతులు లేకుండా ఇసుక తరలిస్తున్న ( Sand Transportation ) వాహనాలపై తెల్లవారుజామున పోలీసులు మెరుపు దాడులు ( Police Raids ) నిర్వహించి నాలుగు టిప్పర్లను పట్టుకున్నారు. ఎస్సై కే మహేందర్ రెడ్డి ( SI Mahendar Reddy ) ఆదేశాల మేరకు పోలీసులు  వడ్యాట్ గ్రామ శివారులో రెండు టిప్పర్లు, వడ్యాట్ నుంచి చందాపూర్ వెళ్లే మార్గంలో మరో రెండు టిప్పర్లను పోలీసులు గుర్తించారు. వాహనాల్లో ఇసుక తరలిస్తున్న ప్పటికీ అందుకు సంబంధించిన ఎలాంటి అనుమతి పత్రాలు లేకపోవడంతో నాలుగు వాహనాలను సీజ్ చేసి పోలీస్ స్టేషన్‌కు తరలించారు.

ఈ ఘటనపై సంబంధిత వాహనదారులపై కేసులు నమోదు చేసి పోలీసులు దర్యాప్తు చేపట్టారు. మండలంలో అక్రమ ఇసుక రవాణాకు పాల్పడితే ఎంతటివారైనా ఉపేక్షించేది లేదని, ప్రభుత్వ నిబంధనలకు విరుద్ధంగా ఇసుక తరలించే వారిపై కఠిన చర్యలు తీసుకుంటామని పోలీసులు హెచ్చరించారు. మండలంలో అక్రమ ఇసుక దందాకు పూర్తిస్థాయిలో అడ్డుకట్ట పడేలా నిరంతర నిఘా కొనసాగించాలని ప్రజలు కోరుతున్నారు.