ACB Net | రూ.2 లక్షలు లంచం తీసుకుంటూ రెడ్‌హ్యండెడ్‌గా చిక్కిన కీసర ఎస్సై

ACB Net | మల్కాజీగిరి కమిషనరేట్‌ పరిధిలోని కీసర సబ్‌ ఇన్‌స్పెక్టర్ కొండారెడ్డి శ్రీనివాస్‌ అవినీతికి పాల్పడుతూ ఏసీబీ అధికారులకు రెడ్‌ హ్యండ్‌డ్‌గా పట్టుబడ్డారు.

హైదరాబాద్‌ : మల్కాజీగిరి కమిషనరేట్‌ పరిధిలోని కీసర ( Keesara ) సబ్‌ ఇన్‌స్పెక్టర్ కొండారెడ్డి శ్రీనివాస్‌ ( SI Srinivas ) అవినీతికి పాల్పడుతూ ఏసీబీ ( ACB Net) అధికారులకు రెడ్‌ హ్యండ్‌డ్‌గా పట్టుబడ్డారు. కేసులో నిందితుడిగా ఉన్న ఒకరు కేసు విచారణను పూర్తి చేసి చార్జ్‌షీట్‌ దాఖలు చేయాలని ఎస్సైను కోరగా అందుకు ప్రతిఫలంగా రూ.2 లక్షలు డిమాండ్‌ చేశారు.

దీంతో ఫిర్యాదుదారుడు ఏసీబీని ఆశ్రయించగా సోమవారం ఎస్సైను లంచం తీసుకుంటుండగా పట్టుకున్నారు. విధి నిర్వహణలో అవినీతికి పాల్పడినందుకు అతడిపై కేసు నమోదు చేసి నాంపల్లి ఏసీబీ కోర్టులో హాజరుపరిచినట్లు ఏసీబీ ఉన్నతాధికారులు వెల్లడించారు.