న్యూఢిల్లీ : వాహనదారులకు చమరు కంపెనీలు షాక్ ఇస్తూనే ఉన్నాయి. ఇప్పటికే రికార్డు స్థాయికి చేరగా.. తాజాగా లీటర్ పెట్రోల్పై 28 పైసలు, లీటర్ డీజిల్పై 26 పైసలు పెంచాయి. రాజస్థాన్లోని శ్రీగంగానగర్, మధ్యప్రదేశ్లోని భోపాల్పై లీటర్ పెట్రోల్ ధర రూ.100 దాటగా.. కొత్తగా దేశ ఆర్థిక రాజధాని ముంబైలో లీటర్ పెట్రోల్ ధర సెంచరీ కొట్టింది. ఇంతకు ముందు గురువారం ధరలు పెరగ్గా.. శుక్రవారం విరామం తర్వాత శనివారం ధరలు పైకి కదిలాయి. తాజాగా పెంచిన ధరలతో ఢిల్లీలో లీటర్ పెట్రోల్ ధర రూ.93.94, లీటర్ డీజిల్ రూ.84.89కి చేరాయి. ముంబైలో లీటర్ పెట్రోల్ రూ.100.19, డీజిల్ రూ.92.17కు పెరిగింది. హైదరాబాద్లో లీటర్ పెట్రోల్ ధర.97.63, లీటర్ డీజిల్ రూ.92.54కు చేరింది.
పెట్రోల్పై రూ.3.61.. డీజిల్పై రూ.4.11 పెంపు
గత అసెంబ్లీ ఎన్నికలకు ముందు పెట్రోల్ ధరలు నిలకడగా కొనసాగుతూ వచ్చాయి. ఎన్నికల ఫలితాలు ఈ నెల 2న వెలువడగా.. ఆ తర్వాత రోజు నుంచి ఇంధన ధరలు పెరుగుతూ వస్తున్నాయి. గత నెలలో ముడి చమురు ఖరీదైన తర్వాత సైతం పెట్రోల్, డీజిల్ రేట్లు పెరుగలేదు. అయితే, ముడి చమురు రేట్లు తగ్గిన అనంతరం పెట్రోల్, డీజిల్పై నాలుగుసార్లు తగ్గించారు. దీంతో పెట్రోల్ లీటర్కు 77 పైసలు, డీజిల్పై 74 పైసలు వరకు తగ్గించాయి. ఈ నెలలో ఎన్నికల ఫలితాలు వెలువడిన అనంతరం వరుసగా, రోజువిడిచి రోజు చమురు కంపెనీలు ధరలను పెంచుతూ వస్తున్నాయి.
ఇప్పటి వరకు 15 సార్లు ధరలు పెరగ్గా.. లీటర్ పెట్రోల్పై రూ.3.61, డీజిల్పై రూ.4.11 పెంచాయి. ఇదిలా ఉండగా.. ఒపెక్ దేశాల మంత్రివర్గ సమావేశం జూన్ 1న జరుగనుంది. రాబోయే జూలైలో ముడి చమురు ఉత్పత్తిని పెంచుతారనే ఊహాగానాలున్నాయి. దీంతో ముడి చమురు మార్కెట్ ధరలు శుక్రవారం స్థిరంగా కొనసాగాయి. యూఎస్ మార్కెట్లో బ్రెంట్ ముడి శుక్రవారం బ్యారెల్కు 69.46 డాలర్లు పలికింది. డబ్ల్యూటీఐ క్రూడ్ బ్యారెల్కు 0.53 డాలర్లు తగ్గి.. 66.32 డాలర్లకు చేరుకుంది.
ప్రధాన నగరాల్లో ధరలు ఇలా..
ఢిల్లీలో లీటర్ పెట్రోల్ రూ.93.94.. డీజిల్ 84.89
ముంబైలో లీటర్ పెట్రోల్ రూ.100.19.. డీజిల్ రూ.92.17
చెన్నైలో లీటర్ పెట్రోల్ రూ.95.51.. డీజిల్ రూ.89.65
కోల్కతాలో లీటర్ పెట్రోల్ రూ.93.97.. డీజిల్ రూ.87.74
భోపాల్లో లీటర్ పెట్రోల్ రూ.102.04.. డీజిల్ 93.37
రాంచీలో లీటర్ పెట్రోల్ రూ.90.62.. డీజిల్ రూ.89.64
బెంగళూరులో లీటర్ పెట్రోల్ రూ.97.07.. డీజిల్ రూ.89.99
పాట్నాలో లీటర్ పెట్రోల్ రూ.96.10.. డీజిల్ రూ.90.16
చండీగఢ్లో లీటర్ పెట్రోల్ రూ.90.36, డీజిల్ రూ.84.55
లక్నోలో లీటర్ పెట్రోల్ రూ.91.41.. డీజిల్ రూ.85.28
హైదరాబాద్లో లీటర్ పెట్రోల్ రూ.97.63, డీజిల్ రూ.92.54